ເມກາກຳລັງຂາດນົມຜົງສຳລັບເດັກນ້ອຍ ແຕ່ຜູ້ນຳຍັງສຸມເງິນຊ່ວຍເຮັດສົງຄາມໃນຢູເຄຣນ

ເມກາກຳລັງຂາດນົມຜົງສຳລັບເດັກນ້ອຍ ແຕ່ຜູ້ນຳຍັງສຸມເງິນຊ່ວຍເຮັດສົງຄາມໃນຢູເຄຣນ

25th May 2022 0 By Education

ສັງຄົມວິຈານຜູ້ນຳສະຫະລັດ ທີ່ມຸ້ງໝັ້ນສ້າງກຳລັງການຊ່ວຍເຫຼືອສົ່ງໄປຍັງຢູເຄຣນເພື່ອຕໍ່ຕ້ານກັບຣັດເຊຍຈົນລືມເບິ່ງວຽກທາງບ້ານ ເຮັດໃຫ້ເກີດເຫດບໍ່ດີຕໍ່ເດັກນ້ອຍລູກຫຼານ ນອກຈາກເຫດການນອງເລືອດທີ່ມືປືນຍິງໂຫດເດັກນ້ອຍເສຍຊີວິດເກືອບ 20 ກໍລະນີແລ້ວ ໃນສະຫະລັດຍັງຂາດແຄນນົມຜົງສຳລັບເດັກນ້ອຍອີກ.

ໃນ​ຂະ​ນະ​ທີ່​ທ່ານ​ໂຈ ໄບ​ເດັນ ປະ​ທານ​າ​ທິ​ບໍ​ດີ​ອາ​ເມ​ຣິ​ກາ​ໄດ້​ເລີ່ມການ​ຢ້ຽມ​ຢາມອາ​ຊີ​ເປັນ​ຄັ້ງ​ທຳ​ອິດ ​ໃນ​ຖາ​ນະ​ເປັນ​ປ​ະ​ທາ​ນາ​ທິ​ບໍ​ດີ​ອາ​ເມ​ຣິ​ກາ, “ເດັກ​ນ້ອຍ​ຂາດ​ນົມ​ຜົງ” ໄດ້​ແຜ່​ລາມ​ອອກ​ຢ່າງ​ຮ້າຍ​ແຮງ​ໃນ​ທົ່ວ​ປະ​ເທ​ດ​ອາ​ເມ​ຣິ​ກາ. ໃນ​ຮ້ານ​ຄ້າ​ບໍ່​ມີ​ຂາຍ, ພໍ່​ແມ່​ຂອງ​ລູກ​ອ່ອນ​ຂັບ​ລົດ​ໄປ​ຊື້​ຢູ່​ລັດ​ອື່ນ, ວິ​ກິດ​ການ​ຂາດ​ນົມ​ຜົງ​ໄດ້​ນັບ​ມື້​ນັບ​ຮ້າຍ​ແຮງ​ຂຶ້ນ​ຢູ່​ພາຍ​ໃນ​ປະ​ເທດ​ອາ​ເມ​ຣິ​ກາ. ມີ​ຕົວ​ເລກ​ຂໍ້​ມູນ​ສະ​ແດງ​ໃຫ້​ເຫັນ​ວ່າ: ນັບ​ແຕ່​ວັນ​ທີ 5 ຫາ 15 ຂອງ​ເດືອນ​ພຶດ​ສະ​ພາ 2022 ​ນີ້, ອັດ​ຕາ​ຂາດ​ນົມ​ຜົງ​ເດັກ​ອ່ອນ​ໃນ​ທົ່ວ​ປະ​ເທດ​ອາ​ເມ​ຣິ​ກາ​ສູງ​ເຖິງ 45%. ໃນ​ຂະ​ນະ​ດຽວ​ກັນ, ລາ​ຄາ​ນົມ​ຜົງ​ຂອງ​ເດັກ​ອ່ອນ​ໄດ້​ຖີບ​ຕົວ​ສູງ​ຂຶ້ນ​ຢ່າງວ່ອງ​ໄວ ເຊິ່ງ​ໄດ້​ເພີ່ມ​ຂຶ້ນ 18% ເມື່ອ​ທຽບ​ໃສ່​ໄລ​ຍະ​ດຽວ​ກັນ​ຂອງ​ປີ​ກາຍ​ນີ້.

ທີ່​ຈິງ​ແລ້ວ, ຕະຫຼາດ​ພາຍ​ໃນ​ປະ​ເທດ​ອາ​ເມ​ຣິ​ກາ​ຂາດ​ນົມ​ຜົງ​ມາ​ໄດ້ຫຼາຍ​ເດືອນ​ແລ້ວ. ຕອນ​ເລີ່ມ​ຕົ້ນ, ອາ​ເມ​ຣິ​ກາ​ເຫັນ​ວ່າ ນີ້​ແມ່ນ​ຍ້ອນ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ເຮັດ​ໃຫ້​ຕ່ອງ​ໂສ້​ການ​ສະ​ໜອງ​ບໍ່​ລຸ​ລ່ວງ ແລະ ຂາດ​ແຮງ​ງານ, ແຕ່​ສາ​ເຫດ​ຊັ້ນ​ເລິກ​ແມ່ນ​ຍ້ອນ​ວ່າ: ອາ​ເມ​ຣິ​ກາ​ໄດ້​ປະ​ຕິ​ບັດ​ຕາມ​ລັດ​ທິ​ປົກ​ປ້ອງ​ການ​ຄ້າ, ອາ​ເມ​ຣິ​ກາ​ໄດ້​ສ້າງ​ກຳ​ແພງ​ພາ​ສີ​ສູງ ເພື່ອ​ປົກ​ປ້ອງ​ຍີ່​ຫໍ້ນົມ​ຜົງ​ຂອງ​ປະ​ເທດ​ຕົນ ແລະ ຄວບ​ຄຸມ​ການ​ນຳ​ເຂົ້າ​ນົມ​ຜົງ​ຢ່າງ​ເຂັ້ມ​ງວດ ເຊິ່ງ​ໄດ້​ທຳ​ລາຍ​ຕ່ອງ​ໂສ້​ການ​ສະ​ໜອງ​ນົມ​ຜົງ​ຢູ່​ພາຍ​ໃນ​ປະ​ເທດ​ຕົນ. ມີ​ຜູ້​ຊ່ຽວ​ຊານ​ເຫັນ​ວ່າ: ລັດ​ຖະ​ບານ​ອາ​ເມ​ຣິ​ກາ​ຄວນ​ຮັບ​ຜິດ​ຊອບ​ຕໍ່​ວິ​ກິດ​ການ​ນົມ​ຜົງ​ຄັ້ງ​ນີ້ ​ເພາະ​ວ່າ​ເຂົາ​ເຈົ້າ​ບໍ່​ໄດ້​ສະ​ກັດ​ກັ້ນ​ການ​ຜູກ​ຂາດ​ຂອງວິ​ສາ​ຫະ​ກິດ.

ຕໍ່​ເລື່ອງ​ນີ້, ທ່ານ​ໂຈ ໄບ​ເດັນ ປະ​ທາ​ນາ​ທິ​ບໍ​ດີອ​າ​ເມ​ຣິ​ກາ​ໄດ້​ມອບ​ສິດ​ໃຫ້​ກະ​ຊວງ​ປ້ອງ​ກັນ​ປະ​ເທດ​ອາ​ເມ​ຣິ​ກາ​ໃຊ້ເຮືອ​ບິນເໝົາ​ລຳທາງທະ​ຫານໄປ​ຂົນ​ເອົາ​ນົມ​ຜົງ​ຈາກ​ປະ​ເທດ​ອື່ນ​ກັບ​ມາ​ອາ​ເມ​ຣິ​ກາ. ຫວ່າງ​ມໍ່ໆ​ມາ​ນີ້, ​ເຮືອ​ບິນ​ຂົນສົ່ງຂອງກອງທັບອາ​ເມ​ຣິ​ກາ​ ໄດ້​ຂົນ​ເອົາ​ນົມ​ຜົງ​ເດັກ​ອ່ອນງວດ​ທຳ​ອິດ​ຈາກ​ເອີ​ຣົບ. ຕາມ​ຂ່າວ​ແຈ້ງວ່າ: ນົມ​ຜົງ​ງວດ​ນີ້​ມີ​ແຕ່​ສະ​ໜອງ​ໃຫ້​ເດັກ​ອ່ອນ​ທີ່​ມີ​ອາ​ການ​ເປັນ​ແພ້​ຍ້ອນ​ກິນ​ນົມ​ຜົງ​ສູດທຳ​ມະ​ດາ. ນີ້​ກໍ​ໝາຍ​ຄວາມ​ວ່າ, ນົມ​ຜົງ​ວດ​ນີ້​ມີ​ພຽງ “ໜ້ອຍ​ດຽວ” ເທົ່າ​ນັ້ນ, ຍັງ​ມີ​ພໍ່​ແມ່​ນັບ​ເປັນ​ລ້ານ​ຂອງ​ອາ​ເມ​ຣິ​ກາ​ຍັງ​ລໍ​ຖ້າ​ນົມ​ຜົງ​ຢູ່.


ນອກ​ຈາກ​ການມອບ​ສິດໂດຍ​ດ່ວນ​ຂອງ​ປະ​ທາ​ນາ​ທິ​ບໍ​ດີ​ແລ້ວ, ໃນຫຼາຍ​ມື້​ມໍ່ໆ​ມາ​ນີ້, ສະ​ພາ​ຕ່ຳ​ອາ​ເມ​ຣິ​ກາ​ຍັງ​ໄດ້​ອະ​ນຸ​ມັດ​ແຜນ​ງົບ​ປະ​ມານ​ສຸກ​ເສີນ​ 28 ລ້ານ​ໂດ​ລາ​ສະ​ຫະ​ລັດ ເຊິ່ງ​ມີ​ຈຸດ​ປະ​ສົງ​ຊ່ວຍ​ອົງ​ການ​ຄຸ້ມ​ຄອງ​ອາ​ຫານ ​ແລະ​ຢາ​ຂອງ​ອາ​ເມ​ຣິ​ກາ​ໃຊ້​ມາດ​ຕະ​ການ​ສຳ​ຄັນ ເພື່ອ​ຟື້ນ​ຟູ​ການ​ສະ​ໜອງ​ນົມ​ຜົງ​ເດັກ​ອ່ອນ​ຂອງ​ອາ​ເມ​ຣິ​ກາ.

ແຕ່​ສິ່ງ​ທີ່​ໜ້າ​ເຫຼືອ​ເຊື່ອ​ນັ້ນ​ກໍ​ຄື: ຍ້ອນ​ວ່າ​ອາ​ເມ​ຣິ​ກາ​ຍັງ​ປະ​ເຊີ​ນ​ໜ້າ​ກັບ​ບັນ​ຫາ​ດ້ານ​ການ​ສະ​ໜອງເສດ​ຖະ​ກິດ ແລະ ສະ​ພາບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ທີ່​ໜັກ​ໜ່ວງ, ແຕ່​ລັດ​ຖະ​ບານ​ ແລະ ລັດ​ຖະ​ສະ​ພາ​ອາ​ເມ​ຣິ​ກາ​ພັດ​ໄປ​ໃຫ້​ການ​ຊ່ວຍ​ເຫຼືອ​ແກ່​ອູ​ແກ​ຣນ. ວັນ​ທີ 21 ພຶ​ດ​ສະ​ພາ​ 2022 ນີ້​, ທ່ານ​ໂຈ ໄບ​ເດັນ ປະ​ທາ​ນາ​ທິ​ບໍ​ດີ​ອາ​ເມ​ຣິ​ກາ​ໄດ້​ເຊັນ​ກົດ​ໝາຍ​ໃຫ້​ການ​ຊ່ວຍ​ເຫຼືອ 40 ຕື້​ໂດ​ລາ​ສະ​ຫະ​ລັດ​ໃຫ້​ອູ​ແກ​ຣນ​ອີກງວດ​ໜຶ່ງ. ນີ້​ກໍ​ໝາຍ​ຄວາມ​ວ່າ ຈຳ​ນວນ​ເງິນ​ທີ່​ອາ​ເມ​ຣິ​ກາ​ຊ່ວຍ​ເຫຼືອ​ຢູເຄຣນ​ມີຫຼາຍກວ່າ 50 ຕື້​ໂດ​ລາ​ສະ​ຫ​ະ​ລັດ​ແລ້ວ.

 

ຂ່າວຈາກ: ວິເຄາະສະຖານະການ