ຜູ້ນຳຣັດເຊຍ ສົ່ງສຽງເຕືອນສະຫະລັດ ແລະ ຊາດຕາເວັນຕົກ ບໍ່ໃຫ້ສົ່ງອາວຸດພິໄສໄກໃຫ້ຢູເຄນ ບໍ່ເຊັ່ນນັ້ນ ຣັດເຊຍ ຈະໂຈມຕີເປົ້າໝາຍໃໝ່

ຜູ້ນຳຣັດເຊຍ ສົ່ງສຽງເຕືອນສະຫະລັດ ແລະ ຊາດຕາເວັນຕົກ ບໍ່ໃຫ້ສົ່ງອາວຸດພິໄສໄກໃຫ້ຢູເຄນ ບໍ່ເຊັ່ນນັ້ນ ຣັດເຊຍ ຈະໂຈມຕີເປົ້າໝາຍໃໝ່

7th June 2022 0 By Admin

ສຳນັກຂ່າວ TASS ຂອງຣັດເຊຍ ລາຍງານໃນວັນອາທິດ ທີ 5 ມິຖຸນາ 2022 ວ່າ ປະທານາທິບໍດີ ວະລາດີເມຍປູຕິນ ຜູ້ນຳຣັດເຊຍເຕືອນຊາດຕາເວັນຕົກວ່າ ຣັດເຊຍຈະໂຈມຕີເປົ້າໝາຍໃໝ່ ຫາກສະຫະລັດ ເລີ່ມສົ່ງລະບົບລູກສອນໄຟ ພິໄໄສໄກໃຫ້ຢູເຄນ.


ທ່ານ ວະລາດີເມຍ ປູຕິນ ໃຫ້ສຳພາດ ສະຖານີໂທລະພາບ Rossiya-1 ວ່າ ຫາກຊາດຕາເວັນຕົກສົ່ງລູກສອນໄຟວິໄສໄກໃຫ້ຢູເຄນ ຣັດເຊຍຈະໂຈມຕີເປົ້າໝາຍເລົ່ານັ້ນ ເຖິງວ່າປູຕິນບໍ່ໄດ້ບະບຸຊື່ເປົ້າໝາຍທີ່ຣັດເຊຍມີແຜນ ໂຈມຕີ ຫາກປະເທດຕາເວັນຕົກ ເລີ່ມສົ່ງອາວຸດພິໄສໄກໃຫ້ຢູເຄນ.


ທ່ານ ປູຕິນບອກວ່າການທີ່ຊາດຕາເວັນຕົກ ສົ່ງອາວຸດມາຊ່ວຍຢູເຄນ ຈະຍິ່ງເຮັດໃຫ້ສະຖານະການຄວາມຂັດແຍ່ງໃຫ້ຍືດເຍື້ອ.
ທັງນີ້ຢູເຄນ ຕ້ອງການລະບົບລູກສອນໄຟຫຼາຍລໍາກ້ອງຢ່າງ M270 ແລະ M142 HIMARS ເພື່ອເອົາໄວ້ໂຈມຕີທະຫານ ແລະ ຄັງອາວຸດຂອງກອງທັບຣັດເຊຍ.


ຢ່າງໃດກໍຕາມປະທານາທິບໍດີ ໂຈ ໄບເດັນຜູ້ນຳສະຫະລັດ ປະກາດແຜນສົ່ງລະບົບລູກສອນໄຟ M142 HIMARS ໃຫ້ຢູເຄນ ຫຼັງໄດ້ຮັບຫຼັກປະກັນຈາກຢູເຄນວ່າ ຈະໃຊ້ອາວຸດດັ່ງກ່າວໂຈມຕີເປົ້າໝາຍຕ່າງໆໃນຣັດເຊຍ.