ຜູ້ມັກຂຶ້ນເຮືອບິນ ບາງກໍລະນີແບບນີ້ກໍທ້າທາຍດີສົມຄວນ

ຜູ້ມັກຂຶ້ນເຮືອບິນ ບາງກໍລະນີແບບນີ້ກໍທ້າທາຍດີສົມຄວນ

15th May 2022 0 By Education

ເຫດການສຸກເສີນສາມາດເກີດຂຶ້ນໄດ້ ທຸກທີ່ທຸກເວລາ ແມ່ນແຕ່ບິນຢູ່ກັບເວຫາອາກາດກໍ່ຫຼີກລ່ຽງບໍໄດ້ຄືດັ່ງກໍລະນີທີ່ເກີດຂຶ້ນເມື່ອບໍ່ດົນມານີ້ ທີ່ຟໍຣີດາ ຂອງອາເມລິກາ ໄດ້ເກີດເຫດຊວນຫວາດສຽວສຸດໆ ເມື່ອຜູ້ໂດຍສານຄົນໜຶ່ງຂຶ້ນເຄື່ອງບິນຮຸ່ນ Cessna 208 Caravan ພ້ອມກັບນັກບິນສ່ວນຕົວ ແລະແລ້ວນັກບິນກໍໝົດສະຕິຂະນະບິນຢູ່ກາງອາກາດ.

ຜູ້ໂດຍສານຄົນດັ່ງກ່າວແມ່ນບໍມີປະສົບການໃນການບິນເລີຍແມ່ນແຕ່ການສຳຜັດ ແຕ່ລາວເປັນຄົນທີ່ມີສະຕິພໍທີ່ຈະວິທະຍຸໄປຫາຫໍບັງຄັບການທີ່ຢູ່ໃກ້ທີ່ສຸດ ເພື່ອແຈ້ງວ່ານັກບິນຂອງຕົນໄດ້ປະສົບບັນຫາທາງການແພດຢູ່ເທີງອາກາດ  ກ່ອນທີ່ເຈົ້າໜ້າທີ່ຈະເຂົ້າມາໂອ້ລົມໃຫ້ຄຳແນະນຳ.

ເຖິງຈະຢູ່ໃນສະຖານະການສຸກເສີນທີ່ຮ້າຍແຮງ ແຕ່ Robert Morgan ຜູ້ຢູ່ຫໍການບິນເລົ່າວ່າ ຊາຍໜຸ່ມທີ່ຢູ່ໃນເຫດການນັ້ນແມ່ນໃຈເຢັນ ແລະສະຫງົບສຸດ ລາວບອກວ່າບໍເຄີບຂັບເຄື່ອງບິນມາກ່ອນ ແຕ່ເຄີຍນັ່ງເຮືອບິນມາຫຼາຍສິບຄັ້ງ ແລະເຫັນການຂັບເຄື່ອນຂອງເຮືອບິນມາກ່ອນ.


Robert ຈິ່ງທຳການເຄຍຣັນເວທີ່ໃຫຍ່ທີ່ສຸດໃນລາວ ເພື່ອໃຫ້ນັກບິນຈຳເປັນຄົນນັ້ນເອົາເຄື່ອງລົງຈອດໄດ້ໄດ້ສະດວກຫຼາຍຂຶ້ນ ດ້ານຊາຍໜຸ່ມກໍເຮັດຕາມການແນະນຳຂອງ  Robert ທຸກປະການ ສຸດທ້າຍລາວໄດ້ເອົາເຄື່ອງບິນລຳດັ່ງກ່າວລົງເດິ່ນໄດ້ຢ່າງປອດໄພ.

ທີ່ຈີງແລ້ວຄົນໆໜຶ່ງຈະຮຽນຮູ້ການເອົາເຮືອບິນລົງຈອດໄດ້ຕ້ອງໃຊ້ເວລາຢ່າງໜ້ອຍ 20 ຊົ່ວໂມງ ແຕ່ກັບຊາຍຄົນນີ້ກັບແລນດິ້ງໄດ້ຢ່າງສວຍງາມ ຈົນໂຣເບີດ ແລະຜູ້ຊ່ຽວຊານຕ້ອງໃຫ້ຄະແນນເຕັມບໍ່ມີຫັກ.

ພາຍຫຼັງລົງສູ່ເດິ່ນ ຊາຍໜຸ່ມນັກບິນຈຳເປັນເລົ່າວ່າ ຕົນຄິດພຽງຢາກເອົາຊີວິດລອດກັບມາ ຢາກໄປຫາເມຍທີ່ກຳລັງຖືພາຢູ່ ຢາກເຫັນລູກອອກມາ ໂອໂຫກະທົບຫົວໃຈສຸດໆແມ່ນບໍລະ!