ຕິດຕາມລາຄານ້ຳມັນໂລກ! ຫຼັງອີຢູ ຂວໍ້າບາດນໍ້າມັນຣັດເຊຍ ໂດຍປະກາດຫ້າມນຳເຂົ້າບາງສ່ວນ

ຕິດຕາມລາຄານ້ຳມັນໂລກ! ຫຼັງອີຢູ ຂວໍ້າບາດນໍ້າມັນຣັດເຊຍ ໂດຍປະກາດຫ້າມນຳເຂົ້າບາງສ່ວນ

3rd June 2022 0 By Admin

ສຳນກຂ່າວບລູມເບີກລາຍງານໃນວັນທີ 31 ພຶດສະພາ 2022 ວ່າ ຫຼັງຈາກທີ່ສະຫະພາບເອີຣົບ (EU) ມີມະຕິຂວ້ຳບາດນ້ຳມັນຣັດເຊຍໂດຍ ຫ້າມນຳເຂົ້າບາງສ່ວນທີ່ຂົນສົ່ງທາງທະເລໃນທ້າຍປີນີ້ ເຊິ່ງຈະເຮັດໃຫ້ລາຍໄດ້ຈາກການສົ່ງອອກນ້ຳມັນຂອງຣັດເຊຍ ຫຼຸດລົງ 10.000 ລ້ານໂດລາສະຫະລັດຕໍ່ປີ, ເຊິ່ງຕໍ່ບັນຫາດັ່ງກ່າວ ລັດຖະບານຣັດເຊຍອາດຈະໄປເຈລະຈາກັບຈີນ ແລະ ອິນເດຍໃຫ້ຊື້ນ້ຳມັນຈາກຣັດເຊຍເພີ່ມຂຶ້ນ. ຂະນະທີ່ໄດ້ສ້າງແຮງກົດດັນໃຫ້ຕະຫຼາດນໍ້າມັນໂລກຫຼາຍຂຶ້ນ ເນື່ອງຈາກຣັກເຊຍເປັນຜູ້ສົ່ງອອກນຊ້າມັນລາຍໃຫຍ່ຂອງໂລກ


ຜູ້ຄ້ານ້ຳມັນວິເຄາະວ່າ ເນື່ອງຈາກນ້ຳມັນດິບອູຣາລ (ນ້ຳມັນປະສົມຫຼັກທີ່ຣັດເຊຍສົ່ງອອກ) ເຊິ່ງເຄີຍນິຍົມໃນເອີຣົບ ຕ້ອງຫັນໄປຫາປະເທດຜູ້ຊື້ລາຍໃໝ່ໃນອາຊີ ແຕ່ອາດມີຕະຫຼາດຈຳກັດ ເນື່ອງຈາກນ້ຳມັນດິບຊະນິດນີ້ມີເກຣດທີ່ບໍ່ສາມາດກັ່ນໃນປະລິມານຫຼາຍຢ່າງງ່າຍດາຍໄດ້ ສຳລັບປະປະເທດຕ່າງໆເຊັ່ນ ສີລັງກາ, ອິນໂດເນເຊຍ ທີ່ຍັງບໍ່ມີຄວາມສາມາດໃນການແປຮູບ ແລະ ການປະສົມທີ່ຊັບຊ້ອນ ເພື່ອຮອງຮັບນ້ຳມັນດິບທີ່ມີປະເພດກຳມະຖັນສູງ.


ດັ່ງນັ້ນ ຈຶ່ງເຮັດໃຫ້ ຈີນ ແລະ ອິນເດຍເຊິ່ງມີໂຮງງານກັ່ນທີ່ສາມາດແປຮູບນ້ຳມັນອູຣາລໄດ້ ອາດຈະຮັບຊື້ນ້ຳມັນຊະນິດນີ້ ຈາກຣັດເຊຍເພີ່ມຂຶ້ນ ບວກກັບ ສປ ຈີນກຳລັງຜ່ອນຜັນມາດຕະການຄວບຄຸມໂຄວິດ-19 ໃນນະຄອນຊຽງໄຮ້ ແລະ ອີກຫຼາຍເມືອງໃຫຍ່ ຈຶ່ງອາດຈະເຮັດໃຫ້ບັນດາໂຮງກັ່ນນ້ຳມັນຈາກພາກລັດ ແລະ ເອກະຊົນຈີນ ອາດຕ້ອງການຊື້ນ້ຳມັນຈາກຣັດເຊຍເພີ່ມຂຶ້ນ.

ຂະນະທີ່ຜູ້ບໍລິຫານທະບວງພະລັງງານສາກົນກ່າວວ່າ: ວິກິດພະລັງງານໃນປັດຈຸບັນ ອາດກາຍເປັນໜຶ່ງໃນວິກິດຄັ້ງຮ້າຍແຮງທີ່ສຸດ ແລະຍາວນານທີ່ສຸດໃນປະຫວັດສາດໂລກ ໂດຍສະເພາະຢູໂຣບ ທີ່ອາດກະທົບໜັກ ເຖິງຂັ້ນຕ້ອງປັນສ່ວນກັນ