ທ່ານນາຍົກໃຈກວ້າງ ແລະຍິນດີຮັບຟັງສຽງຈາກສັງຄົມ ເພື່ອບ້ານເມືອງ

ທ່ານນາຍົກໃຈກວ້າງ ແລະຍິນດີຮັບຟັງສຽງຈາກສັງຄົມ ເພື່ອບ້ານເມືອງ

13th June 2022 0 By Education

ກ່ອນອື່ນແອັດຂໍຖືໂອກາດນີ້ ໃນການນຳເອົາຄຳເວົ້າຂອງທ່ານນາຍົກລັດຖະມົນຕີ ພັນຄຳ ວິພາວັນ ທີ່ເພິ່ນກ່າວໃນປອງປະຊຸມສະພາແຫ່ງຊາດເຊົ້າມື້ນີ້ ແລະຂໍທັກທ້ວງຄົນທີ່ເວົ້າບໍ່ດີຕ່າງໆນາໆໃຫ້ກັບຄະນະລັດຖະບານຊຸດນີ້ກໍ່ຄືທ່ານນາຍົກເອງ.

ທ່ານ ພັນຄຳ ວິພາວັນ ເປັນການນຳລຸ້ນສືບທອດທີ່ມີວິໄສທັດດີ ທ່ານກ້າວຂຶ້ນມາຈາກການເປັນເຈົ້າແຂວງສູ່ ລັດຖະມົນຕີກະຊວງສຶກສາ ແລະເປັນຮອງປະທານປະເທດກ່ອນມາຮັບໜ້າທີ່ເປັນນາຍົກລັດຖະມົນຕີ.

ສ່ຳນີ້ກໍພໍຢັ້ງຢືນໄດ້ວ່າ ເພິ່ນມີຜົນງານໃນການບໍລິຫານບ້ານເມືອງມາໄດ້ລະດັບໜຶ່ງ ແລະເພິ່ນພ້ອມດ້ວຍຄະນະລັດຖະບານຊຸດທີ9 ໄດ້ເຂົ້າມາບໍລິຫານໃນໄລຍະທີ່ເກີດການລະບາດຂອງພະຍາດໂຄວິດ-19 ລະບາດແຮງ ບວກກັບສົງຄາມຂອງ ຣັດເຊຍ ແລະຢູເຄຣນ ເຊິ່ງເປັນຕົວກົດໜ່ວງສະພາບເສດຖະກິດຈາກທົ່ວໂລກ ຈຸດນີ້ເຊື່ອວ່າຫຼາຍຄົນສຳຜັດໄດ້.

ແນວໃດກໍ່ຕາມ ໃນທ່າມກາງວິກິດເສດຖະກິດທີ່ພວກເຮົາພວມຜະເຊີນຢູ່ໃນຂະນະນີ້ ປະຊາຊົນຈຳນວນໜຶ່ງແມ່ນບໍ່ເຂົ້າໃຈ ແລະພະຍາຍາມກ່າວໂຈມຕີເພິ່ນ ກໍ່ຄືຄະນະລັດຖະບານຢ່່າງໜັກໜ່ວງໂດຍໃຊ້ສ່ອງທາງໂຊຊຽວມີເດຍ ກ່ຽວກັບການບໍລິຫານບ້ານເມືອງ ໃນເວລາດຽວກັນກໍ່ມີຫຼາຍຄົນເກັ່ງຫຼາຍຄົນໃນສັງຄົມກໍ່ສະແດງອອກເຊິ່ງເປັນຄຳຄິດທີ່ສ້າງສັນກົງໄປກົງມາ ເພື່ອປະກອບສ່ວນຄຳຄິດເຫັນໃນນາມພົນລະເມືອງດີຢາກເຫັນບ້ານເມືອງມີການປ່ຽນແປງໄປໃນທິດທາງທີ່ດີ.

ໃນທຸກຄຳຄິດເຫັນບໍວ່າຈະເປັນໃນທາງສ້າງສັນ ແລະໂຈມຕີ ທ່ານນາຍົກ ພັນຄຳ ວິພາວັນ ກ່າວຜ່ານກອງປະຊຸມສະພາແຫ່ງຊາດ ອັນເປັນຕົວແທນທີ່ປະຊາຊົນເລືອກມາໃນເຊົ້າວັຍທີ 13 ມິຖຸນານີ້ ເພິ່ນຮັບຮູ້ ແລະຕິດຕາມສຽງປະຊາຊົນບໍ່ຫ່າງ ແນວທີ່ເປັນປະໂຫຍດເພິ່ນແມ່ນຂອບໃຈ ແລະນຳໄປພິຈາລະນາ ສ່ວນຄຳເວົ້າທີ່ບໍເປັນມິດ ທ່ານກໍ່ຮຽກຮ້ອງໃຫ້ປະຊາຊົນຈົ່ງເປີດໃຈ ແລະປ່ຽນຄຳເວົ້າເຫຼົ່ານັ້ນຢ່າງກົງໄປກົງມາ ເພື່ອຊ່ວຍຄະນະລັດຖະບານ ເພິ່ນຍິນດີຮັບຟັງ ແລະນຳເຂົ້າໄປເສີມເຂົ້າໃນວຽກງານຕົວຈີງໃຫ້ເປັນປະໂຫຍດແກ່ບ້ານເມືອງ.