ຊົມເຊີຍ ຫຼາຍສຽງເປັນແບບຢ່າງຮັກລາວໃຊ້ເງິນກີບລາວ

ຊົມເຊີຍ ຫຼາຍສຽງເປັນແບບຢ່າງຮັກລາວໃຊ້ເງິນກີບລາວ

30th May 2022 0 By Education

ໄລຍະນີ້ຕ້ອງຍອມຮັບເງິນກີບເຟີ້ແຮງ ເຮັດໃຫ້ບັນດາພໍ່ຄ້່ຊາວຂາຍມີຄວາມກັງວົນ ແລະຢາກຂາຍເຄື່ອງເປັນເງິນຕາຕ່າງປະເທດ ເຊິ່ງແອັດບໍແມ່ນອ້າງລອຍໆເດີ້ ແຕ່ມີຮ້ານຂາຍລົດຈັກ, ຮ້ານຂາຍເຄື່ອງປະເທດເສື້ອຜ້າແມ່ນເລີ່ມມາຕິດປ້າຍເປັນເງິນບາດ ເງິນໂດລາ ເຊິ່ງເຫັນແລ້ວບໍ່ຄັກໃຈປານໃດ.

ແນວໃດກໍ່ຕາມ ມື້ນີ້ເປັນຂ່າວດີທີ່ເຫັນPT Mobile-ສູນໂທລະສັບ ພາກໃຕ້ ໂມບາຍ ບອກວ່າຂໍເຊີນຊວນພໍ່ແມ່ພີ່ນ້ອງ,ລູກຄ້າທີ່ເຄົາລົບຮັກທຸກໆທ່ານ ຮ່ວມແຮງຮ່ວມໃຈໃຊ້ຈ່າຍເປັນເງິນກີບ ແລະປະກາດຊັດເຈນຈະບໍ່ຮັບຊຳລະເປັນເງິນຕາຕ່າງປະເທດ.

ຂະນະທີ່ບໍລິສັດຂາຍເຄື່ອງອອນລາຍໃຕ້ຊື່ ອາໂຫຼ ລາວກໍ່ອອກມາສະແດງຄວາມຮັກໃນເງິນກີບລາວອີກແຮງ ໂດຍລະບຸວ່າ ຕັ້ງແຕ່ນີ້ຕໍ່ໄປທາງບໍລິສັດຂອງຕົນຈະບໍຮັບເງິນເປັນເງິນຕາຕ່າງປະເທດ ທຸກໆລາຍການສິນຄ້າຈະຂາຍເປັນເງິນກີບລາວເທົ່ານັ້ນ ເພື່ອພັກດັນ ແລະປົກປ້ອງເງິນກີບ.

ເວົ້າເລື່ອງເງິນ ຫຼື ຜືນແຜ່ນດິນກໍ່ເຊັ່ນດຽວກັນ ບໍ່ມີໃຜຈະຮັກ ແລະຫວງແຫນເທົ່າກັບປະຊາຊົນພາຍໃນຊາດ ສະນັ້ນ ຈົ່ງຢ່າງເບິ່ງຂ້າມ ຢ່າເຫີ່ແຫນໄປກັບເງິນຕາ ເພາະເງິນຂອງຊາດກວ່າຈະໄດ້ມາຜ່ານຂະບວນການທີ່ຫຍຸ້ງຍາກພຽງໃດ

ຄົນລາວຮັກເງິນກີບລາວ ສົ່ງເສີມການໃຊ້ເງິນກີບ ເຈົ້າໃຊ້ຂ້ອຍໃຊ້, ພວກເຮົາທຸກຄົນໃຊ້ ເຮັດໃຫ້ເງິນກີບກັບມາແຂງຄ່າຂຶ້ນ