ສະຕາບັກ ບໍໄຫວແລ້ວຂໍຕິດປີກບິນຢ້ານຣັດເຊຍ ໂສຕາຍຖີ້ມທຸລະກິດ

ສະຕາບັກ ບໍໄຫວແລ້ວຂໍຕິດປີກບິນຢ້ານຣັດເຊຍ ໂສຕາຍຖີ້ມທຸລະກິດ

24th May 2022 0 By Education

ໃນແງ່ຂອງຜູ້ນຳ ຍັງຈີ້ກົ້ນກັນຕິດໆບໍ່ມີໂຍະຍານຜ່ອນຜັນ ເພາະມັນເປັນເກມການເມືອງໃຜກໍຢາກເປັນມະຫາອຳນາດກໍ່ຂູ່ກັນໄປມາ ລົງໂທດສາລະພັດ ແຕ່ທຸລະກິດເດ ໃນເມື່ອຜູ້ໃຫຍ່ຜິດກັນຜູ້ນ້ອຍກໍ່ຢູ່ບໍໄດ້ຄືກັນ ຫຼັງຈາກແມັກໂດໂນບິນກັບປະເທດ ຫຼ້າສຸດສະຕາບັກແບຣນກາເຟຊື່ດັງຂອງອາເມລິກາກໍ່ໜີໄປຕາມກັນ.

ຕາມຂ່າວຕ່າງປະເທດລາຍງານວ່າ ສະຕາບັກປະກາດອຳລາຖອນຕົວອອກຈາກຣັດເຊຍອີກລາຍ ປິດຊາກກາເຟດັງຂອງສະຫະລັດໃນຣັດເຊຍໄປອີກລາຍເຖິງຈະມີເຖິງ 130 ສາຂາແລ້ວກໍ່ຕາມ.

ບໍລິສັດສະຕາບັກ ຮ້ານກາເຟຊື່ດັງສັນຊາດອາເມລິກັນ ອອກຖະແຫຼງການເຖິງພະນັກງານລະບຸວ່າ ທາງບໍລິສັດກຳລັງຈະຖອນຕົວອອກຈາກຣັດເຊຍ ຢຸດຕິການດຳເນີນກິດຈະການ ແລະຈະບໍ່ມີແບຣນນີ້ໃນປະເທດຣັດເຊຍອີກຕໍ່ໄປ ໂດຍຈະປິດສາຂາທັງໝົດ 130 ແຫ່ງທີ່ມີຢູ່ທົ່ວປະເທດຣັດເຊຍ.

ແນວໃດກໍ່ຕາມ ເຖິງຈະປະກາດປິດຕົວ ແຕ່ສະຕາບັກຍັງຕ້ອງຮັບຜິດຊອບຈ່າຍເງິນເດືອນໃຫ້ພະນັກງານຈຳນວນທັງໝົດ 2000 ຄົນໄປອີກ 6 ເດືອນ ແລະຈະຊ່ວຍຫາວຽກໃໝ່ໃຫ້ເຂົາເຈົ້ານຳ.


ສະຕາບັກໄດ້ມາເປີດສາຂາທຳອິດໃນຣັດເຊຍເມື່ອປີ 2007 ລວມໆແລ້ວໄດ້ດຳເນີນກິດຈະການມາແລ້ວ 15 ປີ ມີ 130 ສາຂາ ແຕ່ເມື່ອວັນທີ 8 ມີນາຜ່ານມາ ບໍລິດຈຳຕ້ອງລະງັບກິດຈະການທັງໝົດເນື່ອງຈາກການຄວ້ຳບາດຈາກຕາເວັນຕົກ ການລະງັບຄັ້ງນີ້ມີທັງກສຍຈັດສົ່ງສິນຄ້າຂອງສະຕາບັກມາຣັດເຊຍລວມເຖິງຮ້ານກາເຟອີກດ້ວຍ.