ພໍ່ແມ່ໃຈສະຫຼາຍ ! ເກີດເຫດການຍິງໃນໂຮງຮຽນປະຖົມ ທີ່ລັດເທັກຊັດ ສະຫະລັດ ມີເດັກນ້ອຍເສຍຊີວິດ18ຄົນ

ພໍ່ແມ່ໃຈສະຫຼາຍ ! ເກີດເຫດການຍິງໃນໂຮງຮຽນປະຖົມ ທີ່ລັດເທັກຊັດ ສະຫະລັດ ມີເດັກນ້ອຍເສຍຊີວິດ18ຄົນ

25th May 2022 0 By Admin

ສຳນັກຂ່າວຕ່າງປະເທດລາຍງານວ່າ: ເຫດການຍິງຄັ້ງລ່າສຸດໃນສະຫະລັດ ຄັ້ງນີ້ເກີດຂຶ້ນທີ່ໂຮງຮຽນປະຖົມ ຣ໊ອບ ເອເລເມັນທໍຣີ ໃນເມືອງ ອຸລວາເດີ ຫ່າງຈາກເມືອງຊານອັນໂຕນິໂອ ຣັດເທັກຊັດ ໄປທາງຕາເວັນຕົກປະມານ112 ກິໂລແມັດ.

ໂດຍໃນຊ່ວງກ່ອນທ່ຽງວານນີ້ຕາມເວລາໃນທ້ອງຖິ່ນ ໂດຍມືປືນເຊິ່ງເປັນໜຸ່ມໄວ 18 ປີ ພ້ອມອາວຸດປືນສັ້ນ ແລະ ໄຣເຟິລ ຍ່າງເຂົ້າໄປທີ່ໂຮງຮຽນກ່ອນລັ່ນປືນຍິງໃສ່ນັກຮຽນ ເຊິ່ງສ່ວນໃຫຍ່ເປັນເດັກນ້ອຍຊັ້ນປະຖົມສຶກສາຕອນຕົ້ນ ສົ່ງຜົນໃຫ້ມີເດັກ ເສຍຊີວິດ21 ຄົນ ໃນຈຳນວນນີ້18 ຄົນເປັນເດັກນັກຮຽນທັງມົດ ຢູ່ຊັ້ນປະຖົມ 2 ເຖິງປະຖົມ 4 ອາຍຸລະຫວ່າງ7-10 ປີ ແລະ ມີຄູຖືກຍິງເສຍຊີວິດ1 ຄົນ ລວມເຖິງຍັງມີຜູ້ບາດເຈັບອີກ 15 ຄົນ.


ສ່ວນມືປືນຖືກເຈົ້າໜ້າທີ່ຕຳຫຼວດຍິງເສຍຊີວິດ ຂະນະທີ່ເຂົ້າຈັບຕົວ ຊາບຊື່ວ່າ ຊັລວາດໍ ຣາມອສ. ເບື້ອງຕົ້ນບໍ່ຮູ້ເຖິງແຮງຈູງໃຈໃນການລົງມືກໍ່ເຫດ ແຕ່ເຊື່ອວ່າເຂົາລົງມືຄົນດຽວ ຂະນະທີ່ສື່ທ້ອງຖິ່ນລາຍງານວ່າມືປືນໄດ້ຍິງຜູ້ເປັນຍ່າເສຍຊີວິດຈາກທີ່ບ້ານກ່ອນເດີນທາງມາກໍ່ເຫດຍິງທີ່ໂຮງຮຽນ.


ເຫດການຍິງທີ່ໂຮງຮຽນໃນລັດເທັກຊັດ ຄັ້ງນີ້ ຖືເປັນຄັ້ງທີ່ຮຸນແຮງທີ່ສຸດຈາກອາວຸດປືນທີ່ເຮັດໃຫ້ມີຜູ້ເສຍຊີວິດຫຼາຍທີ່ສຸດຄັ້ງໜຶ່ງໃນສະຫະລັດອາເມຣິກາ ແລະ ເກີດຂຶ້ນຫຼັງຫາກໍ່ເກີດເຫດການຍິງໃນຊຸບເປີມາເກັດ ໃນລັດນິວຢອກ ເມື່ອວັນທີ 14 ພຶດສະພາ 2022 ທີ່ເຮັດໃຫ້ມີຜູ້ເສຍຊີວິດເຖິງ10 ຄົນ. ຂະນະທີ່ສື່ສະຫະລັດລາຍງານວ່ານັບແຕ່ຕົ້ນປີ ເກີດເຫດການໃນສະຫະລັດ ແລ້ວເຖິງ215ຄັ້ງ.