ສະຫະພາບຢູໂຣບ ຍອມອ່ອນຂໍ້ ອະນຸຍາດບັນດາບໍລິສັດ ຊື້ກ໊າສຈາກຣັດເຊຍດ້ວຍເງິນຣູເບິລ, ດ້ານໂປແລນ ບໍ່ພໍໃຈຢ່າງໃຫຍ່

ສະຫະພາບຢູໂຣບ ຍອມອ່ອນຂໍ້ ອະນຸຍາດບັນດາບໍລິສັດ ຊື້ກ໊າສຈາກຣັດເຊຍດ້ວຍເງິນຣູເບິລ, ດ້ານໂປແລນ ບໍ່ພໍໃຈຢ່າງໃຫຍ່

17th May 2022 0 By Admin

ສຳນັກຂ່າວຕ່າງປະເທດລາຍງານວ່າ: ຄະນະກຳມາທິການຢູໂຣບ ໄດ້ອອກຄຳແນະນຳທີ່ປັບໃໝ່ ແລ້ວສົ່ງໄປຍັງຊາດສະມາຊິກເມື່ອວັນສຸກທີ 13 ພຶດສະພາຜ່ານມາ ແຕ່ຄະນະກຳມາທິການຢູໂຣບ ຫາກໍເປີດເຜີຍລາຍລະອຽດຂອງຈໍ້ມູນດັ່ງກ່າວໃນວັນທີ 16 ພຶດສະພາ2022.


ເນື້ອຫາທີ່ປັບປຸງໃໝ່ ກຳນົດໄວ້ວ່າມາດຈະການຂວ້າມບາດຂອງອີຢູ ຈະບໍ່ຫ້າມຜູ້ໃຫ້ບໍລິການດ້ານພະລັງງານເປີດບັນຊີທະນາຄານທີ່ມີກຳນົດໄວ້ສຳລັບຊຳລະເງິນໃນການຈັດຫາກ໊າສທຳມະຊາດຈາກຣັດຜູ້ຂາຍດ້ວຍສະກຸນເງິນທີ່ກຳໜົດໄວ້ໃນສັນຍາ ແລະ ບັນດາຜູ້ປະກອບການຄວນຕ້ອງເຮັດໃຫ້ຊັດເຈນວ່າພວກເຮົາມີເຈດຕະນາການປະຕິບັດຕາມຂໍ້ບັງຄັບພາຍໃຕ້ສັນຍາທີ່ມີຢູ່ແລ້ວຖືວ່າໄດ້ເຮັດຕາມຂໍ້ກຳນົດຄົບຖ້ວນແລ້ວ ເມື່ອໄດ້ຊຳລະຄ່າກ໊າສດ້ວຍສະກຸນເງິນຢູໂຣ ຫລື ໂດລາສະຫະລັດ ສອດຄ່ອງກັນສັນຍາ.


ສຳນັກຂ່າວ Bloomberg ຂະຫຍາຍຄວາມວ່າ: ແນວທາງໃໝ່ນີ້ ບໍ່ໄດ້ຫ້າມບໍລິສັດຕ່າງໆ ເປີດບັນຊີກັບທະນາຄານ ກ໊າສພຣອມແບັງ ຂອງຣັດເຊຍແລະ ອະນຸຍາດໃຫ້ພວກເຂົາສາມາດຊື້ກ໊າສຕໍ່ໄປໄດ້ ໂດຍບໍ່ລະເມີດມາດຕະການຂວ້າມບາດຂອງອີຢູ ແຕ່ຍັງມີຄວາມບໍ່ຊັດເຈນ ກ່ຽວກັບຂໍ້ກຳໜົດຂອງຣັດເຊຍ ທີ່ໃຫ້ບໍລິສັດຕ່າງໆ ເປີດບັນຊີທະນາຄານບັນຊີທີສອງໃນສະກຸນເງິນ ຣູເບິລ ຈິ່ງຖືວ່າຊຳລະເງິນສຳເລັດສົມບູນ.


ຂະນະທີ່ບໍລິສັດຕ່າງໆເລີ່ມເຮັດຕາມຂໍ້ຮຽກຮ້ອງຂອງຣັດເຊຍແລ້ວ ເພື່ອໃຫ້ການສົ່ງກ໊າສລາບລື່ນ ໂດຍ Eni SpA ບໍລິສັດພະລັງງານຍັກໃຫຍ່ຂອງອິຕາລີ ເຜີຍວ່າກຳລັງຈະເປີດບັນຊີທະນາຄານກ໊າສພຣອມແບັງ ທັງໃນບັນຊີເງິນຣູເບິລ ແລະ ເງິນຢູໂຣ ພາຍໃນວັນພຸດທີ18 ພຶດສະພາ ເພື່ອຈະໄດ້ຊຳລະເງິນໄດ້ທັນຕາມກຳໜົດແລະຫລີກລ່ຽງຄວາມສ່ຽງໆຕໍ່ອຸປະທານກ໊າສ.
ຢ່າງໃດກໍຕາມ ການປັບທ່າທີທີ່ອ່ອນລົງຂອງອີຢູ ເຮັດໃຫ້ຜູ້ນຳບາງຊາດບໍ່ພໍໃຈ ໂດຍນາຍຍົກລັດຖະມົນຕີຂອງໂປແລນ ວີຈານອີຢູວ່າເຂົາຮູ້ສຶກຜິດຫວັງທີ່ເຫັນສະຫະພາບຢູໂຣບຍິນຍອມຊຳລະຄ່າກ໊າສດ້ວຍເງິນຣູເບິລ. ໂປແລນຈະຍັງຢຶດໝັ້ນຕາມກະຕິກາແລະ ຈະບໍ່ຍອມຈຳນົນຕໍ່ການຫັກຫຼັງຂອງປູຕິນ.


ທັງນີ້ຮັດເຊຍ ໄດ້ລະງັບການສົ່ງກ໊າສໄປຍັງໂປແລນ ຕັ້ງແຕ່ຊ່ວງທ້າຍເດືອນເມສາຜ່ານມາ ໂດຍລະບຸວ່າໂປແລນບໍ່ຍອມປະຕິບັດຕາມເງື່ອນໄຂໃນການຊຳລະເງິນດ້ວຍສະກຸນຣູເບິລ ຕາມປະກາດໃໝ່ຂອງປະທານາທິບໍດີປູນຕິນ.
ເຖິງວ່າອີຢູປັບທ່າທີກ່ຽວກັບການນຳເຂົ້າກ໊າສຣັດເຊຍ ແຕ່ການຂວ້າມບາດນໍ້າມັນຂອງຣັດເຊຍ ອີຢູກຳລັງຫາທາງກົດດັນຮັງກາຣີ ໃຫ້ຍົກເລີກການວີໂຕ້ ຫລື ໃຊ້ສິດຢຸດຢັ້ງຂໍ້ສະເໜີດັ່ງກ່າງວ ໂດຍລັດຖະມົນຕີຕ່າງປະເທດຂອງລິທົວເນຍ ເຖິງຂັ້ນກ່າວເຖິງວ່າມີຊາດໜຶ່ງກຳລັງຈັບອີຢູເປັນຕົວປະກັນ