ກອງທັບຢູເຄນ ຍອມຮັບ! ສ່ຽງປະລາໄຊຕໍ່ຣັດເຊຍ ຂໍຕາເວັນຕົກສົ່ງອາວຸດເພີ່ມແລະໄວຂຶ້ນ

ກອງທັບຢູເຄນ ຍອມຮັບ! ສ່ຽງປະລາໄຊຕໍ່ຣັດເຊຍ ຂໍຕາເວັນຕົກສົ່ງອາວຸດເພີ່ມແລະໄວຂຶ້ນ

13th June 2022 0 By Admin

ສຳນັກຂ່າວຕ່າງປະເທດລາຍງານວ່າ: ທ່ານ ວາຄິມ ສະກີບິດສະກີ ຮອງຫົວໜ້າຝ່າຍຂ່າວ ກອງທັບຢູເຄນ ໃຫ້ສຳພາດພິເສດກັບ The Guardian ຂອງອັງກິດ ເມື່ອວັນທີ10 ມິຖຸນາວ່າ: ຍອມຮັບວ່າຢູເຄນອາດປະລາໄຊໃຫ້ແກ່ຣັດເຊຍ ຂະນະນີ້ຢູເຄນເພິງພາອາວຸດຈາກປະເທດຕາເວັນຕົກເທົ່ານັ້ນ ທຸກສິ່ງທຸກຢ່າງຂຶ້ນຢູ່ກັບຕາເວັນຕົກໃຫ້ມາ.


ທ່ານ ສະກີບິດສະກີ ລະບຸຕໍ່ໄປວ່ ການຕໍ່ສູ້ໃນຢູເຄນ ກາຍເປັນການຕອບໂຕ້ກັນດ້ວຍປືນໃຫຍ່ ແລະຢູເຄນຕົກເປັນຮອງຢ່າງໜັກ ຢູເຄນມີປືນໃຫຍາ1ກະບອກ ແຕ່ຣັດເຊຍມີ10-15 ກະບອກ ແລະອາວຸດທີ່ຕາເວັນຕົກສົ່ງໃຫ້ຢູເຄນນັ້ນທຽບໄດ້ພຽງ10%ຂອງຣັດເຊຍ.


ທ່ານ ສະກີບີດສະກິ ເປີດເຜີຍຕື່ມວ່າ ຢູເຄນໃຊ້ລູກປືນໃຫຍ່ວັນລະ5.000-6.000 ລູກ ທີ່ເປັນຂອງກອງທັບຢູເຄນເອງ ແລະກຳລັງຈະໝົດລົງແລ້ວ ແລະຂະນະນີ້ກຳລັງໃຊ້ລູກປືນໃຫຍ່ຂະໜາດ155 ຄາລີເບີຂອງອົງການນາໂຕ້ ສ່ວນອາວຸດທີ່ເກັບຢູ່ໃນຄັງອາວຸດຂອງຜູ້ຜະລິດອາວຸດຈາກຕາເວັນຕົກທີ່ຢູ່ໃນຢູເຄນນັ້ນກໍເລີ່ມຈະໝົດເຊັ່ນກັນ.


ດ້ານ ທ່ານ ເຊເລັນສະກີ ປະທານາທິບໍດີຢູເຄນກ່າວໃນວັນທີ10 ມິຖຸນາວ່າ, ຂໍໃຫ້ຕາເວັນຕົກສົ່ງປືນໃຫຍ່ແລະອາວຸດເພີ່ມໃຫ່ແກ້ຢູເຄນເພື່ອຢູເຄນຈະສາມາດຕ້ານຣັດເຊຍໃນດອນບາສ ຕໍ່ໄປໄດ້ ຕາບໃດທີ່ຍັງໄດ້ຮັບອາວຸດໜັກຈາກຕາເວັນຕົກ.
ທ່ານ ກ່າວຕື່ມວ່າ ການການຊະນະຫລືປະລາໄຊໃນເມືອງເຊເວໂຣໂດເນັສ ຈະຕັດສິນສະຕາກຳຂອງດອນບາສທັງພູມີພາກ.