ຊີວິດນີ້ບໍ່ແນ່ນອນ ວິສະວະກອນເຄື່ອງບິນຍງກາຍເປັນຄົນລ້າງແອໄດ້

ຊີວິດນີ້ບໍ່ແນ່ນອນ ວິສະວະກອນເຄື່ອງບິນຍງກາຍເປັນຄົນລ້າງແອໄດ້

7th April 2020 0 By Education

ໂຄວິດມາມະນຸດເງິນເດືອນຄົນໃດກໍ່ຮ້ອງໂອ່ຍໆໆ ເພາະນາຍຈ້າງຈຳເປັນຕ້ອງຄັດພະນັກງານອອກ ເພື່ອຫຼຸດຕົ້ນທຶນ ບາງບໍລິສັດໃຫ້ຢຸດວຽກບໍ່ຮັບເງິນເດືອນ ບາງແຫ່ງຕັດເງິນເດືອນຄົນລະ50-60% ເພື່ອຄວາມຢູ່ລອດ ບໍ່ເວັ້ນແຕ່ວິສະວະກອນການບິນສາຍງານມີໜ້ອຍກໍ່ຍັງຕ້ອງຕົກວຽກ.

ໜຸ່ມວິສະວະກອນເຄື່ອງບິນຂອງໄທທ່ານໜຶ່ງໄດ້ກາຍເປັນຄົນລ້າງແອໂດຍອັດຕະໂນມັດ ບອກວ່າ ຫຼັງສາຍການບິນປະກາດມາດຕະການຕ່າງໆອອກມາເຂົາກໍ່ງົງໄປໝົດວ່າຈະເຮັດແນວໃດຈິ່ງສາມາດຫາເງິນມາລ້ຽງຄອບຄົວໄດ້ໃນເມື່ອລາຍໄດ້ຫາຍລາຍຈ່າຍເທົ່າເກົ່າ ຄອບຄົວຈະຢູ່ແນວໃດ?

ທຳອິດທີ່ໄດ້ພັກວຽກມີຄວາມຮູ້ສຶກເຄັ່ງຄຽດສັບສົນໄປໝົດ ແຕ່ເມື່ອຫັນມາເບິ່ງໜ້າລູກຊາຍກໍມີຄຳຖາມກັບມາຫາຕົນເອງວ່າ ຈະຕົມປັກກັບຄວາມຄຽດແລ້ວຈະແກ້ບັນຫານີ້ໄດ້ແນວໃດ ຈະມີລາຍໄດ້ຈາກໃສມາຈູນເຈືອຄອບຄົວ.

ຄິດໄປທຸກຢ່າງຕ້ອງເຮັດອາການກ່ອງຂາຍ, ຕ້ອງຂັບແທັກຊີ່, ຂັບແກັບ, ສົ່ງອາຫານ ແຕ່ທຸກຢ່າງລ້ວນເປັນສິ່ງທີ່ໂຕເອງບໍ່ຖະໜັດທັງນັ້ນ ແຕ່ກໍຍັງດີທີ່ໜຸ່ມຄົນນີ້ກັບໝູ່ອີກຄົນທີ່ເຮັດວຽກນຳກັນ ພໍມີຄວາມຮູ້ເລື່ອງລ້າງແອຈິ່ງປະກາດໄປວ່າ ທຸກເຮືອນທີ່ມີແອແຕ່ບໍ່ມີຄົນລ້າງ ຊ່ວງໜ້າຮ້ອນແບບນີ້ ແອເປັນສິ່ງຈຳເປັນທີ່ສຸດ!!!

ຫຼັງຈາກນັ້ນກໍມາປືກສາກັບໝູ່ທີ່ມີຄວາມຮູ້ເລື່ອງແອເລີຍເອົາມາລວມກັນ ໂຕເອງເປັນການຕະຫຼາດຊ່ວຍແຮງງານ ໝູ່ເປັນວິຊາການຊຳນານງານ ຫຼັງຈາກນັ້ນກໍ່ເລີ່ມຮັບລ້າງແອປະມານສູງສຸດມື້ລະ 6 ເຄື່ອງ ຄິດລາຍໄດ້ຄ່າວໆເຄື່ອງລະປະມານ 100.000 ກີບ (350 ບາດ) ຖືວ່າຖືກທີ່ສຸດຖ້າທຽບໃສ່ລາຄາຕະຫຼາດທົ່ວໄປ ອາທິດໜຶ່ງເຮັດ 6 ມື້ພັກມື້ໜຶ່ງ ເມື່ອຫັກຄ່າອຸປະກອນຕ່າງໆຄ່ານ້ຳມັນແລ້ວເຫຼືອຄົນລະ 2 ໝື່ນກວ່າຖືວ່າພໍຢູ່ໄດ້.


ໜຸ່ມໄທຄົນນີ້ບອກວ່າວິກິດຄັ້ງນີ້ສອນຕົນເອງຫຼາຍໆຢ່າງ ອັນທີໜຶ່ງ ຊີວິດມະນຸດກໍຕ້ອງການພຽງປັດໄຈ 4 ມີກິນ ມີນອນ ຢາປົວພະຍາດ ເຄື່ອງນຸ່ງຫົ່ມ ອັນທີສອງ ຕໍ່ໃຫ້ເງິນເດືອນສູງພຽງໃດ ຄຳວ່າ “ບໍ່ມີອັນໃດທ່ຽງແທ້ ບໍ່ມີຫຍັງແນ່ນອນ” ມີຢູ່ຈີງ, ອັນທີສາມ “ບໍ່ມີເງິນບໍ່ແມ່ນບັນຫາ ແຕ່ຖ້າບໍ່ມີປັນຍາຄືບັນຫາໃຫຍ່ສຸດ”

Cr: thienchai.phankhong