ໜຸ່ມແມັດທີວເຕືອນທຸກຄົນ ຕັດໃຈແຕ່ຕອນນີ້ຢ່າຟ້າວກິນດື່ມສັງສັນ

ໜຸ່ມແມັດທີວເຕືອນທຸກຄົນ ຕັດໃຈແຕ່ຕອນນີ້ຢ່າຟ້າວກິນດື່ມສັງສັນ

19th March 2020 0 By Education

 

ບັນດານັກດື່ມ ຜູ້ມັກມ່ວນທັງຫຼາຍ ທີ່ຜ່ານມາບ້ານເຮົາອາດໃຊ້ຊີວິດຕິດພັນກັບການພົບປະສັງສັນ ມ່ວນຊື່ນດື່ມເຫຼົ້າເບຍກັນທຸກວັນ ແຕ່ຕອນນີ້ໂຄວິດມາແຮງ ຄວນຍົກເລີກງານກິນດື່ມອອກໄປປີໜ້າປີໃນສາກ່ອນ ຖ້າບໍ່ດັ່ງນັ້ນເຮົາອາດໄດ້ໃຊ້ຊີວິດຢ່າງບໍມີຄວາມສຸກໄປອີກຍາວ ໜຸ່ມແມັດທີວບອກ.

 

ໜຸ່ມແມັດທີວ ດິນ ສາມີສາວລີເດຍ ໄດ້ມາໄລຟເລົ່າອາການ ແລະເຕືອນແຟນໆພ້ອມປະຊາຊົນເຖິງ ຄວາມເປັນມາຂອງພະຍາດໂຄວິດ ແລະຕົນເອງໃນວັນທີ 19 ມີນານີ້ ມີຂໍ້ມູນຫຼາຍຢ່າງທີ່ເປັນປະໂຫຍດຕໍ່ໄທເຮົາເຈົ້າຂ້ອຍຫຼາຍ ແອັດຈິ່ງຄັດເອົາບາງຕອນມາຝາກທຸກຄົນ.

ແມັດທີວບອກວ່າ ອາການຕອນນີ້ ແລະຕະຫຼອດ 6-7 ວັນທີ່ມານອນໂຮງໝໍ ອາການບໍ່ໄດ້ໜັກຫຼາຍຄືຄ້າຍຫວັດ ທຳມະດາ ຕັນດັງພໍໄຂ້ເລີ່ມຂຶ້ນກໍ່ໄປຫາໝໍ ແລະຕອນນີ້ຖ້າໃຜຮູ້ສຶກວ່າຕົນເອງມີໄຂ້ໜ້ອຍໜຶ່ງກໍຕ້ອງໄປຫາໝໍກໍລະນີຍັງບໍທັນໄປ ຫຼື ໄປແລ້ວກໍຕ້ອງໄປກວດມາໃໝ່ ອາການຂອງພະຍາດນີ້ຈະເປັນໆຫາຍໆ ຖາມໝໍກໍ່ບໍໄດ້ຄຳຕອບທີ່ຊັດເຈນໝໍທົ່ວໂລກກໍ່ບໍ່ທັນຮູ້ດີ ໃນຊ່ວງທີ່ບໍ່ມີໄຂ້ສິ່ງອື່ນໆການເຈາະເລືອດຕ່າງໆກໍປົກກະຕິດີ.

ສຳລັບຢາປົວແຕ່ເຂົ້າໄປປິ່ນປົວໄດ້ກິນຢາຫຼາຍໂຕທີ່ທົ່ວໂລກເຂົາໃຊ້ຢູ່ ສ່ວນຄວາມເຈັບຄວາມທໍລະມານຂອງໂຣກ ແມ່ນແລ້ວແຕ່ສຸຂະພາບຮ່າງກາຍຂອງແຕ່ລະຄົນ ແຕ່ສິ່ງທີ່ເຈັບປວດກວ່າແມ່ນສະພາບຈິດໃຈ ຖາມຫຍັງໄປໝໍກໍ່ບໍສາມາດໃຫ້ຄຳຕອບໄດ້ ພໍເຮົາມານັ່ງຄິດເຖິງຄົນທີ່ເຂົາຕິດຈາກເຮົາ ຄົນທີ່ຮູ້ຈັກຕ້ອງເສຍການເສຍງານເສຍລາຍໄດ້ໄປ ບວກໃສ່ຄວາມເປັນຫ່ວງລູກໆທີ່ອາດຕິດເຊື້ອນຳເຮົາຫຼືບໍ ຫຼັງຈາກກາຍຊ່ວງນັ້ນມາຮູ້ຄວາມຈີງແລ້ວສະພາບຈິດໃຈກໍ່ດີຂຶ້ນ.


ໜຸ່ມແມັດທີວຍັງຝາກເຕືອນທຸກຄົນຊ່ວງນີ້ໃຫ້ຫຼີກລ່ຽງການໄປຫຼິ້ນໄປທ່ຽວສະຖານບັນເທີງ ທີ່ມີຄົນ 5-10 ກໍ່ລ້ວນມີຄວາມສ່ຽງ ບໍ່ດັ່ງນັ້ນເຮົາອາດຈະບໍ່ມີຄວາມສຸກໃນການໃຊ້ຊີວິດອີກຍາວ ໃຫ້ຕັດໃຈຕັ້ງແຕ່ຕອນນີ້ສາຍັງບໍ່ສວາຍ.


ໜຸ່ມພິທີກອນດັງຍັງຝາກບອກຖີ້ມທ້າຍວ່າ ທຸກຄົນຢ່າຊະລາໃຈກັບເລື່ອງນີ້ ຢ່າຟ້າວກັບການໄປພົບປະຜູ້ຄົນຈຳນວນຫຼາຍ ຢ່າເຮັດໃຫ້ຕົນເອງຕ້ອງໄປສ່ຽງກັບຊີວິດ ບໍ່ໃຫ້ກົດດັນຕົນເອງຈົນເກີນໄປ ແຕ່ຕ້ອງຢູ່ດ້ວຍຄວາມລະວັງ ແລະບໍ່ປະໝາດ ເພາະຖ້າທຸກຄົນບໍ່ຟັງການເຕືອນຈະເຮັດໃຫ້ໂຣກນີ້ແກ່ຍາວໄປອີກ ທຸກຄົນຍິ່ງມີຄວາມສ່ຽງຫຼາຍຂຶ້ນ.