ວັນປົດປ່ອຍຜາຖີ່ 18 ມີນາ 1968 ວັນສໍາຄັນທາງປະຫວັດສາດຂອງຊາດ

ວັນປົດປ່ອຍຜາຖີ່ 18 ມີນາ 1968 ວັນສໍາຄັນທາງປະຫວັດສາດຂອງຊາດ

19th March 2020 0 By Entertain

ຈາລຶກ ວັນສໍາຄັນທາງປະຫວັດສາດຂອງຊາດ ! ຜາຖີ່ ເປັນສະຖານທີ່ຕັ້ງ ເລດ້າ ຂອງຈັກກະພັດຕ່າງປະເທດ ເພື່ອບັນຊາການ ໃນການຖິ້ມລະເບີດ ໃສ່ເຂດປົດປ່ອຍຂອງ ສປປ ລາວ ໃນສະໄຫມສົງຄາມ ແຕ່ໄດ້ຮັບການປົດປ່ອຍຢ່າງອົງອາດກ້າຫານ ຈາກ ກໍາລັງການປະຕິວັດລາວ ໃນວັນທີ 18 ມີນາ 1968.

ປະຈຸບັນ ຜາຖີ່ ໄດ້ຮັບການພັດທະນາ ເປັນແຫຼ່ງທ່ອງທ່ຽວ ທາງປະຫວັດສາດ ທໍາມະຊາດ ແລະ ຈຸດຊົມວິວ ທີ່ຂຶ້ນຊື່ ຂອງແຂວງຫົວພັນ, ຕັ້ງຢູ່ເຂດບ້ານເມືອງຊອນ ຫ່າງຈາກຕົວເມືອງຊໍາເໜືອ ອອກໄປປະມານ 60 ກມ.
ທ່ານເຄີຍໄປມາ ແລ້ວຫຼືຍັງ ?

ຜາຖີ່ ຕັ້ງຢູ່ຫ່າງຈາກເທສະບານແຂວງຫົວພັນ 68 ກິໂລແມັດ ມີຄວາມສູງ 1.760 ແມັດ ແລະ ມີຂັ້ນໃດ 1 ພັນກວ່າຂັ້ນ ມີປະຫວັດສາດທີ່ຍາວນານ ໂດຍມີການຊ່າລືຈາກໄທບ້ານວ່າເຄີຍເປັນຄ້າຍທະຫານເກົ່າຂອງພວກສະຫະລັດອາເມຣິກາ ໂດຍໃນໄລຍະປີທີ່ຜ່ານມາ ລັດຖະບານໄດ້ສຸມໃສ່ພັດທະນາໃຫ້ເປັນແຫຼ່ງທ່ອງທ່ຽວທາງປະຫວັດສາດ.

ກອງທັບລາວອິດສະຫລະ ໄດ້ປິ່ນຜາເພື່ອຂຶ້ນດັບສູນສັດຕູ ໄຊຊະນະຄັ້ງອົງອາດດັ່ງກ່າວ ຖືເປັນຫນຶ່ງໃນຍຸດທະວິທີທີ່ປະເທດຊາດຕ້ອງຈາລຶກໄວ້ ເພາະ ຖືເປັນການປ່ຽນແປງຄັ້ງສຳຄັນຂອງການປະຕິວັດຊາດ ເພາະການບຸກຢຶດຜາຖີ່ຂອງກອງກຳລັງປະຕິວັດ ເປັນການທຳລາຍຖານເຣດາ ແລະ ຄື່ນວິທະຍຸສື່ສານອັນສຳຄັນຂອງສັດຕູ ຈົນກ້າວສູ່ໄຊຊະນະໃນຫຼາຍບັ້ນຮົບໃນເວລາຕໍ່ມາ.


ປັດຈຸບັນພັກ ແລະ ລັດຖະບານ ໄດ້ພັດທະນາຜາຖີ່ເປັນສະຖານທີ່ທ່ອງທ່ຽວທາງປະຫວັດສາດ ໂດຍການສ້າງຂັ້ນໄດເຫລັກໄປຕາມຜາຫີນທີ່ສູງຊັນເພື່ອຂຶ້ນສູ່ຈຸດສູງສູດຂອງຜາຖີ່ ເຊິ່ງອະດີດສັດຕູໃຊ້ຍົນໃນການລຳລຽງຍຸດໂທປະກອນແລະທະຫານເຂົ້າມາປະຈຳການທີ່ນີ້ ແຕ່ກໍ່ຖືກກອງກຳລັງລາວອິດສະຫລະ ໃຊ້ຄວາມສາມາດແບບທີ່ສັດຕູຄາດບໍ່ເຖິງວ່າຈະເຮັດໄດ້ນັ້ນຄືການປີ່ນຫນ້າຜາຂຶ້ນໄປດັບສູງສັດຕູຢ່າງອົງອາດ.

ຫາກທ່ານມີໂອກາດໄດ້ໄປແຂວງຫົວພັນ ກໍ່ຢ່າລືມໄປເບິ່ງຜາຖີ່ວ່າຊິສູງສ່ຳໃດ ແລະ ເຮັດແນວໃດກອງທັບລາວອິດສະຫລະໃນເວລານັ້ນຈຶ່ງສາມາດປີິນຫນ້າຜາສູງຊັນຂຶ້ນໄປໄດ້.