ເສດຖະກິດໂລກ ປະເຊີນກັບຄວາມທ້າທາຍ ຫຼັງຢ່າງໜ້ອຍ 30 ປະເທດ ຈຳກັດການສົ່ງອອກອາຫານ

ເສດຖະກິດໂລກ ປະເຊີນກັບຄວາມທ້າທາຍ ຫຼັງຢ່າງໜ້ອຍ 30 ປະເທດ ຈຳກັດການສົ່ງອອກອາຫານ

30th May 2022 0 By Admin

ໄອເອັມເອຟ ເຕືອນວ່າ ເສດຖະກິດໂລກກຳລັງກ້າວສູ່ຄວາມຫຍຸ້ງຍາກສັບສົນ ຫຼັງຈາກທີ່ 30 ປະເທດທົ່ວໂລກປະກາດຢຸດຕິ ຫຼື ຈຳກັດການສົ່ງອອກອາຫານ, ໃນຂະນະທີ່ຕະຫຼາດການເງິນບອບບາງ ບວກກັບບັນຫາຕ່ອງໂສ້ການສະໜອງ.

ທ່ານ ນາງ ຄຣິສຕາລີນາ ຈໍເຈຍວາ ຜູ້ອຳນວຍການກອງທຶນການເງິນລະຫວ່າງປະເທດ (IMF) ກ່າວວ່າ ສະຖານະການເສດຖະກິດໂລກໃນຂະນະນີ້ ກຳລັງກ້າວເຂົ້າສູ່ຄວາມຫຍຸ້ງຍາກເປັນຢ່າງຍິ່ງ ເຊິ່ງເປັນຜົນພວງມາຈາກການແຜ່ລະບາດຂອງພະຍາດໂຄວິດ-19 ບວກກັບຄວາມຂັດແຍ່ງລະຫວ່າງຣັດເຊຍ ແລະ ອູແກຣນ, ຕະຫຼາດການເງິນບອບບາງ, ຕ່ອງໂສ້ອຸປະທານ (ການສະໜອງ) ພົບກັບຄວາມຫຍຸ້ງຍາກ ເຊິ່ງທັງໝົດນີ້ ເປັນຄວາມທ້າທາຍ ແລະ ບົດທົດສອບຄັ້ງໃຫຍ່ຂອງໂລກ ນັບຕັ້ງແຕ່ສົງຄາມໂລກຄັ້ງທີ 2 ເປັນຕົ້ນມາ ໂດຍຂະນະນີ້ ມີຢ່າງໜ້ອຍ 30 ປະເທດແລ້ວ ທີ່ຈຳກັດການສົ່ງອອກອາຫານ ແລະ ພະລັງງານ ລວມທັງສິນຄ້າປະເພດອື່ນໆ.

ຈາກບັນຫາດັ່ງກ່າວ ຈຶ່ງເຮັດໃຫ້ພາກຄົວເຮືອນທົ່ວໂລກປະເຊີນກັບລາຄາອາຫານ ແລະ ພະລັງງານເພີ່ມສູງຂຶ້ນຢ່າງໄວວາ ເຊິ່ງສະຖານະການດັ່ງກ່າວນີ້ ໄດ້ສ້າງຄວາມສ່ຽງຕໍ່ເສດຖະກິດໂລກຕ້ອງປະເຊີນກັບຄວາມຫຍຸ້ງຍາກຫຼາຍຂຶ້ນ ຫຼື ອາດຈະເຖິງຂັ້ນທົດຖອຍກໍເປັນໄດ້.