ຕະກຸນຊິນນະວັດ ເຫັນຄວາມຂາດແຄນອຸປະກອນການແພດເລັ່ງໃຫ້ການຊ່ວຍເຫຼືອ

ຕະກຸນຊິນນະວັດ ເຫັນຄວາມຂາດແຄນອຸປະກອນການແພດເລັ່ງໃຫ້ການຊ່ວຍເຫຼືອ

4th April 2020 0 By Education

ເຖິງທ່ານທັກສິນ  ຊິນນະວັດ ນາຍົກຂັວນໃຈຂອງຊາວໄທ ແລະຄົນລາວຮູ້ຈັກກັນດີນັ້ນ ຈະຢູ່ຕ່າງແດນມາບໍ່ໄດ້ແຕ່ນາງສາວ ອຸ້ງອິ້ງ  ຫຼື ແພທອງທານ ຊິນນະວັດ ລູກສາວຂອງທັກສິນກໍ່ໄດ້ເຮັດໜ້າທີ່ແທນຕະກຸນຊີນນະວັດ ນຳເຄື່ອງຊ່ວຍເຫຼືອຈຳນວນໜຶ່ງໄປມອບໃຫ້ແພດໝໍໃນປະເທດໄທ ເພື່ອຊ່ວຍແບ່ງເບົາຕ້ານໂຄວິດ19.

ນາງສາວອຸ້ງອິ້ງໄດ້ໂພສໃນເຟສບຸກສ່ວນຕົວວ່າ: ມື້ນີ້ໄດ້ເຂົ້າໄປໂຮງໝໍ ໄດ້ໂອ້ລົມກັບທ່ານໝໍ ແລະຝ່າຍບໍລິຫານເຖິງກ່ຽວກັບບັນຫາໂຄວິດ-19 ໃນຊ່ວງວິກິດນີ້ສິ່ງທີ່ໜ້າເປັນຫ່ວງທີ່ສຸດແມ່ນພາວະຂາດແຄນຊຸດປ້ອງກັນສຳລັບທ່ານໝໍ ແລະເຈົ້າໜ້າທີ່ການແພດ.

ສະນັ້ນຕະກຸນຊິນນະວັດຈິ່ງໄດ້ສັ່ງເອົາຊຸດ PPE ພ້ອມໜ້າກາກອະນາໄມ N95 ແລະໜ້າກາກອະນາໄມທຳມະດາຈຳນວນໜຶ່ງ ເພື່ອກຽມສົ່ງມອບໃຫ້ໂຮງໝໍ3 ແຫ່ງຄື ໂຮງໝໍຣາມາທິບໍດີ, ໂຮງໝໍສີຣິຣາດ ແລະໂຮງໝໍຈຸລາ

ທັງ 3 ໂຮງໝໍນັ້ນແມ່ນບ່ອນທີ່ຮັບເຄສຜູ້ປ່ວຍໜັກສຸດໃນເວລານີ້ ແລະຍັງຄົງຕ້ອງການສິ່ງຂອງຈຳເປັນເຫຼົ່ານີ້ອີກຈຳນວນຫຼາຍ……..

ຊ່ວຍໄທກໍ່ຄືຊ່ວຍເຮົາໄທປອດໄພ ລາວກໍ່ປອດໄປນຳ ຍ້ອນສອງປະເທດນີ້ມີການພົວພັນຢ່າງໃກ້ຊິດກັນ ຜູ້ປ່ວຍໃນລາວສ່ວນໜຶ່ງແມ່ນກວດພົບເຊື້ອຫຼັງກັບມາແຕ່ໄທ!