ເຈົ້ານະຄອນ ໄກສອນ ພົມວິຫານ ລົງຕິດຕາມ ກວດກາ ການກໍ່ສ້າງທໍ່ລອດທາງ ເສັ້ນທາງເຂົ້າບ້ານນໍ້າບໍ່

ເຈົ້ານະຄອນ ໄກສອນ ພົມວິຫານ ລົງຕິດຕາມ ກວດກາ ການກໍ່ສ້າງທໍ່ລອດທາງ ເສັ້ນທາງເຂົ້າບ້ານນໍ້າບໍ່

7th June 2022 0 By Admin

ໃນຕອນເຊົ້າຂອງວັນທີ 3 ມີຖຸນາ 2022 ນີ້,ທ່ານ ປະສົງສິນ ຈະເລີນສຸກ ເຈົ້ານະຄອນໄກສອນ ພົມວິຫານ ແຂວງສະຫວັນນະເຂດ ,ມີທ່ານ ພູເງິນ ຈັນທະສອນ ຫົວໜ້າຫ້ອງວ່າການ ນະຄອນ ທັງເປັນຜູ້ຊີ້ນຳກຸ່ມບ້ານພັດທະນາທີ13,ມີຫ້ອງການ ຍທຂ ນະຄອນ,ທ່ານ ໜູຝາດ ທິຣະວົງ ປະທານບໍລິສັດໜູຄໍາ ກໍ່ສ້າງຈໍາກັດຜູ້ດຽວ ແລະ ຄະນະປົກຄອງບ້ານ ນໍ້າບໍ່ ໄດ້ພ້ອມກັນລົງຕິດຕາມ ກວດກາການກໍ່ສ້າງທໍ່ລອດທາງ ເສັ້ນທາງເຂົ້າບ້ານນໍ້າບໍ່.

ທໍ່ລອດທາງດັ່ງກ່າວເປັນທໍ່ ຂະໜາດ p 150 ; ເປັນທໍ່ດິນ,ມີລວງຍາວ 7 ແມັດ ແລະ ໄດ້ເລີ່ມລົງມືກໍ່ສ້າງແຕ່ວັນທີ 22 ພຶດສະພາ 2022 ມູນຄ່າໃນການກໍ່ສ້າງທັງໜົດ 60 ລ້ານກີບ. ໂດຍແມ່ນທຶນຈາກການລະດົມນໍາພໍ່ແມ່ປະຊາຊົນ ພາຍໃນບ້ານ,ຜູ້ປະກອບການ,ນັກທຸລະກິດ,ໃນນັ້ນທຶນປະກອບສ່ວນຂອງຫ້ອງວ່າການ ນະຄອນໄກສອນ ພົມວິຫານ 5 ລ້ານກີບ ໂດຍແມ່ນບໍລິສັດ ໜູຄຳ ກໍ່ສ້າງຂົວທາງຈຳກັດຜູ້ດຽວ ເປັນຜູ້ຮັບເໜົາ ແລະ ໄດ້ສຳເລັດການກໍ່ສ້າງ100%.

ທັງນີ້ກໍ່ຍ້ອນຄວາມສາມັກຄີ ຂອງພໍ່ແມ່ປະຊາຊົນ ໃນການສົມທົບທຶນກໍ່ສ້າງ ທໍ່ລອດທາງ ແລະບໍລິສັດຮັບເໜົາ ກໍ່ໄດ້ຕັດສິນໃຈຊ່ວຍເຫຼືອໃນການກໍ່ສ້າງຄັ້ງນີ້ ;ທັງນີ້ເພື່ອໃຫ້ພໍ່ແມ່ປະຊາຊົນມີຄວາມສະດວກສະບາຍໃນການສັນຈອນໄປມາຫາສູ່ລະຫວ່າງບ້ານຕໍ່ບ້ານ ແລະທ່ຽວໄປມາຄ້າຂາຍສະດວກສະບາຍຂື້ນຕື່ມອີກ.

ພາບ-ຂ່າວ: ນະຄອນ ໄກສອນ ພົມວິຫານ.