ເສຍດາຍເສຍໃຈນຳພໍ່ແມ່, ລູກຕ້ອງຈາກໄປໃນໄວ 13 ປີຍ້ອນຫຼິ້ນໂທລະສັບ

ເສຍດາຍເສຍໃຈນຳພໍ່ແມ່, ລູກຕ້ອງຈາກໄປໃນໄວ 13 ປີຍ້ອນຫຼິ້ນໂທລະສັບ

19th March 2020 0 By Education

ຍຸກຂອງໂລກາພິວັດແຫ່ງເຄື່ອງມືສື່ສານເຕັກໂນໂລຊີ ທີ່ມາພ້ອມຄວາມກ້າວໜ້າທັນສະໄໝ ກໍ່ມັກຈະແອບແຝງຄວາມອັນຕະລາຍອ້ອມຮອບ ຈົນບາງຄັ້ງບາງຄົນເຖິງກັບເສຍຫຼັກຍ້ອນການໃຊ້ຊີວິດຢູ່ກັບເຄື່ອງມືອຸປະກອນເຫລົ່ານັ້ນ.


ແລະທຸກວັນນີ້ເຫັນວ່າພໍ່ແມ່ເກືອບທຸກຄົນຈະໃຫ້ລູກໆຫຼິ້ນໂທລະສັບກັນແຕ່ຍັງນ້ອຍໆ ເດັກນ້ອຍບໍ່ຮູ້ຫຍັງໄດ້ຂອງຫຼິ້ນກໍ່ຢາກຫຼິ້ນຈົນລືມຫຼັບລືມນອນ ລືມກິນອາຫານເພື່ອສຸຂະພາບພຸ້ນລະ ສຳຄັນແມ່ນຜູ້ໃຫຍ່ພໍ່ແມ່ຜູ້ປົກຄອງຕ້ອງເຕືອນສະຕິເຂົາເຈົ້າ ບອກສອນໃຫ້ເບິ່ງ, ຫຼິ້ນເປັນເວລາ ແລະຮູ້ຈັກປ້ອງກັນຕົນເອງ ບໍ່ດັ່ງນັ້ນຈະເກີດເຫດເສົ້າຄືເລື່ອງທີ່ນຳມາເປັນອຸທາຫອນໃນມື້ນີ້.

ສາວນ້ອຍໄວ 13 ປີ ຈາກເມືອງໄທ ກຳລັງຮຽນຊັ້ນປະຖົມປີທີ6 ໃນຈັງຫວັດປຣາຈີນບູຣີ ຄົນໃນຄອບຄົວເຫັນນອນເສຍຊີວິດຢູ່ ຈິ່ງພິກຕົວຜູ້ກ່ຽວເພື່ອກວດສອບປະກົດວ່າ ແຂນຂວາຖືກສາຍສາກໂທລະສັບຊ໊ອດເປັນຮອຍໄໝ້ຢູ່.

ຕາມຮ່າງກາຍຜູ້ເສຍຊີວິດ ບໍ່ມີຮ່ອງຮອຍການຖືກທຳລາຍ ເຈົ້າໜ້າທີ່ຈິ່ງສັນນິຖານວ່າ ຖືກສາຍສາກໂທລະສັບຊ໊ອກເນື່ອງຈາກເປັນສາຍປອມທີ່ນ້ອງຄົນນັ້ນຫາຊື້ເອົາສິນຄ້າລາຄາຖືກມາໃຊ້.


ຕາມຂ່າວໃຫ້ຮູ້ອີກວ່າ: ເຮືອນຫຼັງດັ່ງກ່າວ ເປັນເຮືອນຂອງພໍ່ເຖົ້າແມ່ເຖົ້າ, ຜູ້ເສຍຊີວິດແມ່ນເປັນຫຼານມາຢູ່ນຳ ສ່ວນພໍ່ແມ່ໄປເຮັດວຽກຕ່າງຈັງຫວັດ, ຫຼານສາວໄດ້ອອກໄປຊື້ເຄື່ອງດື່ມເຂົ້າມາກິນກ່ອນອັດປະຕູຫ້ອງນອນໄປຫລິ້ນໂທລະສັບຢູ່ພາຍໃນຫ້ອງ ແຕ່ຕອນທ່ຽງຈົນຮອດຄ່ຳກໍ່ບໍ່ລຸກມາຈັກເທື່ອພໍ່ເຖົ້າຈິ່ງໄປເອີ້ນມາກິນເຂົ້າ ແຕ່ຫຼານນອນນິ້ງບໍ່ມີກິລິຍາຕອບສະຫນອງແລ້ວ.


ເມື່ອເຫັນເປັນແນວນັ້ນພໍ່ເຖົ້າໄດ້ຈັບແຂນຫຼານຂຶ້ນມາ ຮູ້ສຶກວ່າຍັງມີໄຟດູດຊ໊ອດຢູ່ ຈາກນັ້ນຈິ່ງເອີ້ນຄົນຂ້າງເຮືອນມາຊ່ວຍເບິ່ງ ແລະພົບວ່າຫຼານຖືກໄຟຊ໊ອດເສຍຊີວິດແລ້ວ.