ປະທານາທິບໍດີຟິລິປິນມາໂຫດ! ໃຜຝ່າຝືນມາດຕະການລັອກດາວຄຸມໂຄວິດ-19 ໃຫ້ຍິງໄດ້ທັນທີ

ປະທານາທິບໍດີຟິລິປິນມາໂຫດ! ໃຜຝ່າຝືນມາດຕະການລັອກດາວຄຸມໂຄວິດ-19 ໃຫ້ຍິງໄດ້ທັນທີ

3rd April 2020 0 By Education

ເນື່ອງຈາກສະພາບການລະບາດຂອງພະຍາດໂຄວິດ-19 ໃນທົ່ວໂລກທີ່ນັບມື້ຮຸນແຮງຂຶ້ນເລື້ອຍໆ ເຮັດໃຫ້ຫຼາຍປະເທດຕ້ອງມີມາດຕະການອັນເຂັ້ມງວດ ຕໍ່ທຸກຄົນພາຍໃນຊາດ ເພື່ອປ້ອງກັນ ແລະ ຄວບຄຸມການລະບາດຂອງພະຍາດດັ່ງກ່າວ, ເຊິ່ງແຕ່ລະປະເທດກໍ່ມີມາດຕະການທີ່ແຕກຕ່າງກັນໄປ ແຕ່ຟີລິປິນມາໂຫດກວ່າປະເທດອື່ນ ໂດຍການວາງມາດຕະການລັອກດາວ ຫາກໃຜຝ່າຝືນໃຫ້ຍິງຖິ້ມໄດ້ທັນທີ.

ໂດຍທ່ານປະທານາທິບໍດີ ໂຣດຣິໂກ ດູເຕີເຕ ຜູ້ນໍາຟີລິປິນ ບອກທະຫານ, ຕໍາຫຼວດໃຫ້ຍິງໄດ້ເລີຍ ຫາກພົບຄົນສ້າງບັນຫາລະຫວ່າງການປະກາດມາດຕະການລັອກດາວ ເປັນເວລາ 1ເດືອນ ຢູ່ເກາະລູຊອນ ດ້ວຍຄວາມພະຍາຍາມທີ່ຈະຢັບຢັ້ງການລະບາດຂອງເຊື້ອໄວຣັດໂຄວິດ-19.

ຂໍບອກວ່ານີ້ຄືຄໍາເຕືອນ ທຸກຄົນຕ້ອງປະຕິບັດຕາມຄໍາສັ່ງຂອງລັດຖະບານ ເພາະສິ່ງທີ່ສັ່ງອອກໄປຄືວິກິດ ແລະ ຢ່າເຮັດສິ່ງທີ່ເປັນອັນຕະລາຍຕໍ່ບຸກຄະລາກອນທາງການແພດ ເພາະມັນຄືອາດຊະຍາກໍາຮ້າຍແຮງ ໂດຍຂ້ອຍໄດ້ສັ່ງທະຫານ ແລະ ຕໍາຫຼວດໄປແລ້ວ ຖ້າຫາກພົບໃຜທີ່ສ້າງບັນຫາ ແລະ ເຮັດໃຫ້ຊີວິດຂອງເຈົ້າໜ້າທີ່ເຫຼົ່ານີ້ຕົກຢູ່ໃນອັນຕະລາຍ ກໍ່ຍິງຄົນສ້າງບັນຫາໃຫ້ຕາຍໄປເລີຍ ພ້ອມເນັ້ນ ຢ່າຂົ່ມຂູ່ລັດຖະບານ ຢ່າທ້າທາຍລັດຖະບານ ພວກເຈົ້າບໍ່ຊະນະດອກ ທີ່ກ່າວມານີ້ເປັນສ່ວນໜຶ່ງໃນຄໍາເວົ້າຂອງປະທານາທິບໍລດີ ຟີລິປິນ ເມື່ອວັນທີ 1 ເມສາ 2020.

ເຊິ່ງທ່າທີເດັດຂາດຂອງ ດູເຕີເຕ ເກີດຂຶ້ນຫຼັງຈາກຊາວຟິລິປິນ ໃນຊຸມຊົນແອອັດແຫ່ງໜຶ່ງ ໃນເຂດເກຊອນ ລວມຕົວກັນປະທ້ວງຢູ່ຫົນທາງຫຼວງ ໃກ້ກັບບ້ານຂອງເຂົາເຈົ້າ ໂດຍອ້າງວ່າບໍ່ໄດ້ຮັບອາຫານ ແລະ ສິ່ງຂອງບັນເທົາທຸກຕ່າງໆ ນັບຕັ້=ແຕ່ມີການປິດເມືອງເລີ່ມຕົ້ນຂຶ້ນກວ່າ 2ອາທິດທີ່ແລ້ວ.

ດ້ານຕົວເລກຜູ້ຕິດເຊື້ອມາຮອດວັນທີ 1ເມສາ2020 ຍອດລວມຜູ້ຕິດເຊື້ອຢູ່ທີ່ 2.311 ກໍລະນີ ແລະ ມີຜູ້ເສຍຊີວິດແລ້ວຢ່າງໜ້ອຍ 96ຄົນ.