ຣັດເຊຍ ປະກາດຢຸດຕິການສະໜອງແກັສທຳມະຊາດໃຫ້ແກ່ຟິນແລນ  ຫຼັງສະໝັກເຂົ້າເປັນສະມາຊິກນາໂຕ້

ຣັດເຊຍ ປະກາດຢຸດຕິການສະໜອງແກັສທຳມະຊາດໃຫ້ແກ່ຟິນແລນ ຫຼັງສະໝັກເຂົ້າເປັນສະມາຊິກນາໂຕ້

22nd May 2022 0 By Admin

ຂ່າວສານທັສ ຂອງຣັດເຊຍລາຍງານວ່າ: ວັນທີ 20 ພຶດສະພາ 2022 ບໍລິສັດຫຸ້ນສ່ວນອຸດສາຫະກຳແກັສທຳມະຊາດຣັດເຊຍ ໄດ້ປະກາດວ່າ: ຍ້ອນວ່າບໍລິສັດກາຊຸມ (Gasum) ເຊິ່ງເປັນລັດວິສາຫະກິດພະລັງງານຂອງຟິນແລນ ໄດ້ຄ້າງຊຳລະເງິນຊື້ແກັສທຳມະຊາດຈາກຣັດເຊຍຂອງເດືອນເມສາຜ່ານມາ.

ຣັດເຊຍ ຈະຢຸດຕິການສະໜອງແກັສທຳມະຊາດໃຫ້ແກ່ຟິນແລນເປັນການຊົ່ວຄາວນັບແຕ່ວັນທີ 21 ພຶດສະພານີ້ເປັນຕົ້ນໄປ.

ບໍລິສັດກາຊຸມ ກ່າວໃນວັນທີ 20 ພຶດສະພານີ້ວ່າ: ຈະສະໜອງແກັສທຳມະຊາດ ໃຫ້ແກ່ລູກຄ້າຂອງບໍລິສັດຕົນ ໂດຍອາໄສແຫຼ່ງແກັສທຳມະຊາດອື່ນໆ, ປ້ຳແກັສທຳມະຊາດຂອງບໍລິສັດຕົນຕາມເຄືອຂ່າຍທໍ່ສົ່ງແກັສທຳມະຊາດ ຈະດຳເນີນທຸລະກິດຢ່າງເປັນປົກກະຕິ.

ກ່ອນໜ້ານີ້, ບໍລິສັດດັ່ງກ່າວໄດ້ປະຕິເສດ ບໍ່ປະຕິບັດຕາມຄວາມຮຽກຮ້ອງຂອງຣັດເຊຍທີ່ຈ່າຍເງິນຊື້ແກັສທຳມະຊາດ້ວຍເງິນຣຸບ. ອົງການພະລັງງານແຫ່ງຊາດຟິນແລນໃຫ້ຮູ້ວ່າ: ປັດຈຸບັນ, ແກັສທຳມະຊາດຂອງຟິນແລນ ສ່ວນຫຼາຍແມ່ນນຳເຂົ້າຈາກຣັດເຊຍ.