ເທດສະການຮ້ານອາຫານ ຕອບໂຕ້ດຸເດືອດ

ເທດສະການຮ້ານອາຫານ ຕອບໂຕ້ດຸເດືອດ

5th June 2022 0 By Education

ຊ່ວງນິ້ເກືອບວ່າທຸກຢ່າງກັບຄືນສູ່ສະພາບປົກກະຕິ ຫຼັງພັກໂຄວິດມາຍາວນານດເຖິງ 2 ປີປາຍ ເຮັດໃຫ້ພໍ່ແມ່ປະຊາຊົນຕ່າງກໍ່ຫີວໂຫຍການໄປພັກຜ່ອນຫຼິ້ນທ່ຽວຢ່າງທີ່ເຄີຍເປັນໃນຜ່ານໆມາ ແຕ່ເຫັນວ່າ ໄລຍະນີມັກມີການບໍເຂົ້າໃຈກັນລະຫວ່າງລູກຄ້າ ແລະເຈົ້າຂອງຮ້ານອາຫານ ໃນນັ້ນກໍ່ມີທັງເຮືອນແພເມືອງເຟືອງ.

ໃນກໍລະນີຂອງເຮືອນແພເມືອງເຟືອງ ລູກູຄ້າສາຍປາຕີ້ບໍຮູ້ຕົ້ນປາຍສາເຫດແມ່ນແນວໃດ ແຕ່ເພິ່ນຈົ່ມນ້ອຍອົກນ້ອຍໃຈທີ່ບໍໄດ້ເປີດເພງສຽງດັງໃນຍາມກາງຄືນ ທີ່ຫວັງວ່າຈະໄດ້ມ່ວນຊື່ນເບີກບານໃຈແຕ່ທຳນອງວ່າມີໃຜຄົນໜຶ່ງມາບອກໃຫ້ປິດສຽງເພງຈິ່ງອາລົມເສຍແລະຈົ່ມໃຫຍ່ແບບນີ້

ຫຼັງຈາກນັ້ນ ທາງເຈົ້າຂອງຮ້ານ ເຮືອນແພເມືອງເຟືອງກໍ່ອອກມາໂພສແບບນີ້: ຕ້ອງຂໍອະໄພ ນຳລູກຄ້າຫຼາຍໆ ເດີ ທີ່ເຮົາບໍ່ສາມາດ ໃຫ້ຈັດ ປ່າຕີ້ ເນືອງນັນ ລົບກວນຜູ້ອື່ນທີ່ຢູ່ອ້ອມຂ້າງ ໃນຍາມວິການ ໄດ້.. ເພາະເຮືອນແພ ເຮົາ ເປັນແຫຼ່ງທ່ອງທ່ຽວ ທີ່ເນັ້ນດ້ານການ ອະນຸລັກ ຮັກສາ ທຳມະຊາດ ແລະ ຮີດຄອງປະເພນີອັນດີງາມ.. ລູກຄ້າ ຫຼາຍທ່ານ ທີ່ມາ ກໍ່ລ້ວນແຕ່ເປັນຜູ້ ສູງໄວ ເພິ່ນຕ້ອງການພັກຜ່ອນ ກັບທຳມະຊາດ ແລະລຸກມາໃສ່ບາດ ໃນຕອນເຊົ້າ.


ທີ່ສຳຄັນ ບໍ່ແມ່ນວ່າທາງເຮົາບໍ່ໃຫ້ເປີດ ເຮົາໃຫ້ລູກຄ້າມາເຊັກອິນ ແລະເປີດເພງໄດ້ ຕັ້ງແຕ່ 13.00 ຈົນຮອດ 22.30 ເຊິ່ງ ທາງເຮົາກໍ່ເຫັນວ່າ ມັນສົມມາພາຄວນແລ້ວ ທີ່ຈະຂໍໃຫ້ປິດສຽງເພງ ເພື່ອໃຫ້ ແຂກຫ້ອງອື່ນໄດ້ພັກຜ່ອນ ແລະ ນີ້ກໍ່ເປັນມາລະຍາດ ພື້ນຖານ ທີ່ທຸກຄົນຄວນມີ ໃນການຢູ່ຮ່ວມກັນ ໃນສັງຄົມລວມໝູ່


⚠️ສຳຫຼັບຄັ້ງນີ້ ພວກເຮົາກໍ່ຂໍຂອບໃຈ ລູກຄ້າທີ່ມາໃຊ້ບໍລິການ ແຕ່ ສຳຫຼັບໃນອານາຄົດ ຖ້າລູກຄ້າຈະມີຈຸດປະສົງ ມາເພື່ອ ປາຕີ້ ທາງເຮືອນແພເຮົາກໍ່ຂໍອະນຸຍາດ ບໍ່ຕ້ອນຮັບ ທ່ານເຊັ່ນກັນ ເຈົ້າ 🙏🏻😊 ຂອບໃຈ