ຂ່າວຮ້າຍຮັບເມສາ! ລາວພົບຜູ້ຕິດເຊື້ອໂຄວິດ-19 ເພີ່ມອີກ 1ກໍລະນີ ຍອດລວມເປັນ 10ກໍລະນີ

ຂ່າວຮ້າຍຮັບເມສາ! ລາວພົບຜູ້ຕິດເຊື້ອໂຄວິດ-19 ເພີ່ມອີກ 1ກໍລະນີ ຍອດລວມເປັນ 10ກໍລະນີ

1st April 2020 0 By Education

ນັບວ່າເປັນຂ່າວຮ້າຍຕ້ອນຮັບເດືອນເມສາ ຫຼັງສາທາປະກາດ ພົບຜູ້ຕິດເຊື້ອໂຄວິດ-19 ເພີ່ມອີກ 1ກໍລະນີ ຢູ່ນະຄອນຫຼວງວຽງຈັນ ເີຮັດໃຫ້ຍອດລວມຢູ່ທີ່ 10ກໍລະນິີ, ເຊິ່ງຜ່ານການກວດເຊື້ອທັງໝົດແລ້ວ 437 ກໍລະນີ ແຕ່ຜົນກວດພົບເຊື້ອພຽງ 10ກໍລະນີ.

ໃນວັນທີ 1​ເມສາ 2020 ທ່ານ ພູທອນ ເມືອງປາກ ຮອງລັດຖະມົນຕີກະຊວງສາທາລະນະສຸກ ພ້ອມຄະນະ ໄດ້ຈັດພິທີຖະແຫຼງຂ່າວກ່ຽວກັບສະພາບການລະບາດຂອງພະຍາດໂຄວິດ-19 ໃນລາວ ໂດຍມີສື່ມວນຊົນຈາກຫຼາຍພາກສ່ວນເຂົ້າຮ່ວມ

ທ່ານ  ພູທອນ ເມືອງປາກ ໃຫ້ຮູ້ວ່າ:  ມາຮອດວັນທີ 1 ເມສາ 2020 ພົບຜູ້ຕິດເຊື້ອອີກ 1 ຄົນ ອາຍຸ 21 ເພດຍິງ ຢູ່ບ້ານ ໜອງສະໂນຄຳ ເມືອງສີໂຄດຕະບອງ ນະຄອນຫຼວງວຽງຈັນ ເຊິ່ງຜູ້ກ່ຽວແມ່ນໄດ້ມີປະຫວັດພົວພັນ ແລະ ຕິດເຊື້ອຈາກ ຜູ້ຕິດເຊື້ອທີ່ 8 ທີ່ໄດ້ລາຍງານຜ່ານມາ ມາຮອດປັດຈຸບັນລວມຜູ້ຕິດເຊື້ອທັງໝົດໃນປະເທດລາວ ມີ 10 ຄົນ ຈາກການກວດວິເຄາະຫາເຊື້ອທັງໝົດ 437 ກໍລະນີ. ພ້ອມທັງໄດ້ຄົ້ນຫາຜູ້ໃກ້ສິດ ແລະ ສຳພັດຜູ້ຕິດເຊື້ອ ໄດ້ແລ້ວ 186 ຄົນ.