ອາໄລກັບການຈາກໄປຕະຫຼອດການຂອງ ທ່ານ ຊົມພູ ແກ້ວປັນຍາ ຫົວໜ້າພະແນກ ສສກ ນະຄອນຫຼວງ

ອາໄລກັບການຈາກໄປຕະຫຼອດການຂອງ ທ່ານ ຊົມພູ ແກ້ວປັນຍາ ຫົວໜ້າພະແນກ ສສກ ນະຄອນຫຼວງ

19th March 2020 0 By Education

ຂໍສະແດງຄວາມເສຍໃຈມາຍັງຄອບຄົວແກ້ວປັນຍາ ທີ່ໄດ້ສູນເສຍ ສະມາຊິກອັນທີເປັນເຄົາລົບຮັກແພງຂອງຄອບຄົວ, ຂໍສະແດງຄວາມໄວ້ອາໄລນຳ ທ່ານ ຊົມພູ ແກ້ວປັນຍາ ຄະນະພັກນະຄອນຫຼວງວຽງຈັນ ເລຂາພັກຮາກຖານ ຫົວຫນ້າພະແນກສຶກສາ-ກິລາ ນະຄອນຫລວງ ໃນຄັ້ງດ້ວຍທີ່ໄດ້ເສຍຊີວິດລົງໃນເວລາ 18:30 ໂມງ ຂອງວັນທີ 18 ມີນາ 2020 ດ້ວຍພະຍາດຂອງເພິ່ນເອງ ລວມອາຍຸໄດ້ 64ປີ (ເກີດທີ10/10/1955 ເສຍຊີວິດ 18/03/2020)

ປັດຈຸບັນສົບບໍາເພັນທີ່ບ້ານຫນອງທາໃຕ້ ຮ່ອມ 20 ເມືອງຈັນທະບູລີ ນະຄອນຫຼວງວຽງຈັນ (ຂ້າງວັດຫນອງທາໃຕ້)
ວັນຊານະປະກິດສົບຈະໄດ້ຈັດຂຶ້ນໃນມື້ວັນອາທິດ ຂອງວັນທີ 22 ມີນາ 2020 ທີ່ວັດທາດຝຸ່ນ; ວັນອັງຄານ ວັນທີ 24 ມີນາ 2020 ເປັນມື້ຫ້າງຫາກະກຽມ, ວັນພຸດ ວັນທີ 25 ມີນາ 2020 ເປັນມື້ໃສ່ບາດພະສົງ9 ອົງ. ດັ່ງນັ້ນຈິ່ງຂໍແຈ້ງຂ່າວມາຍັງການຈັດຕັ້ງທຸກພາກສ່ວນ, ຍາດຕິພີ່ນ້ອງ ເພື່ອນມິດສະຫາຍຊາບແລະໃຫ້ຄວາມອົບອຸ່ນຄອບຄົວຂອງເພິ່ນຕາມວັນເວລາດັ່ງກ່າວ.

ເຖິງຢ່າງໃດກໍ່ຕາມແອັດມິນພ້ອມທີມງານຂໍຈາລຶກເຖິງບຸນຄຸນຄວາມງາມຄວາມດີຂອງ ທ່ານທີ່ໃນໄລຍະຜ່ານມາໄດ້ອຸທິດ ສະຕິປັນຍາໃຫ້ແກ່ປະເທດຊາດ ແລະ ການປະຕິວັດ ແລະ ຂໍອາໄລອາວອນຢ່າງສຸດຊຶ້ງຕໍ່ ສະຫາຍ, ເຊິ່ງເປັນໜຶ່ງໃນ ພະນັກງານການນຳຂັ້ນສູງຂອງພັກ-ລັດ ແລະ ຂໍສະແດງຄວາມເສຍໃຈຕໍ່ຄອບຄົວຂອງທ່ານທີ່ໄດ້ສູນເສຍສະມາຊິກຄອບຄົວອັນເປັນທີ່ຮັກ ຈາກໄປຢ່າງບໍ່ມີມື້ຫວນກັບ.