ສຸກພະໄຊ ເຮັດດີທີ່ສຸດແລ້ວ ເຖິງບໍ່ຊະນະໃຈກຳມະການ ຮອບຊີງຫຼຽນຄຳ ແຕ່ກໍຊະນະໃຈຊາວລາວທັງຊາດ

ສຸກພະໄຊ ເຮັດດີທີ່ສຸດແລ້ວ ເຖິງບໍ່ຊະນະໃຈກຳມະການ ຮອບຊີງຫຼຽນຄຳ ແຕ່ກໍຊະນະໃຈຊາວລາວທັງຊາດ

21st May 2022 0 By Admin

ໜັງສືພິມສຶກສາກິລາລາຍວັນລາຍງານວ່າ: ສຸກພະໄຊ ສິດທິສານ ນັກກິລາຢູໂດ ປະເພດຕໍ່ສູ້ປ້ອງກັນຕົວ ຮຸ່ນນ້ຳໜັກ -60 ກິໂລກຼາມ ທີ່ເຄີຍໄດ້ຕາງໜ້າຊາວລາວ ຮ່ວມແຂ່ງຂັນລາຍການປະຫວັດສາດ ງານມະຫະກຳກິລາໂອແລມປິກເກມ ທີ່ປະເທດຍີ່ປຸ່ນ.

ໃນວັນທີ20ພຶດສະພາ ລົງແຂ່ງຂັນໃນຮອບຊີງຫຼຽນຄຳ ໃນຮ່າໂນ້ຍ ເກມ ພົບເຈົ້າພາບ ມີຫຼາຍຈັງຫວະ ທີ່ ສຸພະໄຊ ຕີເຂົ້າເຕັມໆຖືກເປົ້າ ແຕ່ແຕ້ມບໍ່ຂຶ້ນ ສຸດທ້າຍກໍຕ້ານແຮງກົດດັນບໍ່ໄຫວພາດທ່າເສຍຄະແນນໃຫ້ເຈົ້າພາບ ຫວຽດນາມ ໄດ້ພຽງຫຼຽນເງິນ ມາຄອງ ສ່ວນເຈົ້າພາບ ໄດ້ຫຼຽນຄຳ,


ການແຂ່ງຂັນກິລາຢູໂດ ຮ່າໂນ້ຍ ເກມ ຈັດຂຶ້ນເປັນມື້ທີ 3  (20 ພຶດສະພາ) ທີ່ສະໜາມກິລາ Hoai Duc Stadium ຊຶ່ງລາວສົ່ງລົງແຂ່ງຂັນອີກ 3 ຮຸ່ນ ມີພຽງຮຸ່ນດຽວ ທີ່ສາມາດຍາດໄດ້ຫຼຽນເງິນ ແມ່ນ ທ້າວ ສຸກພະໄຊ ສິດທິສານ ຮຸ່ນນ້ຳໜັກ 60 ກິໂລກຼາມ.  ສ່ວນ ທ້າວ ຄຳສີ ຄູນນີວາດ ຮຸ່ນນ້ຳໜັກ 66 ກິໂລກຼາມ ແລະ ນາງ ຕຸກກີ້ ແສງດາກີ ຮຸ່ນນ້ຳໜັກ 52 ກິໂລກຼາມ ບໍ່ສາມາດຜ່ານຮອບຄັດເລືອກ.


ໂດຍ: ສົງການ ພັນແພງດີ