​ປາກ​ເຊ​ຍັງ​ບໍ່​ມີ​ຄົນ​ຕິດ​ເຊື້ອໂຄວິດ ແລະ ຂ້ອຍ​ກໍ​ບໍ່​ໄດ້​ຕິດ​ເຊື້ອ

​ປາກ​ເຊ​ຍັງ​ບໍ່​ມີ​ຄົນ​ຕິດ​ເຊື້ອໂຄວິດ ແລະ ຂ້ອຍ​ກໍ​ບໍ່​ໄດ້​ຕິດ​ເຊື້ອ

12th April 2020 0 By Entertain

ຜູ້ໃຊ້ເຟສບຸ໊ກຊື່ Jenny Pvc ສາວນະຄອນປາກເຊ ໄດ້ອອກມາໂພສຊີ້ແຈງຫຼັງຖືກສັງຄົມກ່າວຫາ ແລະ ກະຈາຍຂ່າວທີ່ບໍ່ມີມູນຄວາມຈິງວ່າຕົນນັ້ນຕິດເຊື້ອໂຄວິດ-19 ໂດຍໄດ້ໂພສອະທິບາຍ ວ່າຕົນບໍ່ໄດ້ຕິດເຊື້ອໂຄວິດ-19 ພ້ອມແນບຮູບຫຼັກຖານເປັນໃບຢັ້ງຢືນພະຍາດຈາກໂຮງໝໍແຂວງຈຳປາສັກ

ຈາກການຖະແຫຼງຂ່າວ ຂັ້ນເທິງເພິ່ນກໍໄດ້ເວົ້າໃຫ້ເຂົ້າໃຈກັນເບິດແລ້ວນໍ ພວກນັກຂ່າວ ທີ່ຮູ້ດີທັງຫຼາຍ ຈາກການກວດເຊື້ອໄວຣັດ ໂຄວິດ-19 ຂອງຂ້ອຍແລ້ວ ຜົນໄດ້ອອກມາ ທີ່ຮຽບຮ້ອຍລະເດີ ທຸກຄົນ ກະຄືຂ້ອຍບໍ່ມີເຊື້ອໄວຣັດນີ້ ຂ້ອຍບໍ່ໄດ້ເປັນໂຄວິດ ຜົນກວດເປັນ ( – ) ມີຫນັງສື ໃບກວດສຸຂາພາບຄັກແນ່ ເພາະສະນັ້ນກະໂລ້ງໃຈໄດ້ແລ້ວເດີ ປອດໄພແລ້ວ

ຈຳປາສັກ ຍັງປອດໂຄວິດຢູ່

ແລ້ວສິ່ງສຳຄັນທີ່ຂ້ອຍຢາກເວົ້າຕໍ່ໄປນີ້ ກະຄື: ຈາກການທີ່ຂ້ອຍໄດ້ເດີນທາງມາຮອດລາວໃນວັນທີ່ 23/3 ຂ້ອຍເອງກໍໄດ້ຊອມເບິ່ງອາການແລະກະໄດ້ກັກໂຕເອງແລ້ວເປັນເວລາ14ມື້ ຈື່ງໄດ້ມາຮູ້ຂ່າວວ່າຖ້ຽວບິນທີ່ຂ້ອຍນັ່ງມານັ້ນ ມີຄົນຕິດເຊື້ອໂຄວິດ-19 ໃນຖ້ຽວບິນ TG 574 ຂ້ອຍກໍ່ຕົກໃຈບໍ່ນ້ອຍ ຈື່ງໄດ້ເດີນທາງໄປກວດຢູ່ທີ່ໂຮງໝໍແຂວງ ໂດຍທີ່ບໍ່ໄດ້ມີອາການ ໄຂ້ ໄອ ເຈັບຄໍ ຫຍັງຕ່າງໆ ທ່ານໝໍເພິ່ນກໍໄດ້ກວດເຊື້ອໄວຣັດນີ້ ຢ່າງລະອຽດ

ແລ້ວຂ້ອຍກໍໄດ້ກັກໂຕເອງຢູ່ໂຮງໝໍເປັນເວລາມື້ 1 ເພື່ອຖ້າຮູ້ຜົນກວດຂອງຕົນເອງ ຜົນກໍ່ອອກມາເປັນລົບ (-)!!! ທັງໃດ໋ທັງນັ້ນກໍ່ໄດ້ມີກຸ່ມຄົນບໍ່ຫວັງດີ ເອົາຂ້ອຍໄປເວົ້າວ່າ…! ຂ້ອຍຕິດເຊື້ອ ຄົນທຳອິດຂອງປາກເຊ ແລ້ວເອົາຮູບຂ້ອຍ ໄປລົງ ໄປແຊຣ໌ ຕໍ່ຊື່ຕ່າງໆ ເຮັດໃຫ້ຄົນໃນສັງຄົມຕື່ນຕົກໃຈ ແລະເຮັດໃຫ້ຂ້ອຍແລະຄອບຄົວເສຍຫາຍ ຖືກໂຈມຕີຈາກສັງຄົມ

ຢາກບອກວ່າ “ ຂ່າວທີ່ກຸ່ມຄົນພວກນີ້ ເວົ້ານັ້ນ ຄື:ບໍ່ມີມູນຄວາມຈິງເລີຍ >>> ຂ້ອຍເອງກະບໍ່ຮູ້ວ່າຈຸເຈົ້າໄປເອົາຂ່າວນີ້ມາແຕ່ໃສ ແລ້ວໄປເວົ້າ ປ່າວປະກາດດ້ວຍຄວາມໝັ້ນໃຈ ເວົ້າໂດຍທີ່ໂຕເອງກະບໍ່ຮູ້ຈິງ ຮູ້ແທ້.ບໍ່ເກງກົວ ກົດໝາຍເລີຍ ຂ້ອຍມາກວດຜົນຍັງບໍ່ອອກ ກະພາກັນເວົ້າໄປກ່ອນລະ ໂຕເຈົ້າຂອງເອງຍັງບໍ່ຮູ້ຫຍັງຊ້ຳ ຊຸມເຈົ້າຮູ້ດີກ່ອນຂ້ອຍອີກລະນໍ

ເລື້ອງນີ້ກະບໍ່ແມ່ນເລື້ອງນ້ອຍໆເນາະ ຢາກໃຫ້ຄົນໃນສັງຄົມພິຈາລະນາໃຫມ່ ໃນການຊິເຜີຍແພ່ຂ່າວ ແລະ ຊ່ວຍແກ້ໄຂ່ຂາວ ທີ່ຊຸມເຈົ້າເວົ້າໃຫ້ຂ້ອຍເສຍຫາຍແລະບໍ່ມີມູນຄວາມຈິງແນ່ເດີ ຂ້ອຍເອງກໍ່ຕົກໃຈກັບເລື້ອງທີ່ເກີດຂື້ນ ມັນໄວເກີນຈົນຂ້ອຍເອງກະຮັບມືກັບກະແສສັງຄົມບໍ່ທັນ ຈົນເດຶອດຮ້ອນມາເຖິງຄອບຄົວ ຂໍໃຫ້ຈົບຂ່າວນີ້ສາ ອັນພວກທີ່ເວົ້າໃຫ້ຂ້ອຍ ລະສົ່ງຫຼືແຊຣ໌ຮູບກະໃຫ້ຢຸດ ແລະ ແກ້ໄຂ່ຂ່າວ ບໍ່ຊັ້ນຊິປ່ອຍໃຫ້ກົດໝາຍຈັດການ ( ເສບຂ່າວຢ່າງມີສະຕິເດີ ຢ່າຟ້າວຕື່ນຕະໜົກ ຈົນເກີນເຫດ

.

.

.