ຣັດເຊຍລວຍຂຶ້ນຢ່າງຕັ້ງຕົວບໍທັນ ຫຼັງຍອດຂາຍແກັສໄປຍັງຢູໂຣບທະລຸ 100.000 ລ້ານໂດລາ

ຣັດເຊຍລວຍຂຶ້ນຢ່າງຕັ້ງຕົວບໍທັນ ຫຼັງຍອດຂາຍແກັສໄປຍັງຢູໂຣບທະລຸ 100.000 ລ້ານໂດລາ

25th May 2022 0 By Education

ມີພະລັງງານຕັ້ງໄດ້ປຽບແບບນີ້ນໍ ສົມພໍວ່າບັນດາປະເທດຍາດກັນແຕ່ບໍ່ພະລັງງານ, ເບິ່ງແຕ່ຣັດເຊຍ ນັບຈາກໄດ້ປະຕິບັດການທາງທະຫານຢູ່ຢູເຄຣນແມ່ນວ່າຫຼາຍປະເທດທາງຕາເວັນຕົກຈະບໍ່ເຫັນດີ ແລະພະຍາຍາມຄວ້ຳບາດຕໍ່ຣັດເຊຍ ແຕ່ກັບບໍ່ສາມາດຕັດແຫຼ່ງພະລັງງານໄດ້ ແລະຍັງເຮັດສັນຍາຊື້ໄລຍະຍາວ ອັນເຮັດໃຫ້ຣັດເຊຍສາມາດສ້າງລາຍຮັບຈາກແກັສທຳມະຊາດໄດ້ສູງສຸດເປັນປະຫວັດການ.

ຕາມຂ່າວລາຍງານວ່າ ຣັດເຊຍສາມາດສ້າງລາຍໄດ້ຈາກແກັສທີ່ສົ່ງຂາຍໃຫ້ບັນດາປະເທດໃນຢູໂຣບແຕະລະດັບ 100.000 ລ້ານໂດລາ ຖືເປັນສະຖິຕິສູງທີ່ສຸດເປັນປະຫວັດການໃນປີ 2022 ສືບເນື່ອງມາຈາກລາຄານ້ຳມັນເພີ່ມສູງຂຶ້ນ.

ຕາມລາຍງານຂອງໜັງສືພິມ  Les Echos  ເປັນສື່ສັນຊາດຝຣັ່ງລະບຸວ່າ ຕົວເລກປະມານການລາຍໄດ້ດັ່ງກ່າວມາຈາກຍອດຂາຍແກັສທີ່ເພີ່ມສູງສຸດເກືອບເທົ່າຕົວຈາກປີຜ່ານມາ ຍິ່ງໄປກວ່ານັ້ນພວກນັກວິເຄາະຍັງບໍ່ໄດ້ລວມລາຍຮັບຈາກການຂາຍສິນຄ້າໂຕອື່ນໆເຊັ່ນ: ນ້ຳມັນ, ຖ່ານຫີນ ແລະແຮ່ທາດອື່ນ.

Les Echos ລາຍງານອີກວ່າ ເຖິງແມ່ນຣັດເຊຍຈະຖືກຄວ້ຳບາດ ແລະມີຄຳເຕືອນຢ່າງກວ້າງຂວາງກ່ຽວກັບການຫ້າມນຳເຂົ້າພະລັງງານຣັດເຊຍ ແຕ່ພົບວ່າບັນດາສະມາຊິກ 27 ຊາດໃນອີຢູນັ້ນຍັງຄົງຊຳລະເງິນຄ່າແກັສແກ່ຣັດເຊຍປະມານ 200 ລ້ານໂດລາຕໍ່ວັນ.

ພ້ອມກັນນີ້ໃນທ່າມກາງການຄວ້ຳບາດທີ່ເກີດຂຶ້ນຕໍ່ເນື່ອງຣັດເຊຍຍັງໄດ້ວາງເກາະກຳບັງໄວ້ຄືທຸກບໍລິສັດທີ່ຊື້ແກັສຈະຕ້ອງຈ່າຍເປັນຣູເບີ້ນເທົ່ານັ້ນ ເຮັດໃຫ້ແຕ່ລະປະເທດທີ່ຄອຍຂັດຂາຣັດເຊຍຕ້ອງແຕກແຍກເປັນສອງຝ່າຍຂັດແຍ້ງກັນພາຍໃນລະຫວ່າງຝ່າຍເຫັນດີຮັບເງື່ອນໄຂໃໝ່ຂອງຣັດເຊຍ ແລະບໍເຫັນດີ.