ປະຊາຊົນຊາວ ເວເນຊູເອລາ ປະນາມສະຫະລັດ ໃຊ້ອຳນາດບາດໃຫຍ່ ເຮັດຄືເປັນຕຳຫຼວດໂລກ

ປະຊາຊົນຊາວ ເວເນຊູເອລາ ປະນາມສະຫະລັດ ໃຊ້ອຳນາດບາດໃຫຍ່ ເຮັດຄືເປັນຕຳຫຼວດໂລກ

8th June 2022 0 By Admin

ຊາວເວເນຊູເອລາ ເຫຼືອອົດ ລຸມປະນາມສະຫະລັດ ອາເມຣິກາ ທີ່ເຮັດຕົວຄືຕຳຫຼວດໂລກ ແລະ ໃຊ້ອຳນາດບາດໃຫຍ່ ຫຼັງອາເມຣິກາບໍ່ເຊີນຫຼາຍປະເທດລວມເຖິງເວເນຊູເອລາ ປະຊຸມສຸດຍອດທະວີບອາເມຣິກາ ຄັ້ງທີ 9 ເຊິ່ງເລີ່ມຂຶ້ນເມື່ອວັນທີ 6 ມິຖຸນາ2022 ທີ່ນະຄອນລອສແອງເຈີລິສ ແຕ່ສະຫະລັດບໍ່ເຊີນຄິວບາ, ເວເນຊູເອລາ ແລະ ນິກາຣາກົວ ເຂົ້າຮ່ວມ.

ທ່ານ ເປໂດຣ ອິນແຟນເດ ປະທານຄະນະກຳມະການຖາວອນ ເພື່ອການພັດທະນາສັງຄົມແບບຄວບຄຸມແຫ່ງຊາດເວເນຊູເອລາ ເປີດເຜີຍວ່າ ສະຫະລັດເປັນເຈົ້າພາບການປະຊຸມສຸດຍອດແຫ່ງທະວີບອາເມຣິກາ ເຮັດໃຫ້ເກີດກະແສຕໍ່ຕ້ານຈາກຫຼາຍປະເທດທົ່ວໂລກ ເຊັ່ນປະທານາທິບໍດີ ອັນເດຣ ມານູເອລ ໂລເປຊ ໂອບຣາ ຜູ້ນຳເມັກຊິກໂກ.


ອີກທັງໃນລະຫວ່າງການປະຊຸມສຸດຍອດແຫ່ງໂບລິວາຣຽນ ອັລໄລແອນ ທຸກຝ່າຍໄດ້ສະແດງຄວາມເຫັນຕໍ່ຕ້ານການກະທຳຂອງລັດຖະບານສະຫະລັດ.

ທ່ານ ໂອລິເວຍ ຊາວນະຄອນຫຼວງກາຣາກັສໃນເວເນຊູເອລາ ບອກວ່າ ສະຫະລັດບໍ່ຢູ່ໃນຖານະທີ່ຈະມາສັ່ງເວເນຊູເອລາອີກທັງເວເນຊູເອລາ ມີເສລີພາບ ແລະ ປະຊາທິປະໄຕມາດົນນານ ນອກຈາກນນີ້ຍັງກ່າວວ່າ ສະຫະລັດ ພະຍາຍາມປຸ້ນຄວາມໝັ້ນຄົງຂອງເວເນຊູເອລາ ມາດົນນານແລ້ວ.
ຂະນະທີ່ນັກວິເຄາະກ່າວວ່າ ສະຫະລັດດຳເນີນການເພື່ອຜົນປະໂຫຍດແຫ່ງຊາດຂອງຕົນເອງເປັນຫຼັກ.