ສູນຝຶກກອງພົນທະຫານຮາບທີ 4 ສຳເລັດການຫັດແອບ ຊ້ອມຮົບປະສານສຽງແຕກ ນາຍສິບ ຊຸດທີ X

ສູນຝຶກກອງພົນທະຫານຮາບທີ 4 ສຳເລັດການຫັດແອບ ຊ້ອມຮົບປະສານສຽງແຕກ ນາຍສິບ ຊຸດທີ X

3rd June 2022 0 By Admin

ໃນວັນທີ 27 ພຶດສະພາ 2022 ສູນຝຶກກອງພົນທະຫານຮາບທີ 4 ໄດ້ສຳເລັດການຫັດແອບຊ້ອມຮົບປະສານສຽງແຕກຂັ້ນໝວດ ທະຫານຮາບບຸກຕີຈັ້ງທ່າ ເທິງພູມິປະເທດຕົວຈິງ ໃຫ້ນັກຮຽນກໍ່ສ້າງນາຍສິບ ຊຸດທີ X ປະຈໍາປີ 2021 – 2022 ຢູ່ທີ່ສະໜາມຫັດແອບສູນຝຶກທະຫາຍຮາບ ໂດຍການເຂົ້າຮ່ວມເປັນປະທານຂອງ ສະຫາຍ ພັນໂທ ສົມສະໄໝ ສີດາວັນ ຮອງຫົວໜ້າຫ້ອງເສນາທິການກອງພົນທີ 4, ມີຄະນະພັກ – ຄະນະບັນຊາສູນຝຶກ, ຄູ – ອາຈານ, ພະນັກງານ – ນັກຮົບ ຕະຫຼອດຮອດອ້າຍນ້ອງນັກຮຽນ ກໍ່ສ້າງນາຍສິບ ເຂົ້າຮ່ວມພ້ອມພຽງ.


ຕາງໜ້າໃຫ້ນັກຮຽນກໍ່ສ້າງນາຍສິບ ຊຸດທີ X ຂຶ້ນຜ່ານແຜນການຫັດແອບຊ້ອມຮົບປະສານສຽງແຕກຂັ້ນໝວດທະຫານຮາບບຸກຕີຈັ້ງທ່າ ເທິງພູມິປະເທດ ແລະ ການປະຕິບັດຍິງລູກປືນແທ້ໃຫ້ນັກຮຽນນາຍສິບ, ອີງຕາມແຜນການຕົວຈິງແມ່ນໄດ້ດຳເນີນຕາມຂັ້ນຕອນ, ຕາມໄລຍະຂອງແຕ່ລະບາດກ້າວ, ການບັນຊາເຄື່ອນໄຫວແຕ່ລະກໍລະນີໃຫ້ທ່ວງທັນກັບສະພາບການທີ່ອາດຈະເກີດຂຶ້ນໃນຍາມສຸກເສີນ ລວມໄປເຖິງການຈັດວາງກຳລັງ ແລະ ການນຳໃຊ້ອາວຸດກະສູນ ໃຫ້ແທດເໝາະກັບສະພາບພູມິປະເທດຕົວຈິງ ທັງນີ້ກໍ່ເພື່ອເຮັດໃຫ້ນັກຮຽນ ມີຄວາມຊິ້ນເຄີຍໃນການຈັດຕັ້ງກຳລັງ ການເຄື່ອນໄຫວຕົວຈິງ ໃຫ້ມີຄວາມຄ່ອງແຄ້ວ ກຳໄດ້ບັນດາທ່າຈັ່ງຫວະທີ່ສຳຄັນ ແລະ ມີຄວາມປອດໄຟ 100% ແລະ ເປັນອີກສ່ວນໜຶ່ງໃນການເກັບກໍາຄະແນນໄປປະກອບໃສ່ພາກປະຕິບັດຕົວຈິງໃຫ້ໄດ້ທັງປະລິມານ ແລະ ຄຸນນະພາບ.


ຕອນທ້າຍ ສະຫາຍ ພັນໂທ ສົມສະໄໝ ສີດາວັນ ຮອງຫົວໜ້າຫ້ອງເສນາທິການກອງພົນທີ4 ໄດ້ຍ້ອງຍໍຊົມເຊີຍຕໍ່ບັນດາ ຄະນະພັກ_ຄະນະບັນຊາສູນຝຶກ,ຄູອາຈານ,ກອງຮ້ອຍນັກຮຽນ ແລະ ອ້າຍນ້ອງກໍ່ສ້າງນັກຮຽນນາຍສິບຂອງສູນຝຶກຕໍ່ກັບຜົນສຳເລັດຕະຫລອດໄລຍະຝຶກແອບຮໍ່າຮຽນຜ່ານມາ ພ້ອມນັ້ນກໍ່ໄດ້ຮຽກຮ້ອງໃຫ້ນັກຮຽນນາຍສິບ,ຫຼັງຈາກສຳເລັດໃນການຝຶກແອບນີ້ແລ້ວຈົ່ງນຳເອົາໄປປະຕິບັດຕາມຂໍ້ກຳນົດ,ກົດລະບຽບຂອງກອງທັບໃຫ້ເຂັ້ມງວດ,ອົດທົນຜ່ານຜ່າຄວາມຫຍຸ້ງຍາກ,ອຸປະສັກຕ່າງໆ ພ້ອມກັນນໍາເອົາເນື້ອໃນບົດຂຽນດັ່ງກ່າວໄປໝຸນໃຊ້ຢູ່ໃນກົມກອງໃຫ້ເກີດດອກອອກຜົນ.


ຂ່າວໂດຍ: ຮຕ ໂພຄຳ ພອນປະເສີດ ກພົ4,ພາບໂດຍ: ສອ ອານຸສັກ ຈູມມະນີວົງ ກພົ4