ສັນຍານຄວາມຮຸນແຮງເພີ່ມຂຶ້ນ! ຫຼັງ ໂຈ ໄບເດັນ ປ່ຽນໃຈ ຕົກລົງສົ່ງລະບົບລູກສອນໄຟທັນສະໄໝ ໂຈມຕີເປົ້າໝາຍໄລຍະໄກໃຫ້ຢູເຄນ ສູ້ກັບຣັດເຊຍ

ສັນຍານຄວາມຮຸນແຮງເພີ່ມຂຶ້ນ! ຫຼັງ ໂຈ ໄບເດັນ ປ່ຽນໃຈ ຕົກລົງສົ່ງລະບົບລູກສອນໄຟທັນສະໄໝ ໂຈມຕີເປົ້າໝາຍໄລຍະໄກໃຫ້ຢູເຄນ ສູ້ກັບຣັດເຊຍ

1st June 2022 0 By Admin

ສຳນັກຂ່າວຕ່າງປະເດທລາຍງານວ່າ: ປະທານາທິບໍດີ ໂຈໄບເດັນ ແຫ່ງສະຫະລັດອາເມຣິກາ ຕົກລົງມອບລະບົບລູກສອນໄຟທັນສະໄໝໂຈມຕີແມ່ນຢໍາ ເປົ້າໝາຍໄລຍະໄກໃຫ້ຢູເຄນສູ້ກັບຣັດເຊຍ ເຊິ່ງເປັນສ່ວນໜຶ່ງໃນແພັກເກັດສະໜັບສະໜູນ ອາວຸດ700ລ້ານໂດລາສະຫະລັດ.


ເຈົ້າໜ້າທີ່ລະດັບສູງຂອງສະຫະລັດ ອາເມຣິກາເປີດເຜີຍວ່າສະຫະລັດ ກຳລັງມອບລະບົບລູກສອນໄຟປືນໃຫຍ່ເຄື່ອນທີ່ ເຊິ່ງສາມາດໂຈມຕີຢ່າງແມ່ນຢໍາຖະຫຼົ່ມເປົ້າໝາຍຕ່າງໆທີ່ຢູ່ຫ່າງອອກໄປ80ກິໂລແມັດ ຫຼັງຈາກຢູເຄນຮັບປະກັນວ່າພວກເຂົາຈະບໍ່ໃຊ້ໂຈມຕີພາຍໃນຣັດເຊຍ.


ໃນບົດຄວາມໜຶ່ງຂອງໜັງສຶພິມນິວຢອກໄທ ທີ່ເຜີຍແຜ່ໃນວັນທີ 31 ພຶດສະພາ ໄບເດັນ ລະບຸວ່າປະຕິບັດການຂອງຣັດເຊຍຈະຈົບລົງຜ່ານການເຈລະຈາ ແຕ່ສະຫະລັດ ຈຳເປັນຕ້ອງສົ່ງມອບອາວຸດແລະກະສູນແກ່ຢູເຄນ ເພື່ອຄານອຳນາດຕໍ່ລອງສູງສຸດໃນໂຕະເຈລະຈາ.


ບົດຄວາມນີ້ ຫາກໍຖືກເຜີຍແຜ່ອອກມາຫຼັງຈາກໄບເດັນ ກ່າວຕ9ຜູ້ສື່ຂ່າວໃນວັນອັງຄານທີ 31 ພຶດສະພາວ່າ ສະຫະລັດອາເມຣິກາ ຈະບໍສົ່ງລະບົບລູກສອນໄຟທີ່ສາມາດໂຈມຕີໄດ້ໄກເຖິງຣັດເຊຍໃຫ້ຢູເຄນ.


ຂະນະທີ່ຣັດເຊຍກໍບໍ່ນິ້ງເສີຍ ໄດ້ສັ່ງໃຫ້ກອງກຳລັງນິວເຄຍຊ້ອມຮົບໃນເມືອງອິວາໂນໂວ ທາງຕາເວັນອອກສ່ຽງເໜືອຂອງນະຄອນຫຼວງມອສໂຄ ຫຼັງສະຫະລັດ ລະບຸວ່າຈະມອບລະບົບລູກສອນໄຟທັນສະໄໝໃຫ້ແກ່ຢູເຄນ ເພື່ອຊ່ວຍບີບໃຫ້ຣັດເຊຍເຂົ້າສູ່ໂຕະເຈລະຈາ.