ໃຫ້ເວລາອີກ 1ມື້! ເປີດດ່ານສາກົນຂົວມິດຕະພາບແຫ່ງທີ 2ໃຫ້ຄົນລາວກັບເຂົ້າປະເທດ

ໃຫ້ເວລາອີກ 1ມື້! ເປີດດ່ານສາກົນຂົວມິດຕະພາບແຫ່ງທີ 2ໃຫ້ຄົນລາວກັບເຂົ້າປະເທດ

23rd March 2020 0 By Education

ລັດຖະບານລາວໄດ້ມີມາດຕະການເຂັ້ມງວດເພື່ອປ້ອງກັນ, ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ໜຶ່ງໃນມາດຕະການນັ້ນຄືການປິດດ່ານຫຼາຍແຫ່ງໃນຂອບເຂດທົ່ວປະເທດ ໂດຍໃຫ້ເລີ່ມແຕ່ວັນທີ 23 ມີນາ 2020 ເປັນຕົ້ນໄປ ແຕ່ຍ້ອນຈໍານວນຄົນລາວທີ່ຢູ່ຕ່າງປະເທດນັ້ນ ມີຫຼາຍເຫຼືອເກີນເຮັດໃຫ້ບໍ່ສາມາດຮັບປະຊາຊົນກັບເຂົ້າລາວໄດ້ທັງໝົດພາຍໃນເວລາອັນສັ້ນ ດັ່ງນັ້ນ ດ່ານສາກົນຂົວມິດຕະພາບແຫ່ງທີ 2 ມຸກດາຫານ-ສະຫວັນນະເຂດ ຈຶ່ງຜ່ອນຜັນເປີດດ່າອີກ 1ມື້ ເປັນກໍລະນີພິເສດໃຫ້ຄົນລາວກັບບ້ານໄດ້.

ໃນວັນທີ 23 ມີນາ 2020​ ດ່ານສາກົນຂົວມິດຕະພາບແຫ່ງທີ 2 ມຸກດາຫານ-ສະຫວັນນະເຂດ ຜ່ອນຜັນ ໃຫ້ຄົນລາວຂ້າມດ່ານກັບບ້ານກໍລະນີພິເສດ 1 ວັນ ຈົນເຖິງ 16 ໂມງ ເພາະກ່ອນໜ້ານີ້ໄດ້ມີການປະກາດປິດດ່ານເຂົ້າ-ອອກ ເລີ່ມແຕ່ວັນທີ 23 ມີນາ ເປັນຕົ້ນໄປ.

ເຈົ້າໜ້າທີ່ປະຈຳດ່ານໂພສພາບພ້ອມຂໍ້ຄວາມວ່າ: ລົດເມ 40-50 ຄັນ ມາພ້ອມກັນເພື່ອຮອງຮັບຄົນໂດຍສານທີ່ມີຈໍານວນແໜ້ນໜາ ພ້ອມເຕືອນຢ່າເອົາໂຄວິດ-19​ ກັບບ້ານເດີ້ ທຸກຄົນຕ້ອງກວດອຸນຫະພູມ ເຊິ່ງທາງດ່ານຜ່ອນຜັນໃຫ້ພີ່ນ້ອງຊາວລາວ ກັບບ້ານກໍລະນີພິເສດ 1 ວັນ ກໍ່ຄືມື້ນີ້ ຈົນເຖິງເວລາ 16 ໂມງ.