ເຂົ້າໃຈເດີ້ທຸກຄົນ ມື້ເລີ່ມຕົ້ນຈັດເບົາໆກ່ອນ 200 ປ້ຳກ່ອນ

ເຂົ້າໃຈເດີ້ທຸກຄົນ ມື້ເລີ່ມຕົ້ນຈັດເບົາໆກ່ອນ 200 ປ້ຳກ່ອນ

20th June 2022 0 By Education

ທຸກຄົນມື້ນີ້ໃຜກໍຍັງຈົ່ມທຸກຈົ່ມຍາກເລື່ອງນ້ຳມັນຢູ່ວ່າ ຕໍ່ຄີວຄືເກົ່າຫັ້ນລະ! ໂອ້ຍມັນກໍ່ທຳມະດາຂອງການແກ້ໄຂ ນ້ຳມັນຕ້ອງໃຊ້ເວລາຂົນມາແຕ່ຕ່າງປະເທດ ບໍ່ແມ່ນເຊື່ອງໄວ້ຢູ່ປ່າ ເວົ້າກັນຮູ້ເລື່ອງລະຍູ້ເຂົ້າປ້ຳໂລດ, ມັນຕ້ອງໃຊ້ເວລາໃນການຂົນສົ່ງຫຼາຍມື້ ຖ້າມື້ທຳອິດສາມາດແກ້ໄຂໄດ້ລະດັບໜຶ່ງມື້ຕໍ່ໄປກໍ່ຈະຄ່ອຍໆດີຂຶ້ນ ຊາເພິ່ນອັບເດດມື້ນີ້ມີຕັ້ງວ່າ 200 ກວ່າຈຸດບໍລິການທີ່ເປີດແລ້ວ ເຖິງຍັງບໍ່ທັນຄົບທຸກປ້ຳແຕ່ກໍ່ຊ່ວຍແກ້ໄຂໄດ້ໂດຍພື້ນຖານ.

ສະເພາະລັດວິສາຫະກິດນ້ຳມັນເຊື້ອໄຟລາວ ຈຸດນະຄອນຫຼວງ ຕາມການສັ່ງຈ່າຍນ້ຳມັນຕົວຈິງ ສູ່ປ້ຳຕົວແທນໃນຂົງເຂດເມືອງຕ່າງໆ ໃນເວລາຕອນເຊົ້າ ທີ 20/06/2022 ນີ້ມີທັງໝົດຈຳນວນ 35 ປ້ຳ ປາກົດວ່າປ້ຳສວ່ນຫຼາຍແມ່ນໄດ້ຈຳໜ່າຍໝົດກ່ອນເວລາ ເຊິ່ງທາງລັດວິສາຫະກິດນ້ຳມັນເຊື້ອໄຟລາວ ຈະໄດ້ເລັ່ງຂົນສົ່ງໃຫ້ຄົບຕາມຈຳນວນທີ່ແຈ້ງໄປໂດຍເລັ່ງດ່ວນ.


ໃນນັ້ນມີ 3 ປ້ຳຕົວແບບ ຂອງເຊື້ອໄຟລາວໄດ້ແກ່
1. ປ້ຳ ສີວິໄລ ຫຼັກ7
2. ປ້ຳ ໂພນສະອາດ
3. ປ້ຳ ແສງສະຫວ່າງ ດົງຈອງ


ຈະເປີດໃຫ້ບໍລິການເປັນປົກກະຕິ ຕັ້ງແຕ່ເວລາ 06:30-18:30 (ອາດຈະຂື້ນກັບປະລິມານນ້ຳມັນແລະຈຳນວນລູກຄ້າໃນແຕ່ລະວັນ).
ທາງລັດວິສາຫະກິດນ້ຳມັນເຊື້ອໄຟລາວລາຍງານວ່າ ມື້ນີ້ຈະມີນ້ຳມັນຜ່ານແດນເຂົ້າມາເພິ່ມຢ່າງຕໍ່ເນື່ອງ


ຂະນະທີ່ປ້ຳຂອງປີໂຕຣເທຣດ ຕາມລາຍງານຫຼ້າສຸດແມ່ນມີ 105 ປ້ຳທີ່ໄດ້ເປີດບໍລິການສັງຄົມ ນອກນີ້ຍັງມີບັນດາປ້ຳພັນທະມິດ ເປັນຕົ້ນ PV Oil ທັງໝົດ 22 ສະຖານີ, 9 ສະຖານີຢູ່ໃນນະຄອນຫຼວງວຽງຈັນ, ຊຽງຂວາງ 2 ສະຖານີ, ແຂວງບໍລິຄຳໄຊ 2 ສະຖານີ, ຄຳມ່ວນ 4 ສະຖານີ, ສະຫວັນນະເຂດ 7 ສະຖານີແມ່ນໄດ້ເປີດບໍລິການໝົດແລ້ວ ນອກຈາກນີ້ໃນສ່ວນຂອງແຂວງຫົວພັນໂດຍສະເພາະໃນເທດສະບານເມືອງຊຳເໜືອແມ່ນໄດ້ເປີດບໍລິການທັງໝົດ 6 ສະຖານີ ພ້ອມນີ້ຍັງມີບໍລິການຂອງໂລປີໂຕຣລ້ຽມແມ່ນໄດ້ເປີດບໍລິການທັງໝົດ 9 ສະຖານີ.


ບໍ່ພຽງເທົ່ານັ້ນຍັງມີປ້ຳນ້ຳມັນໃນກຸ່ມພັນທະມິດຂອງປີໂຕຣລ້ຽມທີ່ຂຶ້ນກັບປ້ຳນ້ຳມັນສົມໃຈຫຼັກ10 ສະຫວັນນະເຂດແມ່ນໄດ້ເປີດບໍລິການທັງໝົດ 46 ສະຖານີ.
ສ່ວນປ້ຳ ປຕທ ແມ່ນຍັງລໍຖ້າການຄອນເຟີມການເປີດໃຫ້ບໍລິການໃນໄວໆນີ້ ຖ້າມີຂ່າວອັບເດດກ່ຽວກັບນ້ຳມັນ ທາງທີມຂ່າວພວກເຮົາຈະນຳສະເໜີໃຫ້ແຟນຂ່າວໄດ້ຮັບຊາບເປັນແຕ່ລະໄລຍະໄປ.