ລັດຖະບານ ສະວີເດັນ ແລະ ຟິນແລນ ຕັດສິນໃຈປະກາດສະໝັກເຂົ້າເປັນສະມາຊິກນາໂຕ້, ຂະນະທີ່ຕວັກກີ ພ້ອມລົງມະຕິຄັດຄ້ານ

ລັດຖະບານ ສະວີເດັນ ແລະ ຟິນແລນ ຕັດສິນໃຈປະກາດສະໝັກເຂົ້າເປັນສະມາຊິກນາໂຕ້, ຂະນະທີ່ຕວັກກີ ພ້ອມລົງມະຕິຄັດຄ້ານ

18th May 2022 0 By Admin

ນາຍົກລັດຖະມົນ ສະວີເດັນ ມັກຄາເລນາ ແອນເດີສັນ ກ່າວວ່າ: ລັດຖະບານສະວີເດັນໄດ້ຈັດສິນໃຈ ແຈ້ງໃຫ້ອົງການນາໂຕ້ຊາບແລ້ວວ່າຕ້ອງການເຂົ້າຮ່ວມເປັນສະມາຊິກຂອງນາໂຕ້ ໂດຍຈະມີການຍື່ນໃບສະໝັກຢ່າງເປັນທາງການໃນອີກບໍ່ເທົ່າໃດວັນຈາກນີ້ ເຊິ່ງສອດຄ່ອງກັບເງື່ອນໄຂເວລາຂອງຟິນແລນເຊັ່ນກັນ.


ເມື່ອວັນອາທິດທີ 15 ພຶດສະພາ ພັກໂຊຊຽວ ເດໂມແຄັສ ເຊິ່ງເປັນພັກລັດຖະບານຂອງສະວີເດັນ ໄດ້ມີມະຕິຍົກເລີກການຄັດຄ້ານການເຂົ້າຮ່ວມອົງການນາໂຕ້ ທີ່ໃຊ້ມາດົນ73ປີ ຖືເປັນການສິ້ນສຸດສະຖານະຄວາມເປັນກາງທາທະຫານຂອງສະວີເດັນ ມານານກວ່າ200ປີ.


ນາຍົກລັດຖະມົນຕີແອນເດີສັນ ກ່າວຕໍ່ລັດສະສະພາສະວີເດັນໃນວັນຈັນວ່າ: ຢູໂຣບ, ສະວີເດັນ ແລະປະຊາຊົນສະວີເດັນ ກຳລັງໃຊ້ຊີວິດໃນຄວາມເປັນຈິງທີ່ເຕັມໄປດ້ວຍອັນຕະລາຍ. ຢ່າງໃດກໍຕາມທ່ານ ກ່າວວ່າມເມື່ອເຂົ້າຮ່ວມນາໂຕ້ແລ້ວ ສະວີເດັນ ບໍ່ຕ້ອງການໃຫ້ມີການຕັ້ງຖານທັບຖາວອນຂອງນາໂຕ້ ໃນສະວີເດັນ ລວມທັງບໍ່ຕ້ອງການໃຫ້ມີການຕິດຕັ້ງອາວຸດນິວເຄີຍໃນດິນແດນຂອງສະວີເດັນນຳ.


ສຳລັບຟິນແລນ ແລະ ສະວີເດັນ ຈະເຂົ້າຮ່ວມນາໂຕ້ນັ້ນ ສະມາຊິກທີ່ມີຢູ່ປັດຈຸບັນທັງໝົດ30 ປິເທດ ຕ້ອງລົງມະຕິເຫັນດີ ແຕ່ຕອນນີ້ມີໜຶ່ງປະເທດທີ່ສະແດງທ່າທີຄັດຄ້ານນັ້ນກໍຄືຕວັກກີ.


ປະທານາທິບໍດີ ເທຢິບເອີໂດກັນຂອງຕວັກກີ ກ່າວວ່າເຂົາຈະບໍຍອມຮັບປະເທດທີ່ໃຊ້ມາດຕະການຂວ້າມບາດຕໍ່ຕວັກກີ. ທັງນີ້ສະວີເດັນລະງັບການຂາຍອາວຸດໃຫ້ຕວັກກີ ເມື່ອ3 ປີກ່ອນຫຼັງຈາກກອງທັບຕວັກກີແຊກແຊງໃນຊີເຣຍແລະຕາມການລາຍງານຂອງສຳນັກຂ່າວທາງການຂອງຕວັກກີລະບຸວ່າທັງຟິນແລນແລະສະວີເດັນ ຕ່າງປະຕິເສດຂໍ້ຮຽກຮ້ອງໃຫ້ສົ່ງຕົວສະມາຊິກກຸ່ມຕິດອາວຸດຊາວເຄີດ ເຊິ່ງຕວັກກີລະບຸວ່າ ເປັນກຸ່ມກໍ່ການຮ້າຍກວ່າ30ຄົນກັບໄປຍັງຕວັກກີ.
ແຕ່ປັດຈຸບັນທັງສອງປະເທດກຳລັງສົ່ງຜູ້ແທນເຈລະຈາ ໄປຍັງຕວັກກີ ເພື່ອພະຍາຍາມແກ້ປັນຫາດັ່ງກ່າວ.