ສະເທືອນຢູໂຣບ! ເຢຍລະມັນ ຫັນມານຳໃຊ້ຖ່ານຫີນຂຶ້ນ ຫຼັງຣັດເຊຍ ຫຼຸດປະລິມານສົ່ງແກັສໃຫ້

ສະເທືອນຢູໂຣບ! ເຢຍລະມັນ ຫັນມານຳໃຊ້ຖ່ານຫີນຂຶ້ນ ຫຼັງຣັດເຊຍ ຫຼຸດປະລິມານສົ່ງແກັສໃຫ້

23rd June 2022 0 By Admin

ສຳນັກຂ່າວຕ່າງປະເທດລາຍງານວ່າ ກະຊວງພະລັງງານຂອງເຢຍລະມັນອອກຖະແຫຼງການລະບຸວ່າ ເຢຍລະມັນຈຳເປັນຕ້ອງກັບໄປຜະລິດກະແສໄຟຟ້າຈາກຖ່ານຫີນເພີ່ມຂຶ້ນ ເປັນການປະຢັດການໃຊ້ແກັສທຳມະຊາດ ຫຼັງຈາກທີ່ບໍລິສັດແກັສປຣອມຂອງຣັດເຊຍ ປະກາດຫຼຸດປິລິມານການຈັດສົ່ງແກັສໃຫ້ສະຫະພາບຢູໂຣບ.


ກ່ອນໜ້ານີ້ ລັດຖະບານເຢຍລະມັນມີເປົ້າໝາຍຍົກເລີກການນຳໃຊ້ພະລັງງານຈາກຖ່ານຫີນໃຫ້ໄດ້ປີ 2030 ແຕ່ເພື່ອປ້ອງກັນຄວາມສ່ຽງທີ່ອາດຈະເກີດຂຶ້ນໃນລະດູໜາວຈະເຖິງນີ້ ຈຳເປັນຕ້ອງນຳໃຊ້ພະລັງງານຈາກຖ່ານຫີນເພີ່ມນຂຶ້ນ ເພື່ອຫຼຸດການນຳໃຊ້ແກັສລົງໃນຊ່ວງນີ້.


ທັງນີ້ ເມື່ອວັນທີ 15 ມິຖຸນາຜ່ານມາ ບໍລິສັດ Gazprom ຂອງຣັດເຊຍ ໄດ້ແຈ້ງເຖິງທາງການເຢຍລະມັນວ່າ ຈະຫຼຸດປະລິມານການສົ່ງແກັສທຳມະຊາດໃຫ້ເຢຍລະມັນ ຈາກ 167 ລ້ານແມັດກ້ອນຕໍ່ວັນ ລົງມາເຫຼືອພຽງ 67 ລ້ານແມັດກ້ອນຕໍ່ວັນ ເນື່ອງຈາກຂັດຂ້ອງທາງເຕັກນິກ ເພາະບໍລິສັດຊີເມັນຂອງເຢຍລະມັນບໍ່ສາມາດສ້ອມແປງລະບົບ ຄອມເພຣສເຊີ ທີ່ສະຖານີ ປໍໂຕມາຢາ ໄດ້ທັນຕາມກຳນົດເວລາ.


ປັດຈຸບັນທໍ່ສົ່ງແກັສ Nord Stream 1 ຍັງເປັນໜຶ່ງໃນສອງຊ່ອງທາງຫຼັກໃນການສົ່ງແກັສຈາກຣັດເຊຍໄປຍັງສະຫະພາບຢູໂຣບລອດຜ່ານທະເລດຳໄປຍັງທິດຕາເວັນຕົກສຽງເໜືອຂອງເຢຍລະມັນ.