ຄວນຮູ້ໄວ້! 4ວິທີອະນາໄມເຄື່ອງໃຊ້ໃຫ້ຫ່າງໄກຈາກໂຄວິດ-19

ຄວນຮູ້ໄວ້! 4ວິທີອະນາໄມເຄື່ອງໃຊ້ໃຫ້ຫ່າງໄກຈາກໂຄວິດ-19

18th March 2020 0 By Education

ການລະບາດຂອງພະຍາດໂຄວິດ-19 ນັບມື້ຍິ່ງຮຸນແຮງຂື້ນຢູ່ຫຼາຍປະເທດໃນທົ່ວໂລກ ແຕ່ທັງນີ້ທັງນັ້ນ ຂໍ້ສັນນິຖານຈາກຫຼາຍພາກສ່ວນເຊື່ອວ່າເຊື້ອໄວຣັດຊະນິດນີ້ ບໍ່ທົນຕໍຄວາມຮ້ອນ ເຊິ່ງເອີ້ນໄດ້ວ່າອາດເປັນຂ່າວດີຂອງບ້ານເຮົາ ທີ່ມີພູອາກາດຮ້ອນເປັນພື້ນຖານ ແລະ ໄລຍະນີ້ ກົມອຸຕຸ ກໍ່ໄດ້ອອກແຈ້ງການ ວ່າອາທິດນີ້ອາກາດຈະຮ້ອນອົບເອົ້າຫຼາຍ ແລະ ເຊື່ອວ່າຫຼາຍທ່ານຈະຮູ້ສຶກດີໃຈກັບການເຂົ້າສູ່ລະດູຮ້ອນເປັນພິເສດ.

ອີງຕາມການລາຍງານຂອງສື່ໄທ ທີ່ອ້າງອີງຂໍ້ມູນມາຈາກ ສໍານັກງານຫຼັກປະກັນສຸຂະພາບແຫ່ງຊາດ ໄດ້ແຊພາບ ອິນໂຟກຣາຟຟິກ ຂອງຄະນະແພດສາດ ມະຫາວິທະຍາໄລມະຫິດົນ ວ່າດ້ວຍເລື່ອງການທໍາຄວາມສະອາດສິ່ງຂອງເຄື່ອງໃຊ້ ແລະ ສິງແວດລ້ອມອ້ອມຂ້າງ ເພື່ອປ້ອງກັນເຊື້ອໄວຣັດໂຄວິດ-19 ດ້ວຍ 4ວິທີ ດັ່ງນີ້:

1 ສໍາລັບເຄື່ອງໃຊ້ທີ່ສໍາຜັດຕະຫຼອດ ເປັນຕົ້ນ ໂທລະສັບ, ແທັບເລັດ ແລະ ຄອມພິວເຕີ ໃຫ້ອະນາໄມທໍາຄວາມສະອາດດ້ວຍສານແອວກໍຮໍທີ່ມີຄວາມເຂັ້ມຂູ້ນ 70 ຫາ 90% ແລະ ປ່ອຍໄວ້ໃຫ້ແຫ້ງ.

2 ພື້ນຜິວທີ່ສໍາຜັດຕະຫຼອດເຊັ່ນ: ໂຕະ, ຕຽງ, ຕັ່ງ ແລະ ຂອງໃຊ້ອ້ອມຮອບຕົວອື່ນໆ ລວມໄປເຖິງຫ້ອງນໍ້າ ໃຫ້ໃຊ້ນໍ້າຢາຟອກຜ້າຂາວ ທີ່ມີ ໂຊດຽມໄຮໂປຣຄລໍໄຣທ໌ 3 ຫາ 6% ປະສົມກັບນໍ້າຢາ 1 ສ່ວນ ຕໍ່ນໍ້າ 49 ສ່ວນ ຕົວຢ່າງ: ໄຮເຕີ້ 1ຝາ ປະມານ 10ຊີຊີ ປະສົມກັບນໍ້າເຄິ່ງລິດ ເຊັດ ຫຼື ແຊ່ຖິ້ມໄວ້ 10ນາທີ ຈາກນັ້ນເຊັດ ຫຼື ລ້າງອອກດ້ວຍນໍ້າສະອາດ.

3 ພື້ນຜິວໂລຫະ ໃຫ້ເຊັດດ້ວຍແອວກໍຮໍທີ່ມີຄວາມເຂັ້ມຂຸ້ນ 70 ຫາ 90% ແລ້ວປ່ອຍໄວ້ໃຫ້ແຫ້ງ (ຫ້າມໃຊ້ນໍ້າຢາຟອກຜ້າຂາວ ເພາະມັນມີລິດກັດໂລຫະ)

4 ສໍາລັບ ຜ້າ ເຊັ່ນ: ເຄື່ອງນຸ່ງ, ຜ້າປູຕຽງ ຫຼື ຜ້າຂົນໜູ ສາມາດຊັກໄດ້ຕາມປົກກະຕິ (ໃຊ້ແຟັບທໍາມະດາ ແລະ ນໍ້າ) ຫຼື ຊັກດ້ວຍນໍ້າຮ້ອນທີ່ອຸນຫະພູມ 60 ຫາ 90 ອົງສາເຊ

ທັງໝົດນີ້ແມ່ນເປັນວິທີທໍາຄວາມສະອາດວັດຖຸສິ່ງຂອງເຄື່ອງໃຊ້ຕ່າງໆ ເພື່ອປ້ອງກັນ ໂຄວິດ-19, ແນວໃດກໍ່ຕາມເມື່ອອ່ານຈົບແລ້ວຢ່າລືມນໍາໄປທົດລອງໃຊ້ເພື່ອປ້ອງກັນຕົນເອງຈາກເຊື້ອພະຍາດຕ່າງໆ.