ທາງດ່ວນຍັງເປີດໃຊ້ປົກກະຕິ ແຈ້ງປະຊາຊົນບໍ່ໃຫ້ແຕກຕື່ນກັບຂ່າວລັດຍິງ

ທາງດ່ວນຍັງເປີດໃຊ້ປົກກະຕິ ແຈ້ງປະຊາຊົນບໍ່ໃຫ້ແຕກຕື່ນກັບຂ່າວລັດຍິງ

6th June 2022 0 By Education

ພາຍຫຼັງເກີດເຫດລັດຍິງລົດທີ່ສັນຈອນຕາມເສັ້ນທາງດ່ວນວຽງຈັນ-ວັງວຽງ ໃນຄັ້ງວັນທີ 5 ມິຖຸນາ 2022 ເຮັດໃຫ້ກາຍເປັນກະແສຮ້ອນແຮງຂຶ້ນມາທັນທີ ແນ່ນອນໄດ້ສ້າງຄວາມກັງວົນໃຈແກ່ຜູ້ທີ່ຈະນຳໃຊ້ເສັ້ນທາງດ່ວນເຖິງຄວາມປອດໄພ ແນວໃດກໍ່ຕາມ ຫຼ້າສຸດທາງດ່ວນວຽງຈັນ-ວັງວຽງ ກໍ່ໄດ້ອອກຊີ້ແຈງແລ້ວວ່າ: ເສັ້ນແມ່ນຍັງເປີດບໍລິການເປັນປົກກະຕິ ຂໍໃຫ້ປະຊາຊົນຢ່າກັງວົນເກີນເຫດ.

ໃນແຈ້ງການຂອງທາງດ່ວນລະບຸວ່າ ພາຍຫລັງໄດ້ຮັບແຈ້ງເຫດທີມຊ່ວຍເຫຼືອ ກໍ່ເລີ່ມປະຕິບັດແຜນການກ່ຽວກັບການຮັບມືກັບເຫດສຸກເສີນທັນທີ, ພ້ອມທັງດຳເນີນການແຈ້ງເຫດຫາ ປກສ ໂພນໂຮງ ແລະ ຫີນເຫີບເພື່ອປະກອບສ່ວນຊ່ວຍເຫຼືອເຈົ້າໜ້າທີ່ປິດທາງຂາອອກສະຖານີຫີນເຫີບ, ນ້ໍາງື່ມ, ວັງວຽງ ສາມບ່ອນ.


ປະຈຸບັນ, ບໍລິສັດ ຮ່ວມທຶນພັດທະນາທາງດ່ວນ ລາວ-ຈີນ ຈຳກັດ ກຳລັງຮ່ວມມືກັບທາງເຈົ້າໜ້າທີ່ຕຳຫຼວດໃນການລົງເລິກສຶບສວນ, ຂໍໃຫ້ບັນດາມວນຊົນປະຊາຊົນຍັງຄົງເລືອກໃຊ້ທາງດ່ວນທີ່ເປັນການສັນຈອນທີ່ສະດວກຄືຕາມເດີມ.

ຈາກເຫດການນີ້, ເສັ້ນທາງດ່ວນແມ່ນບໍ່ໄດ້ຮັບຜົນກະທົບ, ປອດໄພຕະຫຼອດທາງ ແລະ ດຳເນີນງານຕາມປົກກະຕິ ແລະ ຂໍໃຫ້ບັນດາມວນຊົນຢ່າກັງວົນເກີນໄປເຊື່ອຟັງຂ່າວລື ແລະ ບໍ່ສົ່ງຕໍ່ຂ່າວລື. ຂໍ້ມູນຕ່າງໆແມ່ນໃຫ້ອີງຕາມແຈ້ງການຈາກແຫຼ່ງຂ່າວທາງການທີ່ຖືກຕ້ອງ. ໜ່ວຍງານ ຫຼື ບຸກຄົນໃດທີ່ລົງຂ່າວສານທີ່ບໍ່ມີມູນຄວາມຈີງ ແລະ ການກະທຳໃສ່ຮ້າຍປ້າຍສີທາງດ່ວນນະຄອນຫຼວງວຽງຈັນ-ວັງວຽງ, ທາງບໍລິສັດ ຮ່ວມທຶນພັດທະນາທາງດ່ວນ ລາວ-ຈີນ ຈຳກັດ ຈະໄດ້ອີງຕາມກົດໝາຍໃນການຕາມຜູ້ກ່ຽວມາຮັບຜິດຊອບ.

Vientiane-Vangvieng Express way ທາງດ່ວນ ວຽງຈັນ-ວັງວຽງ