ຜູ້ເດີນທາງດ້ວຍຖ້ຽວບິນ TG 574 ຕ້ອງເລັ່ງກວດຫາເຊື້ອໂຄວິດ-19 ດ່ວນ ຫຼັງຜົນກວດ 2ຄົນໃນລໍາຕິດເຊື້ອ

ຜູ້ເດີນທາງດ້ວຍຖ້ຽວບິນ TG 574 ຕ້ອງເລັ່ງກວດຫາເຊື້ອໂຄວິດ-19 ດ່ວນ ຫຼັງຜົນກວດ 2ຄົນໃນລໍາຕິດເຊື້ອ

6th April 2020 0 By Education

ສປປ ລາວ ມີຜູ້ຕິດເຊື້ອໂຄວິດ-19 ເພີ່ມຂຶ້ນອີກ 1ກໍລະນີ ເປັນເພດຍິງ ອາຍຸ 20ປີ ຢູ່ບ້ານນາໄຊ ເມືອງໄຊເສດຖາ ນະຄອນຫຼວງວຽງຈັນ ທີ່ຫາກໍ່ເດີນທາງມາຈາກປະເທດອັງກິດໃນຊ່ວງທ້າຍເດືອນມີນາທີ່ຜ່ານ ແລ້ວບິນຈາກກຸງເທບເຂົ້າລາວໃນວັນທີ 23 ມີນາ 2020 ດ້ວຍຖ້ຽວບິນ TG 574 ເຊິ່ງເປັນຖ້ຽວບິນດຽວກັນກັບກໍລະນີ 11 ນັ້ນໝາຍຄວາມຜູ້ໂດຍສານທີ່ຮ່ວມຖ້ຽວບິນດັ່ງກ່າວ ລ້ວນມີຄວາມສ່ຽງ ຕ້ອງເລັ່ງຕິດຕາມອາການຕົນເອງ ແລະ ກວດຫາເຊື້ອໂດຍດ່ວນ.

ແນວໃດກໍ່ຕາມ ຈໍານວນຜູ້ຕິດເຊື້ອໂຄວິດ-19 ໃນລາວ ມີຈໍານວນເພີ່ມຂຶ້ນ ໃນແຕ່ລະມື້ ເຖິງແມ່ນວ່າຈະບໍ່ເປັນຈໍານວນຫຼາຍ ແຕ່ມັນເປັນສັນຍານເຕືອນວ່າມັດຈູລາດໂຕນີ້ໄດ້ເຂົ້າມາລາວແລ້ວ, ດັ່ງນັ້ນ ທຸກຄົນຕ້ອງມີສະຕິລະວັງຕົວ, ປະຕິບັດຕົນເອງຕາມຄໍາສັ່ງຂອງລັດຖະບານຢ່າງເຄັ່ງຄັດ.

ນອກຈາກນີ້ ສິ່ງທີ່ໜ້າຫ່ວງທີ່ສຸດຕອນນີ້ແມ່ນກຸ່ມຜູ້ໂດຍສານທີ່ຮ່ວມເດີນທາງມາກັບນັກສຶກສາທີ່ມາຈາກອັງກິດ ແລະ ພະນັກງານພູເບ້ຍມາຍນິງ ຜູ້ຕິດເຊື້ອທັງສອງ, ຕ້ອງເລັ່ງເຝົ້!ລະວັງຕົນເອງໃຫ້ດີ ຕື່ນຕົວໃນການຈໍາກັດບໍລິເວນຕົນເອງ ຫາກມີຫຍັງຜິດປົກກະຕິຕ້ອງແຈ້ງສາຍດ່ວນ 166 ພ້ອມເລັ່ງກວດຫາເຊື້ອໂດຍທັນທີ.