ຢ້ອນວັນວານ 15 ປີເຂດເສດຖະກິດສາມຫຼ່ຽມຄຳ

ຢ້ອນວັນວານ 15 ປີເຂດເສດຖະກິດສາມຫຼ່ຽມຄຳ

13th May 2022 0 By Education

ຕ່າງຄົນຕ່າງມຸມຄວາມຄິດ ບາງຄົນມີແຕ່ອະຄະຕິບໍເປີດໃຈ ພໍແຕ່ຮູ້ຂໍ້ມູນໜ້ອຍໜຶ່ງກໍ່ຕີລາຄາດ້ານລົບມາກ່ອນສະເໝີ ແຕ່ດ້ານກັບກັນທີ່ເຮັດໃຫ້ສັງຄົມດີຂຶ້ນເຂດແຄວ້ນໄດ້ຮັບການພັດທະນາພັດບໍເບິ່ງສາ!

 

ແອັດກຳລັງເວົ້າເຖິງເຂດເສດຖະກິດສາມຫຼ່ຽມຄຳ ທີ່ຍັງມີຄົນຈຳນວນໜຶ່ງເບິ່ງບໍຄ່ອຍດີແຕ່ໃນຄວາມເປັນຈີງເຂດນີ້ກ້າວໜ້າໄປຫຼາຍ ແລະເຊື່ອວ່າປະຊາຊົນເຂດໃກ້ຄຽງກໍ່ໄດ້ຮັບຜົນປະໂຫຍດຫຼາຍສົມຄວນໃນໄລຍະ 15 ປີຜ່ານມາ.

ມື້ນີ້ເຮົາມາເບິ່ງພາບເບື້ອງຫຼັງເມື່ອ 15ປີ ກ່ອນດິນຕອນນີ້ເປັນພຽງປ່າເຫລົ່າຮົກເຮື້ອ ແລະ ດອນຊາວທີ່ມີພຽງຮ້ານນ້ອຍໆຂາຍເຄື່ອງຍັງຍາຍຢູ່ຕາມດອນ.

ມາຕອນນີ້ກາຍເປັນແຫລ່ງທ່ອງທ່ຽວຫລັກຂອງແຂວງບໍ່ແກ້ວໄປແລ້ວ ສ່ວນເສັ້ນທາງຈາກນ້ຳເກິ່ງຫາຕົ້ນເຜິ້ງນັ້ນເປັນທາງດິນແດງ ຫນ້າຝົນກໍ່ຂີ້ຕົ້ມເປິເປື້ອນ ສ່ວນຢາມແລ້ງກໍ່ເຕັມໄປດ້ວຍຂີ້ຝຸ່ນແລ້ວຕອນນີ້ເດ ທາງປູຄອນກີດລຽບຫຼູໄປມາແສນສະດວກ.

ຕ້ອງຂໍຂອບໃຈເຂດແຫ່ງນີ້ທີ່ເຂົ້າມາພັດທະນາ ແລະ ສ້າງວຽກເຮັດງານທຳໃຫ້ແກ່ປະຊາຊົນລາວ ໃນຂົງເຂດທົ່ວປະເທດໃຫ້ມີລາຍຮັບ ແລະ ມີຊີວິດການເປັນຢູ່ທີ່ດີຂຶ້ນຈາກເມືອກ່ອນຫລາຍ

ຍັງມີອີກຫຼາຍຢ່າງທີ່ເຂດສ້າງໄວ້ ເປັນຕາໃຫ້ປະເທດເຮົາເອົາເປັນບົດຮຽນເປັນຕົ້ນແມ່ນການສ້າງພື້ນທີ່ສີຂຽວຕາມຖະໜົນຫົນທາງ, ການວາງສາຍລົງດິນບໍເຮັດໃຫ້ມີຊຸມສາຍເກະກະຕາມແລວເສັ້ນທາງ ແລະອື່ນໆອີກຫຼາຍຢ່າງ.