ຍຸກໂຊຊຽວໄວ້ໃຈບໍໄດ້ອີຫຼີ ອົດສານຽນຍັງປິ່ນກ້ອງມາຫາຈົນໄດ້

ຍຸກໂຊຊຽວໄວ້ໃຈບໍໄດ້ອີຫຼີ ອົດສານຽນຍັງປິ່ນກ້ອງມາຫາຈົນໄດ້

25th May 2022 0 By Education

ກາຍເປັນຂ່າວໂດ່ງດັງທົ່ວທັງອາຊຽນ ສຳລັບໜຸ່ມໂປະແຕກ ເມຍຈັບໄດ້ວ່າມີກິກຍ້ອນກ້ອງໄລສົດໝູນໄປເຫັນໜ້າເຕັມໆໃນນັດຊີງຊະນະເລີດລະຫວ່າງໄທພົບກັບຫວຽດນາມ ໃນການແຂ່ງຂັນກິລາຊີເກມຢູ່ ສສ ຫວຽດນາມ.

ການແຂ່ງຂັນກິລາຊີເກມຄັ້ງທີ 31 ທີ່ນະຄອນຫຼວງຮາໂນ້ຍ ຫວຽດນາມຈົບໄປຢ່າງສວຍງາມ ຊາວເນັດຫວຽດນາມຕ່າງກໍ່ສະຫຼອງກັນຄັບຄັ່ງກັບໄຊຊະນະທີ່ໄດ້ຫຼຽນຫຼາຍກວ່າໝູ່ໃນບັນດາປະເທດອາຊຽນ.

ຢ່າງໃດກໍ່ຕາມ ທ່າມກາງຄວາມຍິນດີນັ້ນກໍ່ເກີດກະແສດຣາມ່າຂຶ້ນ ໃນນັດຊີງຊະນະເລີດບານເຕະຊີເກມລະຫວ່າງຫວຽດນາມກັບໄທ ອັນເນື່ອງມາຈາກເມຍຂອງຜູ້ຊາຍຫວຽດນາມຄົນໜຶ່ງຈັບໄດ້ວ່າຜົວໄປມີກີກ ເພາະກ້ອງໄລສົດຈັບພາບໄດ້ເຕັມໆເປັນພາບຍິບ-ຊາຍນຸ່ງເສື້ອຄູ່ນັ່ງໃກ້ຊິດສະໜິດສະໜົມກັນເປັນພິເສດເຊຍບານຢ່າງເມົາມັນ.

ໂດຍນາທີທີ 80 ຂອງການແຂ່ງຂັນ ທັນທີທີ່ແຟນບານຊາວຫວຽດນາມພາກັນຍິນດີຮ້ອງໂຮໃຫ້ລູກບານທີ່ເຂົ້າໂກນຢ່າງສວຍງາມ ຕາກ້ອງຜູ້ຮັບຜິດຊອບພາບກ້ອງເຊຍກໍ່ຈັບພາບຄູ່ຮັກສວມເສື້ອສີດຳ ເຊິ່ງມີສາວສະກິດຝ່າຍຊາຍຢ່າງສະໜິດສະໜົມ ເຊິ່ງໃຜໆກໍຄິດວ່າເປັນຄູ່ຮັກມາເຊຍບານຕາມພາສາຄົນຮັກກິລາ.

ແຕ່ຄວາມຈີງທີ່ຕ້ອງຊັອກກວ່ານັ້ນຄື ຫຼັງມີຄົນອອກມາແສວ່າຊາຍໃນຄລິບມີເມຍມີລູກແລ້ວ ທັງລູກເມຍ ແລະຊາວບ້ານກໍງົງກັນທົ່ວໜ້າຜູ້ສາວຂ້າງກາຍນັ້ນແມ່ນໃຜ!!!

ຕໍ່ມາມີຄົນເປີດຊາຍໃນພາບພ້ອມໂຊຮູບງານແຕ່ງງານທີ່ເມຍຂອງລາວເປັນຄົນລະຄົນກັບຜູ້ໄປເບິ່ງບານ ຈາກນັ້ນກາຍເປັນດຣາມ່າສະນັ່ນຫວັ່ນໄຫວໃນສື່ສັງຄົມອອນລາຍຈົນສາວຄົນນັ້ນໄດ້ອອກມາອະທິບາຍໃນເຟສບຸກສ່ວນຕົວວ່າ ຕົນນັ່ງຂ້າງຜູ້ຊາຍຄົນນີ້ແຕ່ບໍໄດ້ຮູ້ຈັກລາວ ເປັນຫຍັງຕ້ອງເກີດເລື່ອງດຣາມ່າກັບໂຕເອງ.

ຢ່າງໃດກໍ່ຕາມຊາວເນັດບໍມີໃຜເຊື່ອເພາະພາບເຫັນສະກິດກັນຢ່າງສະໜິດສະໜົມ ຖ້າຄົນບໍຮູ້ຈັກບໍ່ນ້າຈະໃກ້ຊິດກັນຂະໜາດນັ້ນ