ຣັດເຊຍບໍ່ງໍ້ ຕາເວັນຕົກ! ຈີນ  ນຳເຂົ້ານ້ຳມັນຈາກຣັດເຊຍ ເພີ່ມຂຶ້ນເຖິງ55% ຈາກປີຜ່ານມາ

ຣັດເຊຍບໍ່ງໍ້ ຕາເວັນຕົກ! ຈີນ ນຳເຂົ້ານ້ຳມັນຈາກຣັດເຊຍ ເພີ່ມຂຶ້ນເຖິງ55% ຈາກປີຜ່ານມາ

21st June 2022 0 By Admin

ຕາມຂ່າວຕ່າງປະເທດ ກົມໃຫຍ່ພາສີຂອງຈີນ ລາຍງານໃນວັນທີ 20 ມິຖຸນາ 2022 ວ່າ: ໃນເດືອນພຶດສະພາຜ່ານມາ ຈີນ ນຳເຂົ້ານ້ຳມັນດິບຈາກຣັດເຊຍ ໂດຍຜ່ານທໍ່ສົ່ງ Siberian ໃນມະຫາສະມຸດປາຊີຟິກ ແລະ ຈາກການຂົນສົ່ງທາງເຮືອປະລິມານທັງໝົດເກືອບ 8,42 ລ້ານໂຕນ ຫລືປະມານ 1,98 ລ້ານບາເຣວ ຕໍ່ວັນ ເພີ່ມຂຶ້ນປະມານ 25% ເມື່ອທຽບໃສ່ເດືອນເມສາ 2022 ຢູ່ທີ່ລະດັບ 1,59 ລ້ານບາເຣວຕໍ່ວັນ.

ແຕ່ເມື່ອທຽບໃສ່ໄລຍະດຽວກັນຂອງປີຜ່ານມາ ເພີ່ມຂຶ້ນ 55% ເຮັດໃຫ້ ຣັດເຊຍກາຍເປັນອັນດັບໜຶ່ງຜູ້ສົ່ງອອກນ້ຳມັນດິບທີ່ໃຫຍ່ສຸດຂອງຈີນ ເປັນຄັ້ງທໍາອິດໃນຮອບ 19 ເດືອນ.

ສ່ວນຊາອຸດີອາຣາບີ ເປັນອັນດັບສອງ ດ້ວຍສະຖິຕິ 782 ລ້ານໂຕນຫລືປະມານ 1,84 ລ້ານເຣວຕໍ່ວັນ, ເພີ່ມຂຶ້ນ 9% ເມື່ອທຽບໃສ່ໄລຍະດຽວກັນ ຂອງປີຜ່ານມາ. ນອກນີ້, ບົດລາຍງານ ຂອງຈີນ ໄດ້ເປີດເຜີຍການນຳເຂົ້ານ້ຳມັນດິບ 260.000 ໂຕນ ຈາກອີຣານ ໃນເດືອນ ພຶດສະພາ ຜ່ານມາ. ນັບແຕ່ເດືອນ ທັນວາ ປີຜ່ານມານີ້ ເປັນຄັ້ງທີ 3 ທີ່ຈີນ ນຳເຂົ້າ ນ້ຳມັນ ຈາກອີຣານ.