ດ່ວນສຸດ! ສະພາ ຮັບຮອງການແຕ່ງຕັ້ງ ທ່ານ ບຸນເຫຼືອ ສິນໄຊວໍລະວົງ ເປັນຜູ້ວ່າການທະນາຄານແຫ່ງສປປລາວ ແລະ ທ່ານ ມະໄລທອງ ກົມມະສິດເປັນລັດຖະມົນຕີກະຊວງ ອຸດສາຫະກຳແລະການຄ້າ

ດ່ວນສຸດ! ສະພາ ຮັບຮອງການແຕ່ງຕັ້ງ ທ່ານ ບຸນເຫຼືອ ສິນໄຊວໍລະວົງ ເປັນຜູ້ວ່າການທະນາຄານແຫ່ງສປປລາວ ແລະ ທ່ານ ມະໄລທອງ ກົມມະສິດເປັນລັດຖະມົນຕີກະຊວງ ອຸດສາຫະກຳແລະການຄ້າ

20th June 2022 0 By Admin

ໃນວາລະດຳເນີນກອງປະຊຸມ ສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ IX ໃນຕອນເຊົ້າວັນທີ 20 ມິຖຸນາ 2022 ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ  ໄດ້ລົງຄະແນນສຽງຮັບຮອງ ແລະ ປະກາດແຕ່ງຕັ້ງ, ຍັກຍ້າຍສະມາຊິກລັດຖະບານຈຳນວນໜຶ່ງ.

ໃນນີ້ໄດ້ຮັບຮອງເອົາການແຕ່ງຕັ້ງ ທ່ານ  ບຸນເຫຼືອ ສິນໄຊວໍລະວົງ ເປັນຜູ້ວ່າການທະນາຄານແຫ່ງສປປລາວ(ທຫລ)ແທນ ທ່ານສອນໄຊ ສິດພະໄຊ ທີ່ຖືກຍົກຍ້າຍໄປເປັນລັດຖະມົນຕີປະຈຳສຳນັກງານນາຍົກລັດຖະມົນຕີ.

ຮັບຮອງເອົາການແຕ່ງຕັ້ງ ທ່ານ ມະໄລທອງ ກົມມະສິດເປັນລັດຖະມົນຕີກະຊວງ ອຸດສາຫະກຳແລະການຄ້າ ແທນທ່ານ ຄຳແພງ ໄຊສົມແພງ ທີ່ຖືກຍົກຍ້າຍໄປເປັນລັດຖະມົນຕີປະຈຳສຳນັກງານນາຍົກລັດຖະມົນຕີ.

ດ້ວຍຄະແນນເຫັນດີ143ສຽງ  ເທົ່າກັບ97,27%, ບໍ່ເຫັນດີ4 ສຽງ