ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ້ໃໝ່

ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ້ໃໝ່

27th December 2019 0 By Admin

ໃນວັນທີ 26 ທັນວາ 2019 ນີ້ ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນແຂວງສາລະວັນ ໄດ້ຈັດພິທີ ມອບ-ຮັບຫົວໜ້າພະແນກ ຜູ່ເກົ່າ ແລະ ຜູ່ໃໝ່ຂຶ້ນຢ່າງເປັນທາງການ ລະຫວ່າງ ທ່ານ ຂັນໄຊ ລັດຖະເຮົ້າ ກຳມະການພັກແຂວງ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ້ເກົ່າ ແລະ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ້ໃໝ່ ຈັດຂຶ້ນຢູ່ທີ່ຫ້ອງປະຊຸມຂອງບໍລິສັດ ລາວໂທລະຄົມ ມະນາຄົມ ມະຫາຊົນ ສາຂາ ແຂວງສາລະວັນ, ເປັນກຽດເຂົ້າຮ່ວມໂດຍທ່ານ ວິຊຽນ ນະວິກຸນ ຄະນະປະຈໍາພັກແຂວງ, ຮອງເຈົ້າແຂວງສາລະວັນ, ມີການນຳແຂວງ, ຫົວໜ້າ-ຮອງພະແນກການ ແລະ ພາກສ່ວນບໍລິສັດທີ່ກ່ຽວຂ້ອງເຂົ້າຮ່ວມ.


ໂດຍປະຕິບັດຕາມຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ764/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການໂຍກຍ້າຍ ທ່ານ ຂັນໄຊ ລັດຖະເຮົ້າ ຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ໄປປະຈໍາການ ແລະ ຮັບໜ້າທີ່ຢູ່ບ່ອນໃໝ່ ແລະ ຂໍ້ຕົກລົງ ຂອງທ່ານເຈົ້າແຂວງສາລະວັນ ສະບັບເລກທີ 766/ຈຂ.ສວ, ລົງວັນທີ 4 ທັນວາ 2019 ວ່າດ້ວຍການຕົກລົງແຕ່ງຕັ້ງ ທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກ ໄປສະນີ, ໂທລະຄົມມະນາ ຄົມ ແລະ ການສື່ສານແຂວງສາລະວັນ ຜູ້ໃໝ່, ເວລາດຽວກັນນັ້ນທ່ານ ຂັນໄຊ ລັດຖະເຮົ້າ ກໍໄດ້ຂຶ້ນກ່າວມອບໜ້າທີ່ວຽກງານໃນແຕ່ລະດ້ານ ໃນໄລຍະຜ່ານມາທີ່ໄດ້ຊີ້ນໍາໆພາມີທັງດ້ານດີ, ດ້ານອ່ອນ, ຂໍ້ຄົງຄ້າງ ແລະ ແຜນສືບຕໍ່ປະຕິບັດໃນຕໍ່ໜ້າ ພ້ອມດຽວກັນທ່ານ ສົມຄິດ ແສນທະວີ ກໍໄດ້ຂຶ້ນກ່າວຮັບໜ້າທີ່ຢ່າງເປັນທາງການ.


ຈາກນັ້ນກໍໄດ້ມີການເຊັນບົດບັນທຶກ ມອບ-ຮັບໜ້າທີ່ຢ່າງເປັນທາງການ ລະຫວ່າງ ທ່ານ ຂັນໄຊ ລັດຖະເຮົ້າ ກຳມະການພັກແຂວງ ຫົວໜ້າພະແນກ ໄປສະນີ, ໂທລະຄົມມະນາຄົມ ແລະ ການສື່ສານແຂວງສາລະວັນ ຜູ້ເກົ່າ ກັບທ່ານ ສົມຄິດ ແສນທະວີ ເປັນຜູ້ຮັກສາການຫົວໜ້າພະແນກໄປສະນີ, ໂທລະຄົມມະນາຄົມ ແລະ ການສື່ສານ ຜູ້ໃໝ່ ຜູ້ໃໝ່ ໂດຍຊ້ອງໜ້າທ່ານ ວິຊຽນ ນະວິກຸນ , ຄະນະປະຈໍາພັກແຂວງ ຮອງເຈົ້າແຂວງສາລະວັນ, ມີບັນດາການນໍາຈາກພະແນກການອ້ອມຂ້າງ ແລະ ພາກສ່ວນບໍລິສັດທີ່ກ່ຽວຂ້ອງເຂົ້າຮ່ວມເປັນສັກຂີພິຍານ.

ທີ່ມາ:ໜັງສືພິມ“ສາລະວັນ“