ດີໃຈນໍາເດີ! ໜຶ່ງໃນຜູ້ປ່ວຍຕິດເຊື້ອໂຄວິດ-19 ເຜີຍອາການດີຂຶ້ນ ອີກບໍ່ເທົ່າໃດມື້ກໍ່ຈະກັບບ້ານໄດ້ແລ້ວ

ດີໃຈນໍາເດີ! ໜຶ່ງໃນຜູ້ປ່ວຍຕິດເຊື້ອໂຄວິດ-19 ເຜີຍອາການດີຂຶ້ນ ອີກບໍ່ເທົ່າໃດມື້ກໍ່ຈະກັບບ້ານໄດ້ແລ້ວ

5th April 2020 0 By Education

ໃນທ້າຍເດືອນມີນາທີ່ຜ່ານມາ ສປປ ລາວ ໄດ້ປະກາດການພົບຜູ້ຕິດເຊື້ອໂຄວິດ-19ໃນລາວ ເຊິ່ງ 2ກໍລະນີທໍາອິດແມ່ນລ້ວນແຕ່ມີປະຫວັດການເດີນທາງມາຈາກຕ່າງປະເທດ ແລະ ພົວພັນກັບຄົນຕ່າງປະເທດ. ຈາກນັ້ນກໍ່ມີກໍລະນີທີ 3 ໂດຍຕິດເຊື້ອມາຈາກການສໍາຜັດໃກ້ຊິດກັບກໍລະນີທີ​2, ເຊິ່ງມາຮອດປັດຈຸບັນ ວັນທີ 4ເມສາ 2020 ລາວເຮົາມີຜູ້ຕິດເຊື້ອທັງໝົດ 10ກໍລະນີ.

ແນວໃດກໍ່ຕາມ ໃນໄລຍະຜ່ານມາ ລັດຖະບານກໍ່ບໍ່ໄດ້ນິ້ງນອນໃຈ ເລັ່ງຫາວິທີທາງໃນການສະກັດກັ້ນ, ຄວບຄຸມການລະາດຂອງພະຍາດດັ່ງກ່າວ. ສ່ວນຜູ້ຕິດເຊື້ອທັງ 10ກໍລະນີ ທີມແພດໝໍກໍ່ໄດ້ເອົາໃຈໃສ່ປິ່ນປົວຢ່າງເຕັມທີ່ ເຊິ່ງມາຮອດຕອນນີ້ເວລາຜ່ານໄປເກືອບ 2ອາທິດ ເຮັດໃຫ້ອາການຂອງຜູ້ປ່ວຍເລີ່ມດີຂຶ້ນ ແລະ ຫຼ້າສຸດວັນທີ 5 ເມສາ 2020 ຜູ້ຕິດເຊື້ອກໍລະນີທີ 3ກໍ່ໄດ້ອອກມາໂພສພາບພ້ອມຂໍ້ຄວາມບອກຂ່າວດີວ່າ ໝໍແຈ້ງຂ່າວດີ ອີກບໍ່ພໍເທົ່າໃດມື້ກໍ່ຈະກັບບ້ານໄດ້ແລ້ວ.

ເຊິ່ງໃນໂພສດັ່ງກ່າວກໍ່ມີຜູ້ໃຊ້ສື່ສັງຄົມອອນລາຍເຂົ້າມາຄອມເມັ້ນສະແດງຄວາມດີໃຈຕໍ່ຜູ້ກ່ຽວ. ແນວໃດກໍ່ຕາມ ແອັດມິນຂໍເປັນອີກໜຶ່ງສຽງໃນການໃຫ້ກໍາລັງໃຈຜູ້ປ່ວຍທັງໝົດ ໃຫ້ປິ່ນປົວຫາຍຂາດໂດຍໄວ, ສ່ວນປະຊາຊົນຜູ້ຢູ່ບ້ານເຮືອນກໍ່ຮັກສາໂຕເອງດີໆ ເອົາໃຈໃາ່ປະຕິບັດຄໍາສັ່ງຂອງນາຍົກຢ່າງເຂັ້ມງວດ.