ອີຣານ ແລະ ເວເນຊູເອລາ ລົງນາມແຜນຮ່ວມມືໄລຍະ20 ປີ ແລະ ເດີນໜ້າຕ້ານການກົດດັນ ແລະ ມາດຕະການຂວໍ້າບາດຂອງສະຫະລັດ

ອີຣານ ແລະ ເວເນຊູເອລາ ລົງນາມແຜນຮ່ວມມືໄລຍະ20 ປີ ແລະ ເດີນໜ້າຕ້ານການກົດດັນ ແລະ ມາດຕະການຂວໍ້າບາດຂອງສະຫະລັດ

13th June 2022 0 By Admin

ອີຣານ ແລະ ເວເນຊູເອລາ ບັນລຸການລົງນາມແຜນການຮ່ວມມືໄລຍະ20 ປີ ມີຂຶ້ນ ເມື່ອວັນທີ11 ມິຖຸນາ ທີ່ນະຄອນຫຼວງເຕຫາຣານ ຂອງອີຣານ ລະຫວ່າງການເດີນທາງມາຢ້ຽມຢາມອີຣານ 2ວັນ ຊ່ວງວັນທີ10-11 ມິຖຸຸນາ ຂອງທ່ານ ນິໂຄລັສ ມາດູໂຣ ປະທານາທິບໍດີ ເວເນຊູເອລາ ແລະ ຄະນະ ຫຼັງຈາກທີ່ສຳເລັດການຢ້ຽມຢາມ ຕຸຣະເກຍ ແລະ ແອລຈີເຣຍ.


ຜູ້ນຳສູງສຸດຂອງອີຣານລະບູວ່າ ຂໍ້ຕົກລົງການຮ່ວມມືດັ່ງກາວທີ່ເນັ້ນເລື່ອງເວສດຖະກິດ ເປັນຫຼັກ. ເວເນຊູເອລາ ແລະອີຣານ ຈະເດີນໜ້າຕ້ານການກົດດັນ ແລະ ມາດຕະການຂວໍ້າບາດຂອງສະຫະລັດຕໍ່ໄປ.


ຂະນະທີ່ທ່ານ ມາດູໂຣ ກ່າວວ່າ: ເວເນຊູເອລາ ແລະ ອີຣານ ຈະເປີດເສັ້ນທາງບິນກົງເຊື່ອມລະຫວ່າງກັນ ເລີ່ມວັນທີ18 ມິຖຸນາ 2022 ເປັນຕົ້ນໄປ ຫຼັງຈາກທັງສອງປະເທດເຮັດຂໍ້ຕົກລົງ ຮ່ວມມືກັນຢູ່ກ່ອນແລ້ວ ທັງການແລກປ່ຽນນໍ້າມັນດິບ ແລະ ຊ່ວຍຊ້ອມແປງໂຮງກັນນໍ້າມັນໃນເວເນຊູເອລາ.


ໄລຍະຜ່ານມາ ອີຣານ ລົງນາມຂໍ້ຕົກລົງການຮ່ວມມືໄລຍະ25ປີ ກັບຈີນ ເມື່ອປີຜ່ານມາ ແລະກຳລັງເຈລະຈາຂະຫຍາຍອາຍຸຂໍ້ຕົກລົງການຮ່ວມມືໄລຍະ 20 ປີ ກັບຣັດເຊຍ.