ລາວ ເພີ່ມຂຶ້ນເປັນ 6 ກໍລະນີ ຜູ້ຕິດເຊື້ອໄວຣັດໂຄວິດ-19

ລາວ ເພີ່ມຂຶ້ນເປັນ 6 ກໍລະນີ ຜູ້ຕິດເຊື້ອໄວຣັດໂຄວິດ-19

26th March 2020 0 By Entertain

ຂປລ. ມາຮອດວັນທີ 26 ມີນາ 2020 ເວລາ 14:40 ໂມງ: ຍອດຜູ້ຕິດເຊື້ອໄວຣັດໂຄວິດ-19 ຢູ່ ສປປ ລາວ ເພີ່ມຂຶ້ນເປັນ 6 ກໍລະນີແລ້ວ, ຈາກຜົນກວດວິເຄາະຫາເຊື້ອທັງໝົດ 181 ກໍລະນີ ແລະ ໄດ້ຄົ້ນຫາຜູ້ສຳຜັດໃກ້ຊິດກັບຜູ້ທີ່ຢັ້ງຢືນການເຊື້ອທັງໝົດມີ 181 ກໍລະນີ.

.

ທ່ານ ດຣ. ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ກ່າວໃນພິທີຖະແຫລງຂ່າວໃນຕອນບ່າຍມື້ນີວ່າ: ຈຳນວນ 3 ກໍລະນີທີ່ຕິດເຊື້ອເພີ່ມຄື: 1 ເປັນເພດຊາຍ ອາຍຸ 42 ປີ ຢູ່ບ້ານປ່ອງຄຳ ນະຄອນຫລວງພະບາງ ແຂວງຫລວງພະບາງ, ເປັນເພດຊາຍ ອາຍຸ 52 ປີ ຢູ່ບ້ານວິຂຸນ ນະຄອນຫລວງພະບາງ ແຂວງຫລວງພະບາງ, ເປັນເພດຊາຍ ອາຍຸ 41 ປີ ຢູ່ບ້ານຈຳປາ ເມືອງສີໂຄດຕະບອງ ນະຄອນຫລວງວຽງຈັນ ເຊິ່ງທັງສາມກໍລະນີນີ້ ເປັນພະນັກງານຂັບລົດໃຫ້ແກ່ກຸ່ມນັກທ່ອງທ່ຽວທີ່ຢັ້ງຢືນການຕິດເຊື້ອ.

ປັດຈຸບັນ ທັງສາມຄົນ ກຳລັງໄດ້ຮັບປິ່ນປົວຢູ່ໂຮງໝໍມິດຕະພາບຕາມຫລັກວິຊາການ ໂດຍມີອາການຊົງຕົວ ຂັ້ນເບົາບາງ.

.

ຂ່າວ: ສິງຄຳ ແຍງຕາວັນ