​ບາດ​ນີ້​ບໍ່​ແມ່ນ 2 ແມັດ​ເດີ້ ເຊື້ອ​ໂຄວິດ​ສາ​ມາດ​ກະ​ຈາຍ​ໄດ້​ໄກ​ເຖິງ 4 ແມັດ ຫຼື ຫຼາຍກວ່າ​ນັ້ນ

​ບາດ​ນີ້​ບໍ່​ແມ່ນ 2 ແມັດ​ເດີ້ ເຊື້ອ​ໂຄວິດ​ສາ​ມາດ​ກະ​ຈາຍ​ໄດ້​ໄກ​ເຖິງ 4 ແມັດ ຫຼື ຫຼາຍກວ່າ​ນັ້ນ

12th April 2020 0 By Entertain

ຕາມຂ່າວຂອງສຳນັກເອເອັຟພີລາຍງານໃນວັນທີ 10 ເມສາ 2020 ໂດຍອ້າງອີງຜົນງານການວິໄຈຂອງ ສູນຄວບຄຸມ ແລະປ້ອງກັນໂຣກຂອງສະຫະລັດໃຫ້ຮູ້ວ່າ: ເຊື້ອໄວຣັສໂຄວິດ-19 ສາມາດກະຈາຍຕົວຢູ່ໃນອາກາດຈາກຜູ້ຕິດເຊື້ອໄດ້ໄກເຖິງ 4 ແມັດ ເປັນໄລຍະທີ່ໄກກວ່າຄຳແນະນຳປະຕິບັດທີ່ໃຫ້ຫ່າງຈາກການຢູ່ກັບຜູ້ອື່ນຢ່າງໜ້ອຍສອງແມັດເພື່ອປ້ອງກັນການຕິດເຊື້ອ.

ທີ່ແອັດເອົາຂ່າວນີ້ມາລົງບໍ່ໄດ້ມີເຈດຕະນາ ສ້າງເລື່ອງລາວໃຫ້ຄົນແຕກຕື່ນພຽງແຕ່ຢາກໃຫ້ເຫັນເຖິງຄວາມອັນຕະລາຍຂອງເຊື້ອພະຍາດ ເພື່ອໃຫ້ພວກເຮົາທຸກຄົນໄດ້ລະມັດລະວັງຫຼາຍຂຶ້ນໃນການປ້ອງກັນຕົນເອງ ອັນສຳຄັນແມ່ນໃຫ້ຢູ່ຫ່າງຈາກຜູ້ຄົນໃຫ້ຫຼາຍທີ່ສຸດໃນໄລຍະເກີດການລະບາດນີ້ ຍິ່ງໄກຍິ່ງດີເພາະຄົນສ່ວນໜຶ່ງເຖິງບໍ່ໄດ້ສຳຜັດໃກ້ຊິດເຖິງຂັ້ນກອດຈູບ ຫຼື ໃຊ້ສິ່ງຂອງຮ່ວມກັນກໍ່ຕິດເຊື້ອໄດ້ເຊັ່ນກັນ.

ໃນນັ້ນ ທີມນັກວິໄຈທີ່ທຳການສຶກສາໃນເລື່ອງນີ້ ນຳໂດຍທີມທີ່ມາຈາກສະຖາບັນວິທະຍາສາດການແພດໃນນະຄອນຫຼວງປັກກິ່ງ ໄດ້ທຳການສຶກສາຈາກທົດສອບພື້ນຜີວ ແລະຕົວຢ່າງອາກາດຈາກໃນຫໍພັກຜູ້ປ່ວຍໜັກລະດັບນອນໄອຊີຢູ ແລະພະແນກຜູ້ປ່ວຍໂຄວິດທົ່ວໄປໃນໂຮງໝໍ ລະຫວ່າງວັນທີ 19 ກຸມພາຫາ 2 ມີນາ.

ຜົນການທົດສອບ ແລະສຶກສາແລ້ວພົບວ່າເຊື້ອໄວຣັສຈະກະຈາຍຕົວຢູ່ຕາມພື້ນຂອງພະແນກຜູ້ປ່ວຍ ເຊິ່ງນັ້ນອາດເປັນແຮງໂນ້ມຖ່ວງໂລກ ແລະກະແສລົມທີ່ເຮັດໃຫ້ລະອອງຝອຍທີ່ມີເຊື້ອໄວຣັສເກາະລອຍຢູ່ໃນອາກາດກ່ອນຕົກລົງສູ່ພື້ນ ນອກຈາກນີ້ຍັງພົບເຊື້ອໄວຣັສໃນປະລິມານໜາແໜ້ນທີ່ເຮົາສຳຜັດຢູ່ເປັນປະຈຳເຊັ່ນ: ເມົ້າ, ເຄື່ອງຄອມພີວເຕີ ຖົງຂີ້ເຫຍື້ອ, ຮາວຕຽງ ແລະລູກກອນບິດປະຕູ.

ທີມນັກວິໄຈຍັງທຳການສຶກສາການຕິດເຊື້ອຜ່ານລະອອງຂອງແຫຼວທີ່ເຊື້ອໄວຣັສມີສະພາບຄົງຢູ່ໃນອາກາດໄດ້ດົນເປັນເວລາຫຼາຍຊົ່ວໂມງ ຕ່າງຈາກລະອອງຝອຍຈາກການໄອ ຫຼື ຈາມທີ່ຕົກລົງສູ່ພື້ນພາຍໃນເວລາບໍ່ເທົ່າໃດນາທີ ເຊິ່ງພົບວ່າໄວຣັສທີ່ເກາະຢູ່ໃນລະອອງຂອງແຫຼວລອຍຢູ່ໃນອາກາດຢ່າງໜາແໜ້ນໄກຈາກຕົວຜູ້ປ່ວຍໃນໄລຍະໄກເຖິງ 4 ແມັດ ສະນັ້ນເຮົາຈິ່ງຄວນຢູ່ໃຫ້ຫ່າງຈາກຜູ້ຄົນໃຫ້ຫຼາຍເທົ່າທີ່ຈະຫຼາຍໄດ້.