ເມື່ອໃດຈະຈົບ! ນາຍົກ ເຢຍລະມັນ ປະກາດຈະຈັດສົ່ງລະບົບປ້ອງກັນໄພທາງອາກາດ IRIS-T ໃຫ້ຢູເຄນ ຕໍ່ສູ້ກັບຣັດເຊຍ

ເມື່ອໃດຈະຈົບ! ນາຍົກ ເຢຍລະມັນ ປະກາດຈະຈັດສົ່ງລະບົບປ້ອງກັນໄພທາງອາກາດ IRIS-T ໃຫ້ຢູເຄນ ຕໍ່ສູ້ກັບຣັດເຊຍ

6th June 2022 0 By Admin

ນາຍົກ ລັດຖະມົນຕີ ໂອລາຟ ໂຊລ ຂອງເຢຍລະມັນຖະແຫຼງວ່າ ເຢຍລະມັນຈະຈັດສົ່ງລະບົບປ້ອງກັນໄພທາງອາກາດ ໄອຣິສ- ທີIRIS-T  ໃຫ້ຢູເຄນ ຫຼັງຢູເຄນ ແລະ ບັນດາພັກຝ່າຍຄ້ານຂອງເຢຍລະມັນ ຮ້ອງຂໍໃຫ້ຈັດການສົ່ງອາວຸດໜັກໃຫ້ຢູເຄນ.


ທ່ານ ໂອລາຟ ໂຊລ ນາຍົກລັດຖະມົນຕີເຢຍລະມົນ ກ່າວວ່າ ເຢຍລະມັນ ຈັດສົ່ງອາວຸດໃຫ້ແກ່ຢູເຄນຕໍ່ເນື່ອງ ເຊິ່ງປະກອບດ້ວຍກະສຸນ15ລ້ານລູກ, ລະເບີດ100.000ໜ່ວຍ ແລະ ກັບລະເບີດຕໍ່ຕ້ານລົດຖັງກວ່າ5.000ໜ່ວຍ ຕັ້ງແຕ່ຣັດເຊຍບຸກຢູເຄນເມື່ອວັນທີ 24 ກຸມພາຜ່ານມາ ແລະ ໃນອາທິດໜ້າ ເຢຍລະມັນ ແລະເນເທີແລນ ຈະຈັດສົ່ງປືນໃຫຍ່ວີຖີໂຄ້ງຫຸ້ມເກາະສະໄໝໃໝ່ ອີກ14ກະບອກໃຫ້ຢູເຄນ.

ທ່ານ ໂອລາຟ ໂຊລ ກ່າວກັບສະມາຊິກລັດຖະສະພາວ່າ ລັດຖະບານໄດ້ຕັດສິນໃຈວ່າ ຈະຈັດສົ່ງລະບົບປ້ອງກັນໄຟທາງອາກາດສະໄໝໃໝ່ IRIS-T ໃຫ້ຢູເຄນ.


ທ່ານ ກ່າວຕື່ມວ່າ: ການເຈລະຈາກັບຫຸ້ນສ່ວນຂອງເຢຍລະມັນ ຍັງຄົງເດີນໜ້າຕໍ່ໄປກ່ຽວກັບແນວທາງຕິດອາວຸດໃຫ້ກັບຢູເຄນເພີ່ມ ເພື່ອຕໍ່ຕ້ານການໂຈມຕີຂອງຣັດເຊຍ ແລະ ໃນວັນທີ30 ພຶດສະພາ ທີ່ຜ່ານມາ ນາຍົກລັດຖະມົນຕີເຢຍລະມັນປະກາດວ່າເຢຍລະມັນຈະສົ່ງລົດຫຸ້ມເກາະ ຫລື IFV ໄປຍັງກຣິຊເພື່ອໃຫ້ລັດຖະບານ ກຣິຊສົ່ງຕໍ່ໃຫ້ຢູເຄນ.