ຕື່ມເຊື້ອໄຟເຂົ້າໄປອີກ! ສະຫະລັດ ປະກາດສົ່ງອາວຸດໃຫ້ຢູເຄນຮອບໃໝ່700ລ້ານໂດລາ ລວມເຖິງລະບົບລູກສອນໄຟ  ເຊິ່ງຈະເຮັດໃຫ້ສະຖານະການໃນຢູເຄນ ຮຸນແຮງ ແລະ ແກ່ຍາວໄປອີກຫຼາຍເດືອນ

ຕື່ມເຊື້ອໄຟເຂົ້າໄປອີກ! ສະຫະລັດ ປະກາດສົ່ງອາວຸດໃຫ້ຢູເຄນຮອບໃໝ່700ລ້ານໂດລາ ລວມເຖິງລະບົບລູກສອນໄຟ ເຊິ່ງຈະເຮັດໃຫ້ສະຖານະການໃນຢູເຄນ ຮຸນແຮງ ແລະ ແກ່ຍາວໄປອີກຫຼາຍເດືອນ

2nd June 2022 0 By Admin

ປະທານາທິບໍດີ ໂຈ ໄບເດັນ ຂອງສະຫະລັດອາເມຣິກາ ໄດ້ປະກາດແຜນສົ່ງອາວຸດໃຫ້ຢູເຄນຄັ້ງໃໝ່ ມູນຄ່າ700ລ້ານໂດລາສະຫະລັດ ເມືອວັນທີ1 ມິຖຸນາ ເຊິ່ງລວມເຖິງລະບົບລູກສອນໄຟທັນສະໄໝ ທີ່ເອີ້ນວ່າ HIMARS ທີ່ສາມາດຍິງໄດ້ໄກ 80 ກິໂລແມັດ.

ປະທານາທິບໍດີໄບເດັນ ຢືນຢັນອີກວ່າ ສະຫະລັດ ຈະຢືນຄຽງຂ້າງຢູເຄນ ແລະ ຈະສົ່ງອາວຸດຍຸດໂທປະກອນໃຫ້ຢູເຄນຕໍ່ໄປ ເພື່ອໃຫ້ຢູເຄນໃຊ້ໄວ້ປ້ອງກັນຕົວເອງ. ດ້ານ ແອນໂທນີ ບລິງເຄນ ລັດຖະມົນຕີຕ່າງປະເທດສະຫະລັດເຕືອນວ່າ ຄວາມຂັດແຂ່ງໃນຢູເຄນຈະລາກຍາວໄປອີກຫຼາຍເດືອນ. ດັ່ງນັ້ນກະຊວງ ປ້ອງກັນປະເທດສະຫະລັດ ຈິ່ງກຳລັງຕິດອາວຸດເພີ່ມໃຫ້ແກ່ຢູເຄນ.

ສະຫະລັດອ້າງເຫດຜົນເພື່ອຫລີກລ່ຽງບໍ່ໃຫ້ຄວາມຂັດແຍ່ງບານປາຍ ຈິ່ງຕັດສິນໃຈສົ່ງລະບົບຍິງຂີປະນາວຸດທີ່ມີຄວາມແມ່ນຢໍາຫຼາຍຂຶ້ນໃຫ້ຢູເຄນ ແລະ ຢູເຄນໄດ້ຮັບປາກວ່າຈະໃຊ້ອາວຸດນີ້ພາຍໃນດິນແດນຢູເຄນເທົ່ານັ້ນ ຈະບໍໃຊ້ອາວຸດໃໝ່ນີ້ ໂຈມຕີເປົ້າໝາຍຢູ່່ໃນດິນແດນຂອງຣັດເຊຍ.

ໃນເບື້ອງຕົ້ນສະຫະລັດ ຈະຈັດສົ່ງເຄື່ອງຍິງລູກສອນໄຟ HIMARS ໃຫ້ຢູເຄນຈຳນວນ4ຊຸດ ໂດຍທັງ4ຊຸດໄດ້ຖືກສົ່ງໄປຍັງຢູໂຣບກ່ອນແລ້ວ ເພື່ອເລັ່ງສົ່ງໃຫ້ເຖິງຢູເຄນໂດຍໄວ ແລະ ຕ້ອງໃຊ້ເວລາ3 ອາທິດໃນການຝຶກໃຊ້ໃຫ້ແກ່ທະຫານຢູເຄນ
ນອກນັ້ນສະຫະລັດ ຍັງມີແຜນຈະຂາຍອາວຸດລໍ້າສະໄໝ ອີກຢ່າງໃຫ້ແກ່ຢູເຄນນັ້ນຄືໂດຣນ ຫຼື ຍົນບໍ່ມີຄົນຂັບ ທີ່ມາມາດຕິດລູກສອນໄຟໄດ້ ໂດນເປັນໂດຣນ ແບບ MQ-1C Gray Eagle ຈຳນວນ4ລຳ ສາມາດຕິດລູກສອນໄຟອັນຊົງພະລັງຢ່າງ Hellfire ໄດ້ ເຊິ່ງເປັນອາວຸດທີ່ກອງທັບຢູເຄນຍັງບໍ່ເຄີຍໃຊ້ມາກ່ອນ.