ຍົນໂດຍສານຂະໜາດໃຫຍ່ C919ຂອງຈີນບິນເທື່ອທຳອິດປະສົບຜົນສຳເລັດເປັນຢ່າງດີ

ຍົນໂດຍສານຂະໜາດໃຫຍ່ C919ຂອງຈີນບິນເທື່ອທຳອິດປະສົບຜົນສຳເລັດເປັນຢ່າງດີ

15th May 2022 0 By Education

ເວລາ6ໂມງ52ນາທີຂອງວັນທີ 14 ພຶດສະພາ 2022 ນີ້, ຍົນໂດຍສານໃຫຍ່C919ເບີB-001J ໄດ້ບິນຈາກສະໜາມບິນຜູຕົ່ງຊຽງໄຮ ແລະລົງຈອດຢ່າງປອດໄພໃນເວລາ 9 ໂມງ 54 ນາທີ, ເຊິ່ງເປັນຂີດໝາຍສະແດງໃຫ້ເຫັນວ່າ: ຍົນໂດຍສານໃຫຍ່C919ລຳທຳອິດທີ່ບໍລິສັດການຄ້າເຮືອບິນຂອງຈີນໃກ້ຈະໄດ້ສົ່ງ-ມອບໃຫ້ລູກຄ້າແລ້ວພາຍຫຼັງ ໄດ້ສຳເລັດການບິນທົດລອງເທື່ອທຳອິດຢ່າງຈົບງາມ.


ບໍລິສັດການຄ້າເຮືອບິນຈີນແຈ້ງໃຫ້ຮູ້ວ່າ: ໃນໄລຍະການບິນເປັນເວລາ3ຊົ່ວໂມງ2ນາທີ,ນັກບິນແລະນັກວິສາວະກອນທີ່ເຂົ້າຮ່ວມການທົດລອງບິນສາມາດປະສານງານເປັນຢ່າງດີ ໂດຍໄດ້ສຳເລັດໜ້າທີ່ທຸກລາຍທີ່ກຳນົດໄວ້,ສະພາບການບິນຂອງຍົນໂດຍສານດີຫຼາຍ.

ເຊິ່ງການທົດລອງບິນແມ່ນເພື່ອໄດ້ຮັບໃບອະນຸຍາດ ແລະກະກຽມໃສ່ວຽກງານມອບຮັບເຮືອບິນດັ່ງກ່າວ.

C919,  ເປັນສ່ວນໜຶ່ງຂອງເປົ້າໝາຍໃນການຜະລິດເຮືອບິນ ເພື່ອບໍລິການຂອງ ສປ ຈີນ ຖ້າສຳເລັດການຜະລິດເຮືອບິນຮຸ່ນນີ້ ແມ່ນເອີ້ນວ່າ ສປ ຈີນໄດ້ມີເຮືອບິນໂດຍສານຂະໜາດກາງ-ໃຫຍ່ສຳລັບບໍລິການຜູ້ໂດຍສານທາງອາກາດແລ້ວ ເຊິ່ງມີຂະໜາດເທົ່າກັບ ແອບັສ A320 ແລະ ໂບອິ່ງ 737 MAX.

ຄວາມສາມາດບັນຈຸຂອງເຮືອບິນລຳດັ່ງກ່າວແມ່ນຢູ່ລະດັບ 158-168 ບ່ອນນັ່ງ ດ້ວຍມາດຕະຖານການບິນສູງສຸດ 4.075 ກິໂລແມັດແລະ 5.555 ກິໂລແມັດ.

ວັນທີ1ມີນາປີ2021,ບໍລິສັດການບິນຕາເວັນອອກແລະບໍລິສັດການຄ້າເຮືອບິນຈີນໄດ້ເຊັນສັນຍາຈັດຊື້ເຮືອບິນໃຫຍ່C919ຢູ່ທີ່ນະຄອນຊຽງໄຮ້. ຫຼັງຈາກນຳເຂົ້າ5ລຳງວດທຳອິດແລ້ວ, ຈະຖືຊຽງໄຮ້ເປັນບ່ອນບໍລິການຕົ້ນຕໍ.