ຖືວ່າໃຈກ້າຫຼາຍ ໂຕຄົນດຽວກັບກັນຊາ 900 ກີໂລສົ່ງຂ້າມຂອງ

ຖືວ່າໃຈກ້າຫຼາຍ ໂຕຄົນດຽວກັບກັນຊາ 900 ກີໂລສົ່ງຂ້າມຂອງ

22nd June 2022 0 By Education

ກັນຊາຍັງເຖິງແມ່ນວ່າຈະເປັນປະໂຫຍດຫຼາຍໃນໃຊີວິດປະຈຳວັນ ເປັນຢາເປັນຫຍັງຫຼາຍຢ່າງແຕ່ໃນຕົວຈີງແລ້ວກັນຊາຍັງເປັນສິນຄ້າທີ່ຜິດກົດໝາຍຢູ່ ແລະເມື່ອເຮັດຜິດກໍ່ຕ້ອງໄດ່ຮັບໂທດຢ່າງບໍ່ຕ້ອງສົງໄສ.


ໃນວັນທີ 21 ມິຖຸນາ 2022 ເຈົ້າໜ້າທີ່ ປກສ ເມືອງຫີນບູນ ແຂວງຄຳມ່ວນ ແລະ ກອງກໍ່ສ້າງຮາກຖານ 917 ໄດ້ເຄື່ອນໄຫວຕິດຕາມ ເປົ້າໝາຍຜູ້ຄ້າຂາຍຢາເສບຕິດ ໃນຂອບເຂດບ້ານໂພນຄໍ້ ເມືອງຫີນບູນ ແຂວງຄຳມ່ວນ.


ມາຮອດເວລາ 3:00 ໂມງ ເຊົ້າ ຂອງວັນດຽວກັນ ຈຶ່ງພົບເຫັນຜູ້ຖືກສົງໃສກໍາລັງຂົນຢາ ເສບຕິດ ປະເພດຄັນຊາຈຳນວນ 20 ເປົາ ລົງໃສ່ເຮືອເພື່ອຈະເອົາໄປຂ້າມ ຂອງ ປະເທດເພື່ອນບ້ານ.
ດັ່ງນັ້ນ, ເຈົ້າໜ້າທີ່ຈຶ່ງໄດ້ນຳກຳ ລັງເຂົ້າປິດລ້ອມ ແລະ ຢຶດເອົາຂອງກາງໄດ້ຄັນຊາຈຳນວນ 20 ເປົາໃຫຍ່ ແລະ 4 ເປົານ້ອຍ ມີນໍ້າໜັກທັງໝົດ 939 ກິໂລກຣາມ, ລົດວີໂກ້ 1 ຄັນ, ລົດຈັກ 1 ຄັນ, ເຮືອຫາງຍາວ 1 ລຳ ແລະ ຜູ້ຖືກຫາ ຊື່ ທ້າວ ແອັດ ສົມວົງ ອາຍຸ 30 ປີ, ບ້ານບຸ່ງກວາງ ເມືອງປາກກະດິງ ແຂວງບໍລິຄຳໄຊ ໄວ້ດຳເນີນຄະດີຕາມລະບຽບກົດຫມາຍ.


ສ່ວນຂອງກາງດັ່ງກ່າວແມ່ນ ທາງເຈົ້າໜ້າໜ້າ ປກສ ເມືອງ ແລະ ກອງກໍ່ສ້າງຮາກຖານ 917 ໄດ້ມອບໃຫ້ ປກສ ແຂວງຄຳມ່ວນ ນຳໄປດຳເນີນຄະດີ ຕໍ່.