ຄົນເມກາວ່າງງານ3 ລ້ານກວ່າຄົນໃນອາທິດດຽວ ຍ້ອນຜົນພວງໂຄວິດລະບາດ

ຄົນເມກາວ່າງງານ3 ລ້ານກວ່າຄົນໃນອາທິດດຽວ ຍ້ອນຜົນພວງໂຄວິດລະບາດ

6th April 2020 0 By Education

ກະຊວງແຮງງານຂອງສະຫະລັດອາເມລິກາຖະແຫຼງໃນວັນທີ 26 ມີນາຜ່ານມາວ່າພຽງໜຶ່ງອາທິດເທົ່ານັ້ນທົ່ວອາເມລິກາມີຜູ້ມາລົງທະບຽນຂໍສະຫວັດດິການວ່າງງານຫຼາຍເຖິງ 3,3 ລ້ານຄົນ ຖືເປັນຕົວເລກສູງສຸດໃນປະຫວັດສາດ ທຳລາຍສະຖິຕິເກົ່າທີ່ມີຄົນມາລົງທະບຽນປະມານ 6 ແສນກວ່າຄົນໃນປີ 1982 ເຊິ່ງເປັນຊ່ວງທີ່ເສດຖະກິດຕົກຕ່ຳຄັ້ງໃຫຍ່.

ກ່ອນໜ້ານີ້ໄດ້ມີຜົນການສຳຫຼວດຄວາມເຫັນບັນດານັກເສດຖະສາດທີ່ຈັດທຳໂດຍດາວໂຈນ ຄາດການວ່າຈະມີຜູ້ມາລົງທະບຽນວ່າງງານປະມານ 1,5 ລ້ານຄົນເທົ່ານັ້ນ ແຕ່ຄວາມຈີງກາຍໄປແລ້ວ.

ໂດຍຜູ້ມາລົງທະບຽນເກືອບທຸກລັດໃນສະຫະລັດຕ່າງກໍ່ໃຫ້ເຫດຜົນວ່າທີ່ຕ້ອງຕົກວຽກເພາະການລະບາດຂອງພະຍາດໂຄວິດ-19 ເນື່ອງຈາກສົ່ງຜົນກະທົບໜັກໜ່ວງຕໍ່ກິດຈະການຮ້ານອາຫານ, ທຸລະກິດບໍລິການ, ຮ້ານບັນເທິງ ຕະຫຼອດຮອດທຸລະກິດການດູແລສຸຂະພາບ, ການຂົນສົ່ງ ເນື່ອງຈາກຕ້ອງປິດກິດຈະການຊ່ວງລັດຖະບານໃຫ້ເວັ້ນໄລຍະຫ່າງທາງສັງຄົມ ເພື່ອຄວບຄຸມພະຍາດ.