ຕາຢ້ານ! ອີຣານ ດັບ 600 ຊີວິດ ຫາມສົ່ງໂຮງໝໍອີກ 3.000 ຄົນ ຍ້ອນດື່ມແອວກໍຮໍເຂັ້ມຂຸ້ນ ເຊື່ອວ່າປິ່ນປົວໂຄວິດໄດ້

ຕາຢ້ານ! ອີຣານ ດັບ 600 ຊີວິດ ຫາມສົ່ງໂຮງໝໍອີກ 3.000 ຄົນ ຍ້ອນດື່ມແອວກໍຮໍເຂັ້ມຂຸ້ນ ເຊື່ອວ່າປິ່ນປົວໂຄວິດໄດ້

9th April 2020 0 By Education

ເມື່ອວັນທີ 7 ເມສາ 2020 ເວັບໄຊເດລີເມວ ລາຍງານວ່າມີຊາວອີຣານ 600 ຄົນເສຍຊີວິດຫຼັງຈາກດື່ມແອວກໍຮໍເຂັ້ມຂຸ້ນເຂົ້າໄປ ຫຼງມີການປ່ອຍຂ່າວລືວ່າດື່ມແອວກໍຮໍເຂັ້ມຂຸ້ນຈະສາມາດປິ່ນປົວອາການປ່ວຍຈາກໄວຣັດໂຄໂຣນາໄດ້ ນອກຈາກນີ້ ຍັງມີຜູ້ທີ່ເຂົ້າຮັບການຮັກສາຕົວໃນໂຮງໝໍອີກ 3.000ຄົນ ເນື່ອງຈາກລົ້ມປ່ວຍລົງຍ້ອນດື່ມແອວກໍຮໍດັ່ງກ່າວເຂົ້າໄປດ້ວຍເຫດຜົນດຽວກັນ ຫຼັງຈາກທີ່ອີຣານກາຍເປັນປະເທດທີ່ມີການລະບາດຂອງໂຄວິດ-19 ຫຼັກທີ່ສຸດໃນຕາເວັນອອກກາງ.

ໂດຍ ທ່ານ ໂກແລມ ຮອສເຊນ ເອສໄມໂລ ໂຄສົກກະຊວງຍຸຕິທໍາອີຣານ ເປີເຜີຍກັບສໍານັກຂ່າວທັສນິມ ວ່າ ຈໍານວນຜູ້ທີ່ດື່ມແອວກໍຮໍເຂັ້ມຂຸ້ນເຫຼົ່ານີ້ມີສູງຫຼາຍ ເກີນກວ່າທີຄາດການເອົາໄວ້ ພ້ອມແນະການດື່ມແອວກໍຮໍເຫຼົ່ານີ້ ບໍ່ໄດ້ຊ່ວຍປິ່ນປົວໂລກ ແຕ່ມັນຈະເຮັດໃຫ້ເຖິງຕາຍໄດ້ ໂດຍທາງການໄດ້ຈັບກຸມຕົວຜູ້ຄົນທີ່ກ່ຽວຂ້ອງກັບເຫດການດັ່ງກ່າວເອົາໄວ້ຈໍານວນໜຶ່ງ ແລະ ຈະຕ້ອງຈັດການກັບຄົນເຫຼົ່ານີ້ຢ່າງແນ່ນອນ ເນື່ອງຈາກມີຄວາມຜິດທາງອາຍາທີ່ເຮັດໃຫ້ຜູ້ອື່ນເຖິງແກ່ຄວາມຕາຍ ແລະ ທໍາຮ້າຍປະຊາຊົນ.

ທັງນີ້, ຕົວເລກຫຼ້າສຸດເມື່ອວັນທີ 8 ເມສາ 2020 ກະຊວງສາທາລະນະສຸກອີຣານແຈ້ງວ່າ ຍອດຜູ້ຕິດເຊື້ອໃນອີຣານ ໄດ້ເພີ່ມຂຶ້ນອີກ 121 ຄົນ ເຮັດໃຫ້ຍອດລວມຢູ່ທີ່ 4.003 ຄົນ ຂະນະທີ່ຍອດຜູ້ຕິດເຊື້ອສະສົມ ເພີ່ມຂຶ້ນອີກ 1.997 ລວມທັງໝົດ 67.286 ລາຍແລ້ວ